default_image

1 year ago

June 17, 2023

नेपालले सुधार गर्नुपर्ने पाँच प्रमुख कमजोरी

123 views

0 Bookmark

काठमाडौं (हाम्रो खेलकुद) – आइतबारदेखी जिम्बावेमा आइसिसी एकदिवसीय विश्वकप छनोट प्रतियोगिता सुरु हुँदैछ । नेपालसहित १० सहभागी प्रतियोगिताबाट सुपर सिक्स हुँदै शीर्ष दुई टोलीले विश्वकपमा स्थान बनाउनेछन् ।

समूह ए मा नेपाल, वेस्टइन्डिज, जिम्बावे, अमेरिका र नेदरल्यान्ड्स छन् । समूह बी मा श्रीलंका, आयरल्यान्ड, स्कटल्यान्ड, युएई र ओमान छन् । नेपाल पछिल्लो समय आफ्नो क्रिकेट इतिहासकै उच्च लयमा छ । नेपालले विश्वकप छनोटमा स्थान बनाउन आइसिसी विश्वकप लिग २ मा पछिल्ला १२ मध्य ११ खेल जितेको थियो । एसिसी प्रिमियर कपको उपाधि जित्दै एसिया कपमा भारत र पाकिस्तानसँग खेल्ने भएको छ ।

नेपालले पछिल्ला १७ मध्य १६ अन्तर्राष्ट्रिय प्रतियोगितामा जित हात पारेको छ । त्यसमध्य विदेशी भूमिमा चार खेल मध्य तीनमा जित र एकमा हारछ । घरेलु मैदान टियुमा सानदार प्रदर्शन गरेको नेपाललाई त्यहिँ लय जिम्बावेमा दोर्याउन सहज हुनेछैन । नेपालले लगातार जितको कारण टोलीका कमजोरी लुकेका थिए । तर ती कमजोरी विश्वकप छनोटमा नेपाललाई भारी पर्नसक्छ ।

नेपालले सानदार प्रदर्शन गर्दै विश्वकपको सुपर सिक्समा स्थान बनाउन टोलीमा भएका कमजोरी सुधार गर्नुपर्ने हुन्छ । नेपालले यी पाँच कमजोरी सुधार गर्न सके विश्वकप छनोटमा उत्कृष्ट प्रदर्शन गर्नसक्छ ।

५.फिल्डिङमा सुधार र ब्याटिङमा राम्रो सुरुवात

नेपालले आइसिसी विश्वकप लिग-२ मा खेलेका पछिल्ला तीन सिरिज र प्रिमियर कपमा फिल्डिङमा कमजोर प्रदर्शन गरेको थियो । नेपालले थुप्रै खेलमा क्याच र रन आउटको अवसर छाडेको थियो । उक्त समस्या नेपालले सुधार गर्नुपर्ने हुन्छ । क्रिकेटमा एउटा क्याच वा रन आउटले खेल जित र हार निर्धारण गर्नसक्छ । खेलाडीको मनोबलमा प्रत्यक्ष असर पार्छ ।

अर्कोतर्फ नेपालले ब्याटिङमा राम्रो सुरुवात गर्न सकेको छैन । नेपालले ओपनरमा कुशल भुर्तेल र आसिफ शेखलाई मैदान उतार्दै आएकोछ । नेपालले खेलेका पछिल्ला सबै अन्तर्राष्ट्रिय खेलमा ओपनरले ठूलो साझेदारी गर्न सकेका छैनन् । ओपनरले ब्यक्तिगत रुपमा उत्कृष्ट प्रदर्शन गरेका छन् । कुनै खेलमा कुशल र केहिमा आसिफले ठूला इनिङका साथ जित दिलाएका छन् ।

राम्रो सुरुवातले मात्रै टोलीले ठूलो योगफल निर्धारण गर्न सकिन्छ । राम्रो सुरुवातले मध्यक्रम र तल्लोक्रमका ब्याटरलाई समेत खेल्न सहज हुन्छ । त्यसैले नेपालले ब्याटिङमा राम्रो सुरुवात गर्न आवश्यक देखिन्छ ।

