default_image

1 year ago

June 14, 2023

एशेजको पहिलो खेलको लागि इंग्ल्यान्डको प्लेइङ-११ घोषणा

133 views

0 Bookmark

एजेन्सी – विश्वको सर्वाधिक प्रतिष्ठित द एशेज सिरिज अन्तर्गत पहिलो खेलको लागि घरेलु टोली इंग्ल्यान्डले आफ्नो प्लेइङ ११ सार्वजनिक गरेको छ । अष्ट्रेलियासँगको पाँच खेलको सिरिज अन्तर्गत पहिलो खेल शुक्रबारदेखी बर्मिङ्घममा सुरु हुँदैछ । खेल शुक्रबार ३ : ४५ देखी सुरु हुनेछ ।

बेन स्टोक्सको कप्तानीमा इंग्ल्यान्डले पहिलो खेलको लागि आफ्नो प्लेइङ ११ दुई दिन अघिनै सार्वजनिक गरेको हो । पछिल्लो समय टेस्टमा विष्फोटक ब्याटिङ अपनाएको इंग्ल्यान्डले एशेजमा पनि त्यसैलाई निरन्तरता दिएको छ । पछिल्लो पटक आयरल्यान्डसँगको टेस्ट सिरिजबाट टोलीमा दुई तीव्र गतिका बलर जिमी एन्डरसन र ओली रोविन्सन फर्किएका छन् । जिमी एन्डरसन इंग्ल्यान्डका सर्वाधिक अनुभवी तीव्र गतिका बलर हुन् ।

इंग्ल्यान्डको ओपनिङ बेन डकेट र ज्याक क्रलीले गर्नेछन् । तेस्रो नम्बरमा ओली पोप र चौथो नम्बरमा जो रुट हुनेछन् । पाँचौं नम्बरमा ह्यारी ब्रुक, छैटौं नम्बरमा बेन स्टोक्स र सातौं नम्बरमा जोनी बेयरस्टो हुनेछन् । आठौं नम्बरमा मोईन अली हुनेछन् । इंग्ल्यान्डको ब्याटिङमा गहिराई छ ।

नियमित स्पिनर ज्याक लेच घाइते भएपनि मोइन अलीको टेस्ट टोलीमा दुई वर्षपछि पूनरागमन हुनेछ । अली २०२१ को सेप्टेम्बरमा द ओभलमा भारतविरुद्धको खेलपछि टेस्ट टोलीमा पहिलो पटक फर्किएका हुन् । इंग्ल्यान्डले तीव्र गतिका बलर ओली रोबिन्सन, स्टुअर्ट ब्रोड र जिमी एन्डरसनलाई मैदान उतार्ने भएको छ ।

इंग्ल्यान्ड र अष्ट्रेलियाबीच दोस्रो टेस्ट लड्समा २८ जुनदेखी सुरु हुनेछ । तेस्रो टेस्ट ६ जुलाई देखी लिड्स, चौथो टेस्ट १९ जुलाईदेखी म्यानचेस्टर र पाँचौं तथा अन्तिम टेस्ट खेल २७ जुलाई देखी द ओभलमा हुनेछ । यसै साता आइसिसी विश्व टेस्ट च्याम्पियनसिप २०२३ को फाइनलमा भारतलाई २ सय ९ रनले हराउँदै उपाधि जितेको अष्ट्रेलियाले भने अन्तिम प्लेइङ ११ सार्वजनिक गर्न बाँकी छ ।

पछिल्लो पटक इंग्ल्यान्डले एशेज सिरिज ४-० ले हारेको थियो । एशेजमा खराब प्रदर्शनको कारण जो रुटले टेस्ट कप्तानी नै छाड्नु परेको थियो । तर बेन स्टोक्सको कप्तानीमा इंग्ल्यान्ड फेरिएको छ । विश्व टेस्ट क्रिकेटमै नयाँ तरङ्ग लिएको छ । विश्व टेस्ट च्याम्पियनसिप विजेता अष्ट्रेलिया र फेरिएको इंग्ल्यान्डबीच कडा टक्कर हुने अनुमान गरिएको छ ।

पहिलो टेस्टको लागि इंग्ल्यान्डको प्लेइङ ११ :

ज्याक क्रली, बेन डकेट, ओली पोप, जो रुट, बेन स्टोक्स (कप्तान), जोनी बेयरस्टो (विकेटकिपर), ह्यारी ब्रुक, मोईन अली, ओली रोविन्सन, स्टुअर्ट ब्रोड र जिमी एन्डरसन ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.