3 years ago
May 17, 2023
एजेन्सी – लखनऊ सुपर जायन्ट्सका युवा तीव्र गतिका बलर मोहसिन खानले चोटका कारण एक समय फेरि क्रिकेट खेल्ने आशा मारी सकेको बताएका छन् । इन्डियन प्रिमियर लिग (आइपिएल) मा मंगलबार राती मुम्बई इन्डियन्सविरुद्ध लखनऊलाई रोमान्चक जित दिलाउन अन्तिम ओभरमा नायक बनेका उनले खेलपछि उक्त प्रतिक्रिया दिएका हुन् ।

जितको लागि १ सय ७८ रनको विजयी लक्ष्य पछ्याएको मुम्बईले निर्धारित २० ओभरमा ५ विकेट गुमाउँदै १ सय ७२ रन मात्रै बनाउन सक्यो । अन्तिम ओभरमा मुम्बईलाई जितको लागि ११ रन चाहिँएको थियो । बायाँ हाते बलर मोहसिन खानले क्यामरन ग्रीन र टिम डेविडलाई मात्रै पाँच रन दिँदै रोमान्चक जित दिलाएका थिए ।
गतवर्ष सानदार प्रदर्शन गरेका खान बायाँतर्फ काँघमा चोट लागेपछि शल्यक्रिया गर्नु परेको थियो । चोटपछि फर्किएका हुने कुनैपनि क्रिकेटरलाई चोट नलागोस् कामना गरेका छन् ।
‘पहिला त म यहिँ भन्न चाहन्छु की जतिपनि क्रिकेटर छन् त्यसमा कसैलाई पनि चोट नलागोस् । अनौंठो किसिमको विरामी थियो । पूरा हात रोकिएको थियो । यसमा मेरो एसोसिएसन (उत्तर प्रदेश), राजिव सुक्ला सर, लखनऊका सन्जिव सर, गौतम सर जतिपनि थिए ती मेरो परिवार थिए । त्यसैले मलाई धेरै सहयोग मिल्यो’, मोहसिन खानले पूनरागमन बारे भने ।
त्यसैमा उनले थपे, ‘सल्यक्रिया अघि र पछि मैले धेरै संघर्ष गरे । त्यो समय मेरोे लागि निकै कठिन थियो । सबैले म माथि विश्वास देखाए । म फेरि क्रिकेट खेल्न पाउँछु भनेर एक समय आशा मारी सकेको थिए । किनभने मेरो हात उठ्दा समेत उठ्दैन थियो । सिँधा समेत हुँदैन थियो।’
चिकित्सकले उनलाई एक महिना ढिलो भएको भए हात नै काट्नुपर्ने अवस्था आउन सक्ने बताएका थिए । ‘एक समय मेरो हात पूरा सिधा समेत हुन सकेको थिएन । फिजियोले पनि धेरै मिहिनेत गरे । डाक्टरले मलाई एक महिना ढिलो भएको भए हात नै काट्नुपर्ने हुनसक्ने बताएका थिए । त्यो सम्झदा अहिले पनि डर लाग्छ’, उनले भने ।

उनका बुबाको मस्तिष्कमा समस्याको कारण आइसियूमा राखेको उपचार गरिएको थियो । उनका बुबा अस्पतालबाट सोमबार मात्रै डिस्चार्ज भएका थिए । उनले आफ्नो खेल देखेर बुबा खुसी भएको बताए ।
‘म सुरुदेखिनै टोलीसँग अभ्यास गरेको थिए । मेरो बुबा आइसियुबाट हिजोमात्रै डिस्चार्ज भएका थिए । उनको ब्रेन स्ट्रोक भएको थियो । अवस्था ठिक थिएन । बीचमा म अस्पताल समेत गएको थिए । मैले शीरमा बुबाको हात राख्दै तपाई ठिक हुनु म खेल्छु भनेको थिए । बुबाले मेरो खेल हेर्न चाहेका थिए । मेरो खेल देखेको भए बुबा धेरै खुसी भएको हुनुपर्छ’, उनले भने ।
