default_image

8 months ago

June 18, 2023

नेपाललाई घातक बन्न सक्ने जिम्बावेका पाँच खेलाडी

एजेन्सी – नेपालले आइसिसी एकदिवसीय विश्वकप छनोट अन्तर्गत पहिलो खेलमा आज घरेलु टोली जिम्बावेसँग खेल्दैछ । खेल नेपाली समय अनुसार दिउँसो १२ : ४५ मा जिम्बावेको हरारे स्पोर्ट्स क्लबमा सुरु हुनेछ । जिम्बावे घरेलु मैदान, वातावरण र कन्डिसनको फाइदा उठाउँदै सानदार विजयी सुरुवात गर्न चाहन्छ । यता नेपाल भने आफ्नो पछिल्लो समयको उच्च लयलाई निरन्तरता […]

84 views

0 Bookmark

एजेन्सी – नेपालले आइसिसी एकदिवसीय विश्वकप छनोट अन्तर्गत पहिलो खेलमा आज घरेलु टोली जिम्बावेसँग खेल्दैछ । खेल नेपाली समय अनुसार दिउँसो १२ : ४५ मा जिम्बावेको हरारे स्पोर्ट्स क्लबमा सुरु हुनेछ ।

जिम्बावे घरेलु मैदान, वातावरण र कन्डिसनको फाइदा उठाउँदै सानदार विजयी सुरुवात गर्न चाहन्छ । यता नेपाल भने आफ्नो पछिल्लो समयको उच्च लयलाई निरन्तरता दिने सोचमा हुनेछ । क्रिकेटमा जितको लागि सबै खेलाडीको योगदान त्यतिनै महत्वपूर्ण हुन्छ । तर पनि एक खेलाडीको उत्कृष्ट प्रदर्शनमा टोलीले जित सहज रुपमा हात पार्न चाहन्छ ।

टोलीका केहि प्रमुख खेलाडी हुन्छन् । जसको प्रदर्शनले टोलीको नतिजामा प्रत्यक्ष प्रभाव पार्दछ । उनीहरु सस्तैमा आउट हुँदा समग्रमा टोलीकै मनोबलमा ठूलो असर पर्ने गर्दछ । जिम्बावेका पनि केहि यस्ता खेलाडी छन् जसले आफ्नो उत्कृष्ट प्रदर्शनमा जित सहज बनाउन सक्छन् । नेपाललाई घातक बन्नसक्ने जिम्बावेका पाँच खेलाडी यस प्रकार छन् ।

५. वेस्ली मधेभेरे

२२ वर्षीय युवा खेलाडी मधेभेरे जिम्बावेका भरपर्दा युवा ब्याटर हुन् । ओपनर वेस्ली जिम्मेवारी ब्याटिङ गर्ने गर्दछन् । जिम्बावेबाट लगातार राम्रो प्रदर्शन गर्दै आएका उनी आक्रामक ब्याटिङको क्षमता राख्छन् । पार्टटाइम स्पिनर समेत हुन् ।

जिम्बावेबाट उनले २९ ओडिआई खेलमा ५ अर्धशतकसहित ५ सय ९७ रन बनाएका छन् । टि२० आईमा ४७ खेलमा ७ अर्धशतकसहित ९ सय २० रन बनाएका छन् । उनको मुख्य विशेषता भनेको जिम्मेवारी ब्याटिङ हो ।

गतवर्ष उनले बलियो टोली अष्ट्रेलियाविरुद्ध ७२ रनको इनिङ खेलेका थिए । बलिया टोलीसँग खेलेको अनुभव र प्रतिभाले भोरिएका खेलाडी हुँदा नेपाललाई घातक बन्नसक्छन् । उनी त्यतिनै राम्रो फिल्डर समेत हुन् ।

४.ब्लेसिङ मुर्जाबानी

तीव्र गतिका बलर ब्लेसिङ मुर्जाबानी नेपाललाई निराश बनाउन सक्ने खेलाडी हुन् । उनको शरीरिको उचाई ६ फिट ८ इन्च छ । उनी योर्करका लागी चिनिन्छन् । उनले जिम्बावेको टोलीबाट लगातार राम्रो प्रदर्शन गर्दै आएका छन् ।

गतवर्ष उनलाई लखनऊ सुपर जायन्ट्सले टोलीमा समेत बोलाएको थियो । उनीसँग पाकिस्तान सुपर लिग र काउन्टी जस्ता विदेशी लिग खेलेको अनुभवछ ।

२६ वर्षीय मुर्जाबानीले ३६ ओडिआई खेलमा ४८ विकेट लिएका छन् । उनी लगातार लाइन एन्ड लेन्थमा बलिङ गर्दै विपक्षी ब्याटरलाई दबाबमा राख्ने गर्दछन् । उनको योर्कर र लेन्थ बलले नेपाली ब्याटरलाई समस्यामा पार्नसक्छ ।

