default_image

9 months ago

May 29, 2023

कप्तान रोहित नेक्स्टको ब्रान्ड एम्बासडर

काठमाडौं (हाम्रो खेलकुद) – नेपाली क्रिकेट टोलीका कप्तान रोहित पोडेल जेन नेक्स्ट कन्सल्टिङ ग्रुपको राष्ट्रिय ब्रान्ड एम्बासडरमा नियुक्त भएका छन् । सोमबार जेन नेक्स्टबाट संस्थापक एवं प्रमुख कार्यकारी अधिकृत मोहम्मद अस्लाम र रोहितले सम्झौता पत्रमा हस्ताक्षर गरेका छन् । सम्झौता २०२३ जुन १ बाट सुरु हुनेछ । सम्झौता आपसी समझदारीका लागि दुई पक्षमा सीमित गरिएको […]

117 views

0 Bookmark

काठमाडौं (हाम्रो खेलकुद) – नेपाली क्रिकेट टोलीका कप्तान रोहित पोडेल जेन नेक्स्ट कन्सल्टिङ ग्रुपको राष्ट्रिय ब्रान्ड एम्बासडरमा नियुक्त भएका छन् । सोमबार जेन नेक्स्टबाट संस्थापक एवं प्रमुख कार्यकारी अधिकृत मोहम्मद अस्लाम र रोहितले सम्झौता पत्रमा हस्ताक्षर गरेका छन् ।

सम्झौता २०२३ जुन १ बाट सुरु हुनेछ । सम्झौता आपसी समझदारीका लागि दुई पक्षमा सीमित गरिएको छ । सम्झौता एक वर्षको लागि हुनेछ । ब्रान्ड एम्बासडर भएवापत राष्ट्रिय टोलीका कप्तान रोहितले आफ्नो सामाजिक सञ्जालहरूबाट जेन नेक्स्ट कन्सल्टिङ ग्रुपको प्रवद्र्धन गर्नेछन् । जेन नेक्स्टले अस्ट्रेलिया, न्युजिल्यान्ड, अमेरिका, बेलायत र क्यानडा जाने विद्यार्थीलाई काउन्सिलिङ गर्ने काम गर्दछ ।

त्यसबाहेक रोहितले जेन नेक्स्ट सहभागी हुने शैक्षिक मेलामा पनि सहभागिता जनाउने छन् । कप्तान रोहितले सन् २०१८ मा एमस्ट्राडाममा नेदरल्यान्ड्सविरुद्ध आफ्नो पहिलो एकदिवसीय अन्तर्राष्ट्रिय खेलेका थिए । त्यसयता उनले ४६ खेलमा १३ सय २६ रन बनाइसकेका छन् । उनी नेपालबाट एकदिवसीय अन्तर्राष्ट्रियमा सर्वाधिक रन बनाउने खेलाडी हुन् । सन् २०२२ को सेप्टेम्बरदेखि रोहित नेपाली राष्ट्रिय टोलीका कप्तान छन् ।

रोहितको कप्तानीमा नेपालले विश्वकप लिग २ को अन्तिम १२ मध्येको ११ खेल जित्दै सोझै विश्वकप छनोटमा पुगेको थियो । रोहितकै कप्तानीमा नेपालले एसीसी प्रिमियर कपको उपाधि जित्दै एसिया कपका लागि छनोट भएको छ । आगमी सेप्टेम्बरमा हुने एसिया कपमा नेपालले भारत र पाकिस्तानसँग खेल्नेछ । रोहित नेपाली क्रिकेट टोलीका वर्तमान समयका प्रमुख ब्याटर हुन् ।

