एजेन्सी – जिम्बावेमा सम्पन्न आइसिसी विश्वकप छनोटको फाइनल खेलमा नेदरल्यान्ड्सलाई १ सय २८ रनको फराकिलो अन्तरले पराजित गर्दै उपाधि जितेको छ । श्रीलंका अपराजित रहँदै च्याम्पियनका साथ भारतमा हुने विश्वकपमा छनोट भएको हो ।

भारतमा हुने विश्वकपमा स्थान बनाएका नेदरल्यान्ड्स र श्रीलंकाले उपाधिको लागि प्रतिस्पर्धा गरेका थिए । बलिङमा सानदार प्रदर्शन गरेपनि ब्याटिङ नचल्दा नेदरल्यान्ड्स पराजित भएको हो ।

जितको लागि २ सय ३४ रनको मध्यम विजयी लक्ष्य पछ्याएको नेदरल्यान्ड्स २३.२३ ओभरमा १ सय ५ रनमा अल आउट भयो । नेदरल्यान्ड्सका ओपनर म्याक्स ओडाउडले ६३ बलमा १ चौका र १ छक्कासहित ३३, विक्रमजित सिंह १३ र लोगन भान बिकले २० रन बनाए । अन्य कुनैपनि ब्याटरले दोहोरो अंकमा रन बनाउन सकेनन् ।

श्रीलंकाका स्पिनर महेश थिक्सेनाले सर्वाधिक ४ विकेट लिए । तीव्र गतिका बलर दिलशान मदुशानकाले ७ ओभरमा १ मेडनसहित १८ रन खर्चेर ३ विकेट लिए । वानिन्दु हसरंगाले दुई विकेट लिए ।

त्यसअघि हरारे स्पोर्ट्स क्लबा टस हारेर पहिला ब्याटