default_image

9 months ago

May 29, 2023

नेपाल मलेसियासँग पहिलो पटक पराजित

काठमाडौं (हाम्रो खेलकुद) – खराब ब्याटिङ प्रदर्शनसँगै नेपाल महिला टि२० आई खेलमा पहिलो पटक मलेसियासँग पराजित भएको छ । मलेसियाले पहिलो महिला टि२० आई खेलमा नेपाललाई ५ विकेटले हराउँदै पाँच खेलको सिरिजमा १-० को अग्रता लिएको छ । नेपालले यसअघि मलेसियासँग महिला टि२० आईमा तीन खेल खेल्दा सबैमा जित निकालेको थियो । जितको लागि ५१ […]

210 views

0 Bookmark

काठमाडौं (हाम्रो खेलकुद) – खराब ब्याटिङ प्रदर्शनसँगै नेपाल महिला टि२० आई खेलमा पहिलो पटक मलेसियासँग पराजित भएको छ । मलेसियाले पहिलो महिला टि२० आई खेलमा नेपाललाई ५ विकेटले हराउँदै पाँच खेलको सिरिजमा १-० को अग्रता लिएको छ ।

नेपालले यसअघि मलेसियासँग महिला टि२० आईमा तीन खेल खेल्दा सबैमा जित निकालेको थियो । जितको लागि ५१ रनको सामान्य विजयी लक्ष्य मलेसियाले १३.२ ओभरमा ५ विकेट गुमाउँदै पूरा गर्यो । मलेसियाको जितमा ओपनर वान जुलिया वान मोहम्मद रोस्दीले २२ बलमा २ चौकासहित १३ रनको योगदान दिइन् । आइना हामिजाह हशिम १५ बलमा २ चौकासहित १२ रनमा नट आउट रहिन् ।

नेपालकी सीता रानामगरले ४ ओभरमा १ मेडनसहित १३ रन खर्चेर २ विकेट लिइन् । कप्तान रुविना क्षेत्री बेलबासेले ४ ओभरमा ७ रन खर्चेर २ विकेट लिइन् । कविता कुँवरले २ ओभरमा ४ रन खर्चेर १ विकेट लिइन् ।

त्यसअघि टस हारेर पहिला ब्याटङको निम्तो पाएको नेपाल १६.५ ओभरमा ५० रनमा अल आउट भएको थियो । यो महिला टि२० आईमा नेपालको संयुक्त रुपमा कम योगफल हो । यसअघि नेपालको महिला टि२० आईमा सबैभन्दा कम योगफल २०१९ मा १३ औं सागमा नेपाल बंगलादेशसँग ५० रनमै अल आउट भएको थियो । लज्जास्पद ब्याटिङ गर्नेक्रममा नेपालका ९ खेलाडीले दोहोरो अंकमा रन बनाउन सकेनन् ।

नेपालको तर्फबाट डेब्यू खेल खेलेकी सम्झना खड्काले सर्वाधिक १३ रन बनाइन् । नेपालले अन्तिम ९ रन बनाउँदा ७ विकेट गुमाएपछि ५० रनमै अल आउट भएको हो । नेपाल एक समय ४१-३ को अवस्थाबाट ५० रनमा सबै विकेट गुमाएको थियो ।

मलेसियाकी तीव्र गतिकी बलर ऐश्या एलिसाले दोस्रो ओभरको पाँचौं बलमा ओपनर सीता रानामगरलाई शून्यमा पेभेलिएन फर्काइन् । उनी आउट साइड एज लागेर विकेटकिपर वान जुलियाबाट क्याच हुँदै पेभेलिएन फर्केकी थिइन्। अर्को ओभरको पहिलो बलमा आइना हामिजाहले काजोल श्रेष्ठलाई मास एलिसाबाट ६ रनमा क्याच गराइन् । काजोलले ११ बलमा एक चौका प्रहार गरिन् ।

