1 year ago
June 8, 2023
काठमाडौं (हाम्रो खेलकुद) – थाईल्यान्डले भिसाको कारण नाम फिर्ता लिएपछि सोमबारदेखि हङकङमा हुने एसिसी वुमन्स टि२० इमर्जिङ टिम्स एसिया कप नेपालले खेल्ने भएको छ ।
प्रतियोगिता १२ जुन देखि २१ जुन सम्म हङकङमा हुँदैछ । क्यानका कार्यवाहक सचिव दुर्गाराज पाठकले थाईल्यान्डले भिसाको कारण नाम फिर्ता लिएपछि उक्त प्रतियोगिता आफूहरुले खेल्न लागेको हाम्रो खेलकुदलाई जानकारी दिएका छन् ।
‘थाईल्यान्डले नखेल्ने भयो । उसको स्थानमा हामी जादै छौं । यो हामीलाई हिजो बिहान मात्रै थाहा भएको हो । त्यसको लागि हामीले तयारी गरेका छौं । हामी शनिबार वा आइतबार त्यसतर्फ जान्छौं’, पाठकले हाम्रो खेलकुदसँग भने ।
नेपालले टिकट भने आफ्नो खर्चमा जाने उनले बताए । ‘टिकटहरु हामीले नै काट्नुपर्छ । २५-३० लाख खर्च आउँछ । थाईल्यान्डले समयमा भिसा नहुने भएपछि फिर्ता लिएको बुझिएको छ’, उनले भने ।
समूह ए मा नेपाल, हङकङ, भारत र पाकिस्तानका ए टोली हुनेछन् । भारत र पाकिस्तान टेस्ट हुँदा हुँदा इमर्जिङ टिम्स एसिया कपमा आफ्नो ए टोली पठाउने छन् । नेपालले पहिलो खेल १३ जुनमा पाकिस्तानसँग खेल्नेछ । दोस्रो खेल नेपालले १५ जुनमा भारतसँग खेल्नेछ । नेपालले १७ जुनमा घरेलु टोली हङकङसँग खेल्नेछ ।
समूह बी मा मलेसिया, युएई, बंगलोदश र श्रीलंका ए टोली छन् । प्रतियोगिता हरेक समूहबाट शीर्ष दुई टोली सेमिफाइनलमा पुग्नेछन् । सेमिफाइनल १९ जुनमा हुनेछ । फाइनल २१ जुनमा हुनेछ ।
पाकिस्तानले युवा तीव्र गतिकी बलर फतिमा सानाको कप्तानीमा टोली घोषणा गरेको छ । सानाले पाकिस्तानको सिनियर टोलीबाट डब्लू ३१ ओडिआई र डब्लू २४ टि२० आई खेल खेलेकी छिन् । २१ वर्षीय साना पाकिस्तानकी प्रमुख बलर हुन् । भारतले भने यू१९ खेली सकेकी स्वेता सेहरावतको कप्तानीमा टोली घोषणा गरेको छ ।
नेपाली टोली यसै सातौ मलेसियासँगको पाँच महिला टि२० आई खेलको सिरिज ३-२ ले जितेर स्वेदश फर्किएको छ । नेपालले सिरिज जितेपनि स्तर र प्रदर्शनमा भने ठूलो प्रश्न उठेको थियो । नेपालले उक्त सिरिज एकवर्षपछि अन्तर्राष्ट्रिय पहिलो खेलको रुपमा खेलेको थियो ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]