४. तेस्रो तीव्र गतिको बलर र पहिला ब्याटिङ

जिम्बावे तीव्र गतिका बलर सहयोगी मानिन्छ । नेपालले पहिलो रोजाईमा सोमपाल कामी र करण केसीलाई मैदान उतार्दै आएको छ । तर नेपालले तेस्रो तीव्र गतिका बलर टुङ्गो लगाउन आवश्यक देखिन्छ । नेपालसँग गुलशन झा, प्रतिश जि.सी र किशोर महतो तेस्रो तीव्र गतिका बलरका दाबेदार हुन् । गुलशन करण केसीको स्थानमा खेल्दै आएका छन् । गुलशनले एसिसी प्रिमियर कपको फाइनलमा युएईविरुद्ध ६७ र लिग २ को अन्तिम खेलमा युएईविरुद्ध ५० रन जोडेका थिए ।

तर गुलशनले बलिङ भने राम्रो गर्न सकेका छैनन् । ब्याटिङको आशामा नेपालले बलिङमा खराब प्रदर्शन गर्दै विशाल लक्ष्य पाउन सक्छ । त्यसैले गुलशनलाई निरन्तता दिने वा किशोर र प्रतिश मध्य एकलाई मौका दिने अन्यौलछ । जिम्बावेमा तेस्रो तीव्र गतिको बलर अति आवश्यक देखिन्छ । त्यसैले नेपालले तेस्रो तीव्र गतिको बलर निर्धारण गर्दै विश्वास दिन आवश्यक देखिन्छ ।

अकोतर्फ नेपालले पहिला ब्याटिङ गर्दा पनि संघर्ष गर्दै आएकोछ । अभ्यास खेलमा नेपालले हारेका तीनै खेल पहिला ब्याटिङ गर्दा थियो । नेपालको लक्ष्य पछ्याउँदा राम्रो गर्दै आएको छ । पहिला ब्याटिङ गर्दा भने संयमित हुन आवश्यक छ । नेपाली ब्याटर फिनिसर गर्न पनि चुक्दै आएका छन् । राम्रो फिनिसिङ गर्न पनि त्यतिनै आवश्यक देखिन्छ ।

३. मिडिल ओभरमा साझेदारीमा ब्रेक

नेपाली बलरले राम्रो सुरुवात गरेपछि मध्यक्रममा विपक्षी ब्याटरको साझेदारी ब्रेक गर्न सकेका छैन । अभ्यास खेलमै ओमान एक समय ७-४ को दयनीय अवस्थामा पुगेको थियो । तर पछि ओमान २ सय ६८ रन बनाएको थियो । चौथो विकेटका लागि जिशान मकसुद र शोएब खानले ८४ रनको साझेदारी गरेका थिए । सातौं विकेटका लागि जिशान र आयन खानले १ सय १५ रनको साझेदारी गरेका थिए ।

लिग २ मा स्कटल्यान्डले पहिलो खेलमा १११–६ को अवस्थाबाट २ सय ७४ रन बनाएको थियो । माइकल लिस्कले ८५ बलमा ३ चौका र ९ छक्कासहित १ सय ७ रनको शतकीय इनिङ खेलेका थिए । त्यस्तै युएईले १२८–४ को अवस्थाबाट ३ सय १० रन बनाएको थियो ।

मध्यक्रममा नेपालका स्पिनर सन्दीप लामिछाने बाहेक अन्य बलर विकेट लिन खासै सफल हुन सकेका छैनन् । जसले गर्दा खराब सुरुवातबाट पनि विपक्षीले राम्रो पूनरागमन गर्दै आएका छन् । मध्यक्रममा पनि नेपालले राम्रो विकेट लिन आवश्यक पर्दछ ।