अन्तिम ओभरमा आफूले रोक्नेमा आत्माविश्वास रहेको बताए । मैले कप्तानसँग अभ्यासमा जे गर्छु त्यहिँ गर्ने बताएको थिए । ‘मैले मेरो बलिङ गरे । स्कोरबोर्डमा १०/११ रन चाहिँएको मैले सोचेको थिएन । मैले ६ बल राम्रो गर्ने सोचेर गरेको थिए । मैले प्रयास गरे, उनले भने ।
२४ वर्षीय बायाँ हाते मोहसिन खानले गतवर्ष आइपिएलमा सानदार प्रदर्शन गरेका थिए । उनले गतवर्ष आइपिएलमा ९ खेलमा १४ विकेट लिँदै उत्कृष्ट प्रदर्शन गरेका थिए । मोहसिन खानलाई लखनऊले गतवर्ष न्यूनतम २० लाख भारुमा किनेको थियो । यस सिजनमा लखनऊले चेन्नई सुपर किंग्सविरुद्ध उनलाई मौका दिएको थियो ।
उक्त खेल वर्षाको कारण रद्द भएको थियो । गुजरातविरुद्ध उनले ३ ओभरमा ४२ रन खर्चेर १ विकेट लिएका थिए । यस आइपिएलमा लखनऊ १३ खेलमा ७ मा जित र ५ मा हारसहित १५ अंकका साथ तेस्रो स्थानमा छ । लखनऊले अन्तिम खेल शनिबार कोलकातासँग खेल्नेछ । उक्त खेलमा लखनऊ विजयी भएमा प्लेअफमा पुग्नेछ । पराजित भएमा भने अन्य टोलीको नतिजामा भर पर्नेछ ।
December 20, 2025
एजेन्सी – भारतले पाँचौँ टि ट्वान्टी आईमा दक्षिण अफ्रिकालाई ३० रनले पराजित गर्दै ५ खेलको सिरिज ३-१ ले आफ्नो पक्षमा पारेको छ। अहमदाबादस्थित नरेन्द्र मोदी अन्तर्राष्ट्रिय क्रिकेट रंगशालामा आज भारतले दक्षिण अफ्रिकालाई हराउँदै सिरिज जितको हो। पहिले ब्याटिङको निम्तो पाएको भारतले निर्धारित २० ओभरमा ५ विकेट गुमाउँदै विशाल २ सय ३१ रन बनायो। भारतको इनिङ्समा […]
December 19, 2025
एजेन्सी – भारत र पाकिस्तान युएईमा जारी यु १९ एसिया कपको फाइनलमा पुगेका छन्। दुबैले सेमिफाइनलमा प्रभावशाली प्रदर्शन गर्दै फाइनलको यात्रा तय गरेका हुन्। आज भारतले श्रीलंका र पाकिस्तानले बंगलादेशलाई समान ८ विकेटले हराउँदै एकअर्कासँगको भेट पक्का गरेका हुन्। आइतवार हुने फाइनलमा फेरि एकपटक भारत र पाकिस्तानबीच प्रतिस्पर्धा हुनेछ। एउटै समूहबाट भारत विजेता र पाकिस्तान […]
December 16, 2025
भुपेन्द्र जि.सी. नेपाल प्रिमियर लिग (एनपिएल) मा लिगबाटै बाहिरिने अवस्थामा पुगेको लुम्बिनी लायन्सलाई अप्रत्याशित पुनरागमनका साथ च्याम्पियन बनाउन स्पिनर शेर मल्लले गजबको प्रदर्शन गरे । एनपिएलमा १७ विकेट लिर्दै उदीयमान खेलाडी चुनिएका शेर विराटनगर किंग्सका कप्तान सन्दीप लामिछाने र सुदूरपश्चिम रोयल्सका तीव्र गतिका बलर अभिनाश बोहरासँग संयुक्त रुपमा सर्वाधिक विकेट लिने खेलाडी बने । पहिलो […]