default_image

8 months ago

July 6, 2023

पारसपछि विदेशी भूमिमा ओडिआई शतकको खडेरी

काठमाडौं (हाम्रो खेलकुद) – पूर्वकप्तान पारस खड्कापछि विदेशी भूमिका चार वर्षदेखी नेपालको ओडिआई शतकको खडेरी लागेको छ । पारस नेपालबाट ओडिआईमा शतक प्रहार गर्ने पहिलो नेपाली ब्याटर हुन् । उनले २०१९ जनवरी २८ मा आइसिसी एकेडेमी दुबईमा युएईविरुद्ध तेस्रो ओडिआई खेलमा १ सय १५ रनको शतकीय इनिङ खेल्दै इतिहास रचेका थिए । पारसपछि पाँच नेपाली […]

161 views

0 Bookmark

काठमाडौं (हाम्रो खेलकुद) – पूर्वकप्तान पारस खड्कापछि विदेशी भूमिका चार वर्षदेखी नेपालको ओडिआई शतकको खडेरी लागेको छ । पारस नेपालबाट ओडिआईमा शतक प्रहार गर्ने पहिलो नेपाली ब्याटर हुन् ।

उनले २०१९ जनवरी २८ मा आइसिसी एकेडेमी दुबईमा युएईविरुद्ध तेस्रो ओडिआई खेलमा १ सय १५ रनको शतकीय इनिङ खेल्दै इतिहास रचेका थिए । पारसपछि पाँच नेपाली खेलाडीले ओडिआईमा शतक हानेका छन् । तर तीन सबै घरेलु मैदान टियुमा छन् ।

टियुमा नेपालका कप्तान रोहित पौडेल, ओपनर कुशल भुर्तेल, आसिफ शेख, अलराउन्डर दीपेन्द्र सिंह ऐरी र कुशल मल्लले शतक हानेका छन् । कुशल भुर्तेलले दुई साता अघि आइसिसी विश्वकप छनोटमा जिम्बावेविरुद्ध विदेशी भूमिमा शतक बनाउने दोस्रो ब्याटर बन्ने अवसर गुमाएका थिए ।

कुशल स्पिनर वेलिंग्टन मसाकाड्जाको योर्कर बल चाल नपाउँदा ९९ रनमा बोल्ड आउट भएपछि उक्त अवसर गुमाएका थिए । आसिफ शेख २०२१ मा लिग-२ मा ओमानविरुद्ध अल अमरेतमा ९० रनमा आउट भएका थिए ।

त्यस्तै आसिफले गत मार्चमा दुबई इन्टरनेशल मैदानमा पपुवा न्युगिनीविरुद्ध ८६ रन र कुशल भुर्तेलले २०२१ मा अमेरिकाविरुद्ध अल अमरेतमा ८४ रन बनाएका थिए । अन्य कुनैपनि नेपाली ब्याटरले टियु बाहिर गएर ८० रन भन्दा माथिको इनिङ खेल्न सकेका छैनन् ।

त्यसैले चार वर्षदेखी ओडिआईमा विदेशी भूमिमा नेपाली ब्याटरबाट शतकको खडेरी लागेको छ । रोहित पौडेलले २०२२ मार्च २५ मा पपुवा न्युगिनीविरुद्ध पहिलो ओडिआई खेलमा १ सय ७ बलमा ७ चौका र ४ छक्कासहित १ सय २६ रनको शतकीय इनिङ खेलेका थिए ।

उक्त इनिङ कुनैपनि नेपाली ब्याटरले अन्तर्राष्ट्रिय स्तरमा हानेको ठूलो स्कोर हो । २०२२ मार्च २६ मा दीपेन्द्रसिंह ऐरीले पपुवा न्युगिनीविरुद्ध १ सय ४० बलमा १ सय ५ रनको शतकीय इनिङ खेलेका थिए ।

कुशल भुर्तेलले २०२३ फेब्रुअरीमा आइसिसी विश्वकप लिग-२ त्रिकोणात्मक ओडिआई सिरिज अन्तर्गत नामिबियाविरुद्ध १ सय १३ बलमा १ सय १५ रनको शतकीय इनिङ खेलेका थिए ।