एलिसाले इन्दु बर्मालाई ३ रनमा बोल्ड गरेपछि नेपाल ३.३ ओभरमा १२-३ को अवस्थामा पुगेको थियो । चौथो विकेटमा ज्योति पाण्डे र सम्झना खड्काले २९ रनको साझेदारी गर्दै खेलमा फर्काउने सम्भावना देखाएका थिए । एक समय नेपाल ८.३ ओभरमा ४१(३ को अवस्थामा थियो । तर निक नुर अतिलाले ज्योतिलाई ११ रनमा क्याच आउट गराएपछि नेपालले लगातार विकेट गुमाएको थियो । ज्योतिले १७ बलमा २ चौका प्रहार गरिन् ।

निक नुरकै बलमा आइना नजावा अब्दुलले कप्तान रुविना क्षेत्री बेलबासेको सानदार क्याच लिएपछि नेपाल संकटमा परेको थियो । रुविना १० बलमा २ रन बनाइन् । सम्झना खड्का २५ बलमा १ चौकासहित १३ रनमा रन आउट भइन् ।

अश्मिना कर्माचार्य तीन, कजिता जोशी १, कविता कुँवर र अप्सरी बेगम डक आउट भए । मलेसियाकी निक नुर डीनले ४ ओभरमा १ मेडनसहित ९ रन खर्चेर सर्वाधिक तीन विकेट लिइन् । ऐश्या एलिसा २ ओभरमा ९ रन खर्चेर २ विकेट लिइन् ।

हमिजाहले ३.५ ओभरमा १० रन खर्चेर २ विकेट लिइन् । महिराह इश्लामीले ४ ओभरमा ३ रन खर्चेर २ विकेट लिइन् । नेपालले दोस्रो खेल भोली खेल्नेछ । जेठ १८ मा (जुन १) मा नेपालले तेस्रो खेल खेल्नेछ । जेठ २० र २१ (जुन ३ र ४) मा नेपालले चौथो र पाँचौं खेल खेल्नेछ।

नेपालको टोली :

रुविना क्षेत्री बेलबासे (कप्तान), सीता रानामगर, इन्दु बर्मा, कविता कुवँर, कविता जोशी, अश्मिना कर्माचार्य, कृतिका मरासिनी, विन्दु रावल, अप्सरी बेगम, काजोल श्रेष्ठ, सम्झना खड्का, ईश्वरी विष्ट, ज्याति पाण्डे र सरस्वती चौधरी ।

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

February 24, 2024

पाँच पोखरी क्रिकेटमा ह्योल्मो र आयोजकको जित

काठमाडौं (हाम्रो खेलकुद) – पाँचपोखरी टी–२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा शनिबार सुरु भएको छ । पहिलो खेलमा साविक विजेता ह्योल्मो ११ ले चौतारा साँगाचोकगढी नगरपालिकालाई १ सय २७ रनको विशाल रनले हरायो ।ह्योल्मो ११ का लागि खेलको म्यान अफ दी म्याच विनोद तामाङले ७२ रनको अर्धशतकीय पारी खेलेका थिए । दोश्रो खेलमा […]

February 24, 2024

क्यानद्वारा सहयोग रकम हस्तान्तरण

काठमाडौं (हाम्रो खेलकुद)- नेपाल क्रिकेट संघ (क्यान) ले प्रधानमन्त्री दैवी प्रकोप सहायता कोषमा २० लाख रुपैयाँ सहयोग गरेको छ। प्रधानमन्त्री पुष्पकमल दाहाल प्रचण्डलाई शनिबार क्यानका अध्यक्ष चतुरबहादुर चन्द, सचिव पारस खड्का र कोषाध्यक्ष पदम खड्काले रकम हस्तान्तरण गरेका थिए। गत कार्तिक १७ गते जाजरकोट केन्द्रबिन्दु बनाएर गएको भुकम्पले पुर्याएको भुकम्प पिडितको क्षतिको सहयोगार्थ क्यानले आसिसी […]

Success

Thank you for your time.