‘यो भर्खरै खुलेको कम्पनी हो । उद्घाटन भएको एक महिनामात्र भएको छ । तर क्रिकेटकै पृष्ठभुमिबाट आएकाले म जहिले पनि नेपाली क्रिकेटसंग आवद्ध हुनका लागि खोजिरहेको थिए । दुई पटक कीर्तिपुरमा गएर नेपालले यूएई र पपुवा न्यु गिनीसंगको खेल हेरेपछि रोहितको प्रदर्शन र नेतृत्व दुबैबाट प्रभावित भए, जसको कारण हामी रोहितलाई आफ्नो ब्रान्ड एम्बासडर बनाउने अभियानमा पुग्यौं । यसलाई हामीले जिम्मेवारीको रुपमा लिएका छौं’, मोहम्मद अस्लामले सम्झौकाको क्रममा भने ।

‘पहिलो पटक यस खाले सम्झौता गर्न पाउँदा म निकै उत्साहित छु । विशेष गरी विश्वकप छनोट र एसिया कप जस्तो महत्वपूर्ण प्रतियोगिता खेल्नु अगाडि यस्तो सम्झौतामा अनुबन्ध हुन पाउनु विशेष छ । आर्थिक हिसाबमा क्रिकेट खेलाडी अझै संघर्षरत नै छन् । धेरै खेलाडी गाह्रो अवस्थामा छन्’, रोहितले भने ।

त्यसैमा थपे, ‘मासिक पारिश्रमिक बाहेक खेलाडीले उपाधि जित्दा खेरि मात्र नगदको सम्मान पाउछन् । सधैं जितिन्छ नै भन्ने हुँदैन । हाम्रो स्तरको क्रिकेटमा अझ जति माथि गयो उति उपाधि जित्ने सम्भावना कम हुन्छ । त्यसैले यस्तो खाले सम्झौताले खेलाडीलाई धेरै मोटिभेट गर्छ । मेरो जेन नेक्स्टसँगको सम्झौताले अरू क्रिकेटर वा अन्य खेलका खेलाडीलाई पनि यो बजारमा प्रवेश गराउन मद्दत गर्न सक्छ।’

February 25, 2024

लिग-२ मा नेपालको तेस्रो हार

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजमा नेपालले तेस्रो खेलमा हार बेहोरेको छ । टियु क्रिकेट मैदानमा नेपालले नेदरल्यान्ड्समाथि ८ विकेटको जित दर्ता गरेको हो । नेपालले जितका लागि प्रस्तुत गरेको १ सय ७३ रनको लक्ष्य नेदरल्यान्ड्सले ३८ औं ओभरमा २ विकेट गुमाएर पूरा गरेको हो । नेदरल्यान्ड्सका लागि सिरिजको पहिलो […]

February 25, 2024

प्रिमियर कपमा नेपाल र हङकङ एकै समूहमा

काठमाडौं (हाम्रो खेलकुद) – ओमानमा अप्रिल तेस्रो साता सुरु हुने एसीसी प्रिमियर कपको समूह विभाजन सार्वजनिक भएको छ । एसियाली क्रिकेट परिषद (एसीसी) ले आइतबार सार्वजनिक गरेको खेल तालिका अनुसार समूह ए मा नेपाल, हङकङ, मलेसिया, कतार र साउदी समूह ए मा रहेका छन् । समूह बी मा यूएई, ओमान, कुवेत, बहराइन र कम्बोडिया रहेका […]

February 25, 2024

नेदरल्यान्ड्सलाई नेपालको सामान्य लक्ष्य

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत अन्तिम खेलमा नेपालले नेदरल्यान्ड्ससमक्ष १ सय ७३ रनको सामान्य लक्ष्य प्रस्तुत गरेको छ । टियु क्रिकेट मैदानमा पहिलो ब्याटिङको निम्तो पाएको नेपालले ४९.३ ओभरमा अलआउट हुनुअघि १ सय ७२ रन जोड्यो । नेपालका लागि कुशल भुर्तेलले अर्धशतक जोड्दै महत्त्वपूर्ण इनिङ खेले । तल्लोक्रममा करण केसीले आक्रामक […]

Success

Thank you for your time.