एजेन्सी – जिम्बावेका ब्याटर सन विलियम्सले नेपालविरुद्ध बनाएको कीर्तिमान अलराउन्डर सिकन्दर राजाले तोडेका छन् । आइसिसी विश्वकप छनोटमा सिकन्दर राजाले नेदरल्यान्ड्सविरुद्ध जिम्बावेबाट सर्वाधिक छिटो ओडिआई शतकको कीर्तिमान कायम गरेका छन् ।

मंगलबार नेदरल्यान्ड्सले प्रस्तुत गरेको ३ सय १६ रनको बलियो लक्ष्य जिम्बावेले ४०.५ ओभरमा ४ विकेट गुमाउँदै पूरा गर्यो । जिम्बावेको जितमा सिकन्दर राजा ५४ बलमा ६ चौका र ८ छक्कासहित १ सय २ रनमा नट आउट रहे । उनले ५४ बलमा जिम्बावेबाट ओडिआईमा शतक प्रहार गर्ने कीर्तिमान कायम गरेका हुन् ।

राजाले दुई दिन अघि नेपालविरुद्ध अनुभवी ब्याटर सन विलियम्सले ७० बलमा पूरा गरेको कीर्तिमान तोडेका हुन् । नेपालले प्रस्तुत गरेको २ सय ९१ रनको विजयी लक्ष्य जिम्बावेले ४४.१ ओभरमा पूरा गर्न विलियम्सले आक्रामक शतक हानेका थिए । नेपालविरुद्ध विलियम्स ७० बलमा १३ चौका र १ छक्कासहित १ सय २ रनमा नट आउट रहेका थिए ।

विलियम्सले भने विकेटकिपर रेजिस चकाब्बाको कीर्तिमान तोडेका थिए । विकेटकिपर रेजिस चकाब्वाले गतवर्ष बंगलोदशविरुद्ध दोस्रो ओडिआई खेलमा हरारेमै ७३ बलमा शतक हानेका थिए । जिम्बावेले पहिलो खेलमा नेपालललाई ८ विकेटले हराएको थियो । अव शनिबार वेस्टइन्डिज र सोमबार अमेरिकासँग खेल्नेछ ।