default_image

1 year ago

June 21, 2023

ओमानको लगातार दोस्रो जितसँगै सुपर सिक्स सम्भावना मजबुत

263 views

0 Bookmark

एजेन्सी – ओमानले आइसिसी विश्वकप छनोटमा युएईलाई ५ विकेटले हराउँदै सुपर सिक्स सम्भावना बलियो बनाएको छ । पहिलो खेलमा टेस्ट टोली आयरल्यान्डलाई ५ विकेटले हराएको ओमानले समूह बी बाट शीर्ष तीनमा रहँदै सुपर सिक्स सम्भावना मजबुत बनाएको हो ।

जितको लागि २ सय २८ रनको विजयी लक्ष्य पछ्याएको ओमानले ४६ ओभरमा ५ विकेट गुमाउँदै पूरा गर्यो । ओमानको जितमा मोहम्मद नदिम ५७ बलमा ५ चौकासहित ५० रनमा नट आउट रहे । त्यस्तै शोएब खान ७० बलमा ५ चौका र १ छक्कासहित ५२ रनमा नट आउट रहे ।

अकिब इलियास ७५ बलमा ३ चौका र १ छक्कासहित ५३, कश्याप प्रजापति ६, जतिन्दर सिंह २ र जिशान मकसुद १ रनमा आउट भए । युएईका रोहन मुस्तफा र जुनैद सिद्दिकले समान दुई विकेट लिए । आयन खानको नाममा एक विकेट रह्यो ।

त्यसअघि टस हारेर पहिला ब्याटिङको निम्तो पाएको युएईले निर्धारित ५० ओभरमा ८ विकेट गुमाउँदै २ सय २७ रन बनाएको थियो । युएईका आयन खानले ५२ बलमा १० चौकासहित सर्वाधिक ५८ रनमा नट आउट रहेका थिए ।

वृत्य अरविन्द ८४ बलमा ३ चौकासहित ४९, रमिज शाहजाद ३८, आसिफ खान २७, मोहम्मद वासिम, रोहन मुस्तफा र बासिल हामिद समान ८ रनमा आउट भए । ओमानका स्पिनर जय ओडेराले ७ ओभरमा ३१ रन खर्चेर ३ विकेट लिए । बिलाल खान र फैयज बटले समान दुई विकेट लिए ।

ओमान २ खेलमा ४ अंकका साथ शीर्ष स्थानमा छ । श्रीलंका एक खेलमा २ जितका साथ दोस्रो स्थानमा छ । ओमानले अव शुक्रबार श्रीलंका र आइतबार स्कटल्यान्डसँग खेल्नेछ । दुई मध्य एक खेलमा विजयी हुँदा सुपर सिक्समा पुग्नेछ ।

यता युएईको लगातार दोस्रो हार हो । युएई पहिलो खेलमा श्रीलंकासँग १ सय ७५ रनले पराजित भएको थियो । युएईले शुक्रबार स्कटल्यान्ड र मंगलबार आयरल्यान्डसँग खेल्नेछ । दुबै खेलमा जितले मात्रै युएई सुपर सिक्समा पुग्न सक्दैन । अन्य टोलीको नतिजा र नेटरनरेटमा पनि निर्भर रहेनछ ।

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.