उनको शतकको सहयोगमा नेपालले आफ्नो ओडिआई इतिहासकै उच्च योगफल २ सय ८६ रन पूरा गरेको थियो । त्यसअघि ओडिआईमा उच्च योगफल पूरा पारसको शतकमा युएईविरुद्ध २ सय ५५ रन थियो ।

आइसिसी लिग-२ मा पपुवा न्युगिनीविरुद्ध नै टियु मैदानमा आसिफ शेखले १ सय १० रनको शतकीय इनङ खेलेका थिए । त्यस्तै कुशल मल्लले २०२३ अप्रिलमा ओमानविरुद्ध ६४ बलमा १ सय ८ रनको शतकीय इनिङ खेलेका थिए ।

उक्तक्रममा कुशलले ५९ बलमै शतक हानेका थिए । कुनैपनि नेपाली ब्याटरले ओडिआईमा हानेका सर्वाधिक छिटो शतक हो । त्यसअघि रोहित पौडेलले ९१ बलमा शतक हानेका थिए ।

नेपालबाट पारस खड्काले ९७, रोहित पौडेलले ९१, दीपेन्द्रसिंह ऐरी १ सय ३६, कुशल मल्ल ५९, कुशल भुर्तेल ९९ र आसिफ शेखले १ सय १ बलमा ओडिआई शतक पूरा गरेका थिए ।

टि२० आईमा भने २०२२ फेब्रुअरीमा आइसिसी विश्वकप छनोट ए मा कुशल भुर्तेलले फिलिपिन्सविरुद्ध ६१ बलमा १ सय ४ रनको शतकीय इनिङ खेलेका थिए । पारस खड्काले २०१९ मा घरेलु टोली सिंगापुरविरुद्ध शतक हानेका थिए ।

पारस टि२० आईमा शतक हान्ने पनि पहिलो नेपाली ब्याटर हुन् । ज्ञानेन्द्र मल्लले २०१९ भुटानविरुद्ध र दीपेन्द्रले मलेसियाविरुद्ध टियु मैदानमा टि२० आईमा शतक हानेका छन् ।

February 29, 2024

लेभिटको शतकमा नेदरल्यान्ड्सको कीर्तिमानी योगफल

काठमाडौं (हाम्रो खेलकुद) – युवा ओपनर माइकल लेभिटको शतकमा नेदरल्यान्ड्सले त्रिकोणात्मक टि२० सिरिजको तेस्रो खेलमा नामिबियाविरुद्ध कीर्तिमानी योगफल खडा गरेको छ । टस जितेर ब्याटिङ रोजेको नेदरल्यान्ड्सले निर्धारित २० ओभरमा ५ विकेट गुमाएर २ सय ४७ रन जोड्यो । लेभिटले ६२ बलमा ११ चौका र १० छक्कासहित १ सय ३५ रन जोड्यो । त्यस्तै साइब्रान्ड […]

February 29, 2024

‘सो क्लोज एट सो फार’

काठमाडौं (हाम्रो खेलकुद) – नेपाल र नेदरल्यान्ड्सबीच त्रिकोणात्मक सिरिजको दोस्रो खेलमा विहीबार नेपाललाई एक समय जितको लागि १८ बलम ४८ रन आवश्यक थियो । प्रति ओभर १६ रन चाहिएको अवस्थाबाट दीपेन्द्रसिंह ऐरीले खेल ४ बलमा ५ रन आवश्यकको स्थितिमा ल्याए । तर अन्त्यमा नेपाल २ रनले खेल हार्न पुग्यो । लिग-२ अन्तर्गतको ओडीआई सिरिजमा ३ […]

February 28, 2024

वाल्मीकि र अर्डिक एक्सपर्ट भरतपुर मेयर्स कपको फाइनलमा

चितवन (हाम्रो खेलकुद) – वाल्मीकि शिक्षा सदन र अर्किड स्कुल एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको उपाधिका लागि भिड्ने भएका छन् । भरतपुरस्थित गौतमबुद्ध अन्तर्राष्ट्रिय क्रिकेट रंगशालाको नमुना मैदानमा आज (बुधबार) भएका सेमिफाइनलका खेलहरुमा सहज जित निकाल्दै वाल्मीकि र अर्किड फाइनलमा पुगेका हुन् । पहिलो सेमिफाइनलमा वाल्मीकिले सनराइज इङलिस स्कुललाई १८ रनले पराजित ग¥यो […]

Success

Thank you for your time.