default_image

1 year ago

July 2, 2023

विश्वकप छनोटमा आज हाइभोल्टेज खेल

143 views

0 Bookmark

एजेन्सी – आइसिसी विश्वकप छनोटको सुपर सिक्स खेलमा आज उपाधिका दुई प्रमुख दाबेदार जिम्बावे र श्रीलंकाबीच प्रतिस्पर्धा हुँदैछ । खेल नेपाली समय अनुसार दिउँसो १२: ४५ मा क्विन्स स्पोर्ट्स क्लबमा सुरु हुनेछ ।

श्रीलंका ३ खेलमा ६ अंकका साथ शीर्ष स्थानमा छ । श्रीलंका आजको खेलमा विजयी भएमा औपचारिक रुपमा एक खेल अगावै विश्वकपमा पुग्नेछ । जिम्बावे पनि ३ खेलमा ६ अंकका साथ दोस्रो स्थानमा छ ।

जिम्बावे विजयी हुँदा विश्वकप पक्कापक्की हुनेछ । तर औपचारिकता स्कटल्यान्डसँगको खेल पर्खिनु पर्ने हुन्छ ।
दुई पटकको विश्वकप विजेता वेस्टइन्डिज दुई खेल अगावै बाहिरिएको छ । त्यसैले जिम्बावे र श्रीलंकाको विश्वकप यात्रा निकै सहज भएको छ । जारी विश्वकपमा दुबै टोली अपराजित छन् ।

समूह चरणमा अपराजित हुँदै सुपर सिक्समा आएका यी दुई टोलीबीचको भिड्न्त निकै कडा प्रतिस्पर्धा हुने अनुमान गरिएको छ । जिम्बावे घरेलु मैदान र उत्कृष्ट लयलाई निरन्तरता दिन चाहन्छ । श्रीलंका आफ्नो स्पिन आक्रामण सामु जिम्बावेलाई निराश बनाउन चाहन्छ ।

जिम्बावेका सेन विलियम्स, क्रेग इर्विन र सिकन्दर राजा उच्च लयमा छन् । विलियम्सले जारी प्रतियोगितामा ५ खेलमा ३ मा शतक र १ मा अर्धशतकसहित कुल ५ सय ३२ रन बनाएका छन् । उनले अमेरिकाविरुद्ध १ सय ७४ र ओमानविरुद्ध १ सय ४२ गरि लगातार दुई शतक हानेका छन् । नेपालविरुद्ध १ सय २ रन जोडेका थिए ।


क्रेग इर्विनले ४ खेलमा १ शतकसहित २ सय ४३ रन बनाएका छन् । सिकन्दर राजा जिम्बावेका प्रमुख हतियार हुन् । उनले ब्याटिङ, बलिङ र फिल्डिङ तीनै क्षेत्रमा उत्कृष्ट प्रदर्शन गर्दै आएका छन् । राजाको स्पिन अझ महत्वपूर्ण हुनेछ । तीव्र गतिका बलर रिचर्ड नगरावा र ब्लेसिङ मुर्जाबानीबाट उत्कृष्ट सुरुवात चाहन्छ ।

यता वानिन्दु हसरंगा र महेश थिक्सेनाको जोडी यस प्रतियोगितामा हाबी हुँदै आएका छन् । श्रीलंकाले कमजोर ब्याटिङ गर्दा पनि यी दुई बलरले जित दिलाएका छन् । हसरंगाले ५ खेलमा २० विकेट लिएका छन् । हसरंगाको बलिङ निकै महत्वपूर्ण हुनेछ ।


नयाँ बलका साथ स्पिनर थिक्सेनाले पनि सानदार प्रदर्शन गर्दै आएका छन् । उनको क्यामरम बल पढ्न सहज हुनेछैन । श्रीलंकाका प्रमुख दुई तीव्र गतिका बलर दुश्मन्था चामिरा र लाहिरु कुमारा चोटका कारण टोलीमा छैनन् । लाहिरु कुमारा बाहिरिएका छन् । कुमारा नहुँदा तीव्र गतिका बलर मथिसा पाथिरानालाई मौका दिनसक्छ ।

दिुमथ करुणारत्ने, कुशल मेन्डिस र पाथुम निसांकाको प्रदर्शन अझ महत्वपूर्ण हुनेछ । दासुन शानका राम्रो लयमा छैनन् । उनीबाट उच्च प्रदर्शन चाहन्छ ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.