३.रायन बर्ल

रायन बर्ल जिम्बावेका फिनिसर हुन् । ठूला सटको लागि चर्चित बर्ल लेग स्पिन बलिङ समेत गर्ने गर्दछन् । बर्ल जिम्बावेका एक म्याच विनर अलराउन्डर हुन् । उनलाई नेपाली खेलाडीको राम्रो जानकार छ ।

उनले नेपाल टि२० लिग र एभरेष्ट प्रिमियर काठमाडौंबाट खेल्दै उत्कृष्ट प्रदर्शन गरेका थिए । २९ वर्षीय बर्लले ४० ओडिआई खेलमा ४ अर्धशतकसहित ६ सय ३५ रन बनाउनुको साथै १८ विकेट लिएका छन् । टोलीले खराब सुरुवात गर्दा पनि उनले तल्लोक्रममा सम्हाल्न सक्छन् ।

२. सेन विलियम्स

जिम्बावेका सर्वाधिक अनुभवी ब्याटर सेन विलियम्स आफ्नो करिअरको अन्तिम समयतिर छन् । ३६ वर्षीय विलियम्ससँग राम्रो अनुभव छ । महत्वपूर्ण खेलमा त्यो अनुभवको भरपूर्ण फाइदा उठाउँदै नेपालविरुद्ध ठूलो इनिङ खेल्नसक्छन् ।

भारत, पाकिस्तान, इंग्ल्यान्ड, अष्ट्रेलिया, दक्षिण अफ्रिका लगायत विश्वका सबै ठूला टोलीविरुद्ध सानदार प्रदर्शन गरेका उनी नेपालविरुद्ध पनि हाबी बन्ने अनुमान गरिएको छ । उनले जिम्बावेबाट १ सय ४९ ओडिआई खेलमा ५ शतक र ३३ अर्धशतकसहित ४ हजार ३ सय ८६ रन बनाएका छन् ।

विलियम्स बायाँ हाते अर्थोड्रक्स स्पिनर हुन् । अर्थोड्रक्स स्पिनर नेपाली ब्याटरको ठूलो समस्या हो । विलिम्सले ओडिआईमा ८० विकेट लिएका छन् । उनले नेपालविरुद्ध अनुभवको भरपूर्ण फाइदा उठाउन सक्ने हुँदा नेपाल सचेत हुन आवश्यक देखिन्छ ।

१. सिकन्दर राजा

सिकन्दर राजा जिम्बावेका प्रमुख अलराउन्डर हुन् । उनको प्रदर्शनले जिम्बावेको विश्वकप सपना निर्धारण गर्नेछ । मध्यक्रममा ब्याटिङ गर्ने राजा स्पिन बलिङ गर्ने गर्दछन् । राजा विष्फोटक ब्याटिङको क्षमता राख्छन् ।

२०१८ को विश्वकप छनोटमा राजाले नेपालविरुद्ध ६६ बलमा ७ चौका र ९ छक्कासहित १ सय २३ रनको विष्फोटक शतकीय इनिङ खेलेका थिए । विश्व क्रिकेटमा लगातार सानदार प्रदर्शन गर्दै आएका राजाको प्रदर्शनले पनि नेपालको जित र हार निर्धारण हुनसक्छ ।

यसै सिजनमा आइपिएलमा पन्जाब किंग्सबाट खेलेका राजाले १ सय २९ ओडिआई खेलमा ६ शतक र २० अर्धशतकसहित ३ हजार ७ सय ६४ रन बनाएका छन् । ७६ विकेट लिएका छन् । नेपाल टि२० लिग र इपिएल खेलि सकेको हुँदा उनलाई नेपाली खेलाडीको बारे राम्रोसँग जानकारी छ ।

नेपाल टि२० लिगमा उनी र नेपालका कप्तान रोहित एकै टोलीबाट खेलेका थिए । अर्कोतर्फ राजा विश्वका एक स्टार म्याच विनर अलराउन्डर हुन् । जिम्बावेलाई विश्वकप खेलाउने सपना देखेका राजा नेपालविरुद्ध उत्कृष्ट प्रदर्शनका साथ सानदार सुरुवात गर्न चाहन्छ ।

February 23, 2024

नामिबियाद्वारा नेदरल्याण्ड्स सामू सामान्य लक्ष्य पेश 

काठमाडौँ (हाम्रो खेलकुद) – आईसिसि लिग-२ अन्तर्गत काठमाडौंमा जारी त्रिकोणात्मक सिरिज अन्तर्गतको खेलमा नामिबियाले नेदरल्याण्ड्स विरुद्ध सामान्य योगफलमा समेटिएको छ । टियु क्रिकेट मैदानमा टस हारेर पहिले ब्याटिङ गरेको नामिबिया ४१.३ ओभरमा २०३ रनमा समेटियो ।  नामिबियाका लागि ज्यान निकोल लोफ़्टि-इटनले सर्वाधिक ४९ रन बनाए । यस्तै डेब्यु गरिरहेका मलान क्रुगरले ३९ रन जोडे ।   […]

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

Success

Thank you for your time.