२.बायाँ हाते बलरविरुद्ध राम्रो प्रदर्शन आवश्यक

बायाँ हाते तीव्र गतिका बलर र अर्थोड्रक्स स्पिनर नेपाललाई लगातार भारी बन्दै आएका छन् । नेपालले बायाँ हाते तीव्र र स्पिनर दुबै बलरविरुद्ध लगातार खराब प्रदर्शन गर्दै आएको छ । एसिसी प्रिमियर कपमा कतारसँग १ सय ५७ रनमा अल आउट हुनुको मुख्य कारण नै त्यहिँ थियो । १११-९ को अवस्थाबाट सन्दीप र ललितले नेपालको साख बचाएका थिए ।

कतारका बायाँ हाते तीव्र गतिका बलर आमिर फारुकीले चार, स्पिनर क्वाइस अहमदले तीन र गायन मुनविराले दुई विकेट लिएका थिए । यी तीनै बलर बायाँ हाते थिए । यो त उदाहरण मात्रै हो ।

युएईका आयन खान, पूर्वकप्तान अहमद राजा, स्कटल्यान्डका मार्क वाट, ताहिर हाम्जा, ओमानका जिशान मकसुद, नामिबियाका बेर्नार्ड श्कोट्ज आदि नेपालविरुद्ध हाबी हुँदै आएका छन् । त्यसको मुख्य कारण नेपाली ब्याटर बायाँ हाते बलर खेल्न नसक्नु हो । विश्वकप छनोटमा सबै टोलीमा स्तरिय बायाँ हाते बलर छन् ।

तर जिम्बावेका बायाँ हाते तीव्र गतिका बलर रिचर्ड न्गारावा र वेस्टइन्डिजमा स्पिनर अकिल हुसैन जस्ता स्तरिय बलर छन् । अमेरिकामा सौरभ नेत्रवालकार र नेदरल्यान्ड्समा क्लेटन फ्योयड छन् । बायाँ हाते बलरविरुद्ध नेपाली ब्याटर संयमित हुन आवश्यक देखिन्छ ।

१.डेथ ओभरमा उत्कृष्ट बलिङ

नेपालको ठूलो कमजोरी नै डेथ ओभर हो । नेपालले डेथ ओभर अर्थात ४० देखी ५० ओभर सम्म लगातार खराब प्रदर्शन गर्दै आएको छ । आइसिसी विश्वकप लिग-२ मा नेपालले डेथ ओभरमा खराब प्रदर्शन गरेको थियो । युएईले लिग २ मा ३ सय १० रन बनाउँदा अन्तिम १० ओभरमा १ सय २१ रन खर्चेर १ विकेट लिएको थियो ।

आसिफ खानले त्यसको फाइदा उठाउँदै ४१ बलमै शतक हानेका थिए । स्कटल्यान्डविरुद्ध पहिलो खेलमा डेथ ओभरमा ८१ रन खर्चेर २ विकेट लिएको थियो । नामिबियाविरुद्ध डेथ ओभरमा पहिलो खेलमा ९५ रन खर्चेर ६ विकेट र दोस्रो खेलमा १ सय १५ रन खर्चेर १ विकेट लिएको थियो । नेपालको डेथ ओभर सबैभन्दा ठूलो कमजोरी हो । टोलीमा डेथ ओभर स्पेलिष्ट बलर छैनन् ।

किशोर महतोले घरेलु प्रतियोगितामा राम्रो प्रदर्शन गरेपनि अन्तर्राष्ट्रियमा मौका पाउन सकेका छैनन् । नेपालका प्रमुख बलर सोमपाल, करण र सन्दीप तीनैको डेथ ओभरमा सबैले खराब प्रदर्शन गर्दै आएका छन् । त्यसैको कारण नेपालले डेथ ओभर समस्या समाधान गर्नुपर्ने हुन्छ । अन्यथा टेस्ट टोलीले नेपालविरुद्ध चौका र छक्काको वर्षा गराउँदै विशाल योगफल बनाउन सक्छन् ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.