एजेन्सी – जिम्बावेमा जारी आइसिसी विश्वकप छनोटको सुपर सिक्समा श्रीलंका ४ अंकका साथ शीर्ष स्थानमा छ । समूह बी बाट अपराजित रहँदै सुपर सिक्समा पुगेको श्रीलंका नेटरनरेटको कारण शीर्ष स्थानमा भएको हो ।

श्रीलंका २ खेलमा ४ अंकका साथ शीर्ष स्थानमा छ । जिम्बावे २ खेलमा ४ अंकका साथ दोस्रो स्थानमा छ । श्रीलंकाको नेटरनरेट २.६९८ र जिम्बावेको ०.९८२ छ । स्कटल्यान्ड २ खेलमा १ मा जित र १ मा हारसहित २ अंकका साथ तेस्रो स्थानमा छ । नेदरल्यान्ड्स २ खेलमा १ मा जित र १ मा हारसहित चौथो स्थानमा छ । वेस्टइन्डिज र ओमान भने दुबै खेलमा हारका साथ पाँचौं र छैटौं स्थानमा छन् ।

जिम्बावे समूह ए बाट ४ खेलमा अपराजित रहँदै सुपर सिक्समा पुगेको थियो । जिम्बावेले सुपर सिक्समा पुगेका वेस्टइन्डिज र नेदरल्यान्ड्स दुबैलाई हराएको हुँदा ४ अंक पाएको हो । नेदरल्यान्ड्स ४ खेलमा ३ मा जित र १ मा हारसहित दोस्रो स्थानमा रहँदै सुपर सिक्स खेलेको थियो ।

नेदरल्यान्ड्सले वेस्टइन्डिजलाई हराएको हुँदा २ अंक पाएको हो । वेस्टइन्डिज भने समूह चरणमा नेदरल्यान्ड्स र जिम्बावे दुबै टोलीसँग पराजित भएको थियो । त्यसैको कारण अंक विहीन बनेको हो ।

यता श्रीलंका समूह बी बाट ४ खेलमा अपराजित रहँदै सुपर सिक्स खेलेको थियो । सुपर सिक्समा पुगेका आफ्ना समूहका ओमान र स्कटल्यान्ड दुबैलाई हराएको हुँदा श्रीलंकाले ४ अंक पाएको हो । स्कटल्यान्ड ४ खेलमा ३ मा जित र १ मा हारसहित दोस्रो स्थानमा रहेर सुपर सिक्समा पुगेको थियो ।

स्कटल्यान्डले सुपर सिक्समा पुगेको ओमानलाई हराएको हुँदा २ अंक पाएको हो । ओमान भने सुपर सिक्समा पुगेको स्कटल्यान्ड र श्रीलंका दुबैसँग पराजित हुँदा अंक विहीन बनेको हो । सुपर सिक्समा हरेक टोलीले तीन खेल खेल्नेछन् । समूह ए बाट आएका तीन टोलीले समूह बीबाट सुपर सिक्समा आएका तीन टोलीसँग खेल्नेछन् ।

जसबाट शीर्ष दुईमा रहने टोलीले आगमी अक्टोबर नोभेम्बरमा भारतमा हुने विश्वकप खेल्न पाउनेछ । श्रीलंका र जिम्बावेले समूह चरणबाटै ४–४ अंक लगेर सुपर सिक्समा पुगेको हुँदा विश्वकप खेल्ने उच्च सम्भावना छ । वेस्टइन्डिज अंक विहीन हुँदै सुपर सिक्समा पुगेको हुँदा विश्वकप यात्रा निकै कठिन देखिन्छ ।