default_image

1 year ago

June 20, 2023

रोमान्चक अवस्थामा द एशेजको पहिलो खेल

66 views

0 Bookmark

एजेन्सी – विश्व क्रिकेटको एक प्रतिष्ठित द एशेज सिरिजको पहिलो टेस्ट खेल निकै रोमान्चक अवस्थामा पुगेको छ । चौथो दिनको खेल सकिँदा २ सय ८१ रनको विजयी लक्ष्य पछ्याएको अष्ट्रेलिया १०७-३ को अवस्थामा छ ।

अन्तिम अर्थात पाँचौं दिन अष्ट्रेलियालाई जितको लागि १ सय ७४ रन आवश्यक पर्दछ । इंग्ल्यान्डलाई ७ विकेट आवश्यक पर्दछ । पाँचौं दिनको पहिलो सेसन दुबै टोलीलाई निकै महत्वपूर्ण हुनेछ।

अष्ट्रेलियाका ओपनर उस्मान खवाजा ८१ बलमा ४ चौकासहित ३४ र स्कट बोलान्ड १३ रनमा नट आउट छन् । अष्ट्रेलियालाई ओपनर डेविड वार्नर र उस्मान खवाजाले ६१ रनको साझेदारी गर्दै राम्रो सुरुवात दिलाए । डेविड वार्नर ओली रोविन्सनको बलमा विकेटकिपर जोनी बेयरस्टोबाट क्याच आउट भए ।

वार्नरले ५७ बलमा ४ चौकासहित ३६ रन बनाए । चौथो दिन अन्तिम समयतिर स्टिभ स्मिथ ६ र मार्नस लाबुसेन १३ रनमा आउट भएपछि खेल रोचक बनेको थियो । यी दुबै ब्याटर स्टुअर्ट ब्रोडको बलमा आउट भएका थिए ।

दोस्रो इनिङमा इंग्ल्यान्ड २ सय ७३ रनमा अल आउट हुन पुगेको थियो । इंग्ल्यान्डका जो रुट र ह्यारी ब्रुकले सर्वाधिक समान ४६ रन बनाए । ओपनर ज्याक क्रली ७, बेन डकेट १९, ओली पोप १४, बेन स्टोक्स ४३, जोनी बेयरस्टो २० र मोईन अली १९ रनमा आउट भए ।

ओली रोविन्सन २७ र जिमी एन्डरसन १२ रनमा आउट भएका थिए । अष्ट्रेलियाका कप्तान प्याट कमिन्स र नाथन लायनले समान चार विकेट लिए ।

अष्ट्रेलिया पहिलो इनिङमा ३ सय ८६ रनमा अल आउट भएको थियो । ओपनर उस्मान खवाजाले ३ सय २१ बलमा १४ चौका र ३ छक्कासहित सर्वाधिक १ सय ४१ रनको शतकीय इनिङ खेलेका थिए । विकेटकिपर एलेक्स केरी ६६, ट्रविस हेड ५०, स्मिथ १६ र मार्नस लाबुसेन डक आउट भए ।

इंग्ल्यान्डका स्टुअर्ट ब्रोड र ओली रोबिन्सनले समान तीन विकेट लिए । मोईन अलीले दुई, जिमी एन्डरसन र बेन स्टोक्सले एक एक विकेट लिए ।

त्यसअघि बर्मिङ्घमा टस जितेर पहिला ब्याटिङ रोजेको इंग्ल्यान्ड पहिलो दिन मात्रै ७८ ओभरमा ३९३-८ को अवस्थामा इनिङ समाप्तिको घोषणा गरेको थियो । इंग्ल्यान्डका जो रुट १ सय ५२ बलमा ७ चौका र ४ छक्कासहित १ सय १८ रनमा नट आउट रहेका थिए ।

छैटौं विकेटका लागि रुट र जोनी बेयरस्टोले १ सय २१ रनको शतकीय साझेदारी गरेका थिए । बेयरस्टो ७८ बलमा १२ चौकासहित ७८ रनमा आउट भए ।

ओपनर ज्याक क्रलीले ७३ बलमा ७ चौकासहित ६१ रनमा आउट भए । अष्ट्रेलियाका नाथन लायनले सर्वाधिक चार विकेट लिए । जोश हेजलवुडले दुई, स्कट बोलान्ड र क्यामरन ग्रीनले समान एक विकेट लिए

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.