default_image

9 months ago

May 28, 2023

आइपिएल उपाधिको लागि चेन्नई र गुजरात भिड्दै

एजेन्सी – इन्डियन प्रिमियर लिग (आइपिएल) २०२३ को फाइनलमा आज चेन्नई सुपर किंग्स र गुजरात टाइटन्सबीच प्रतिस्पर्धा हुँदैछ । खेल नेपाली समय अनुसार साँझ ७: ४५ मा गुजरातको घरेलु मैदान नरेन्द्र मोदी रंगशाला अहमदाबादमा सुरुहुनेछ । चेन्नई पाँचौं पटक र गुजरात लगातार दोस्रो पटक उपाधि जित्ने सोचमा हुनेछन् । विश्व क्रिकेटकै एक सर्वाधिक सफल कप्तान […]

106 views

0 Bookmark

एजेन्सी – इन्डियन प्रिमियर लिग (आइपिएल) २०२३ को फाइनलमा आज चेन्नई सुपर किंग्स र गुजरात टाइटन्सबीच प्रतिस्पर्धा हुँदैछ । खेल नेपाली समय अनुसार साँझ ७: ४५ मा गुजरातको घरेलु मैदान नरेन्द्र मोदी रंगशाला अहमदाबादमा सुरुहुनेछ । चेन्नई पाँचौं पटक र गुजरात लगातार दोस्रो पटक उपाधि जित्ने सोचमा हुनेछन् ।

विश्व क्रिकेटकै एक सर्वाधिक सफल कप्तान धोनीको सम्भव त यो आइपिएल अन्तिम खेल हुने हुँदा चेन्नई उपाधिका साथ बिदा गर्न चाहन्छ । धोनीको उत्कृष्ट कप्तानी सामू गुजरातको परिक्षा हुनेछ ।

चेन्नईले पहिलो क्वालिफायरमा गुजरातलाई १५ रनले हराउँदै फाइनलमा स्थान बनाएको थियो । गुजरातले दोस्रो क्वालिफायरमा मुम्बई इन्डियन्सलाई ६२ रनले हराउँदै फाइनलमा भेट पक्का गरेको हो । गुजरातका युवा ओपनर शुभमन गिल र चेन्नईका ऋतुराज गायकवाड दुबै टोलीका प्रमुख ब्याटर हुन् । यी दुई ब्याटर उच्च लयमा छन् । गिल १६ खेलमा ३ शतक र ४ अर्धशतकसहित ८ सय ५१ रनका साथ शीर्ष स्थानमा छन् । गिलले पछिल्ला चार इनिङमा तीन शतक हानेका छन् ।

गिलले हैदराबादविरुद्ध १ सय १ र रोयल च्यालेन्जर्स बेंगलोरविरुद्ध १ सय ४ रनको अविजित शतकीय इनिङ खेलेका थिए । लगातार दुई शतक हानेका गिल चेन्नईविरुद्ध क्वालिफायर खेलमा ४२ रनमा आउट हुन पुगेका थिए । दोस्रो क्वालिफायरमा मुम्बईविरुद्ध गिलले १ सय २९ रनको सानदार शतकीय इनिङका साथ फाइनलमा स्थान पक्का गराए । गिलको प्रदर्शन निकै महत्वपूर्ण हुनेछ ।

यता चेन्नईका डेभन कन्वे र ऋतुराज गायकवाडले उत्कृष्ट प्रदर्शन गर्दै आएका छन् । कन्वेले ६ सय २५ र गायकवाडले ५ सय ६४ रन बनाएका छन् । गुजरातमा युवा ब्याटर साई सुदर्शनले तेस्रो नम्बरमा खेल्दै राम्रो प्रभाव छाड्दै आएका छन् । चेन्नईमा अजिंक्या रहाणे फरक शैलीमा प्रस्तुत हुँदै आएका छन् ।

गुजरातमा विजय शंकर, हार्दिक पान्ड्या, डेविड मिलर र राहुल टेवाटियाले मध्यक्रम र तल्लोक्रम सम्हाल्नेछन् । मिलर क्रिजमा टिकेको खण्डमा उपाधि यात्रा सहज बनाउन सक्छन् । राशिद खान गुजरातका फिनिसर हुन् । उता चेन्नईमा शिवम दुबे, मोईन अली, रविन्द्र जडेजा, अम्बाती रायुडू र महेन्द्रसिंह धोनीले तल्लोक्रम र मध्यक्रम सम्हाल्नेछन् । दुबे राम्रो लयमा छन् । विष्फोटक ब्याटिङ गर्दै आएका दुबेबाट फाइनलमा चेन्नई सानदार प्रदर्शन चाहन्छ । धोनी आफ्नो उत्कृष्ट प्रदर्शनमा उपाधि जिताउन चाहन्छन् ।

गुजरातको बलिङ आक्रामण उत्कृष्ट छ । मोहम्मद शामी र मोहित शर्माको जोडीले यस आइपिएलमा सानदार प्रदर्शन गरेका छन् । शामी २८ विकेटका साथ शीर्ष स्थानमा छन् । शर्मा २४ विकेटका साथ तेस्रो स्थानमा छन् । गुजरातका राशिद खान २७ विकेटका साथ दोस्रो स्थानमा छन् । पावर प्लेमा शामी र डेथ ओभरमा शर्मा हुनेछन् ।

मध्यक्रममा अफगानिस्तानका दुई स्टार स्पिनर राशिद खान र नूर अहमद हुनेछन् । तेस्रो तीव्र गतिका बलरमा गुजरातले जोशुवा लिटिललाई मैदान उतार्नेछ । यता चेन्नईको बलिङ आक्रामण सन्तुलित छ । पावर प्लेमा तुषार देशपान्डे र दीपक चाहरको जोडी हुनेछन् । स्वींगका लागि चर्चित चाहरले पावर प्लेमा राम्रो प्रदर्शन गर्दै आएका छन् । मध्यक्रममा स्पिनर महेश थिक्सेना, रविन्द्र जडेजा र मोईन अली हुनेछन् ।

जडेजा र थिक्सेनाको प्रदर्शन महत्वपूर्ण हुनेछ । उता डेथ ओभरमा मथिसा पाथिराना हुनेछन् । यस सिजनमा सानदार प्रदर्शन गरेका पाथिराना अन्तिम खेलमा उत्कृष्ट प्रदर्शनका साथ उपाधि जिताउन चाहन्छन् । पाथिरानाको प्रदर्शन निकै महत्वपूर्ण हुनेछ ।

आइपिएलमा चेन्नई र गुजरातबीच चार खेल भएका छन् । जसमा चेन्नई एक र गुजरात तीन खेलमा विजयी भएका छन् ।

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

February 22, 2024

क्यानडा-११ ले टस जित्यो

काठमाडौं (हाम्रो खेलकुद) – नेपाल ‘ए’ र क्यानडा-११ बीच जारी एकदिवसीय सिरिजको निर्णायक खेलमा क्यानडा-११ ले टस जितेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिएका छन् । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी भएका कारण उपस्थित नहुँदा […]

February 21, 2024

कचनकवल अन्तरपालिका क्रिकेटको फाइनलमा

हिमाल खरेल, बिर्तामोड कचनकवल गाउँपालिका प्रथम झापा जिल्ला अन्तरपालिका टि–२० पुरुष क्रिकेट प्रतियोगिताको फाइनल प्रवेश गरेको छ । बर्खा स्मृति प्रतिष्ठान बुद्धशान्तिको आयोजनामा बुधबार भएको प्रतियोगिताको पहिलो सेमिफाइनलमा मेचीनगर नगरपालिकालाई ५ विकेटले हराउँदै कचनकवल अन्तिम दुईमा पुगेको हो । पहिले ब्याटिङ राजेको मेचीनगर निर्धारित २० ओभरमा १३.२ ओभरमा अलआउट हुँदै ८९ रन बनाएको थियो । […]

Success

Thank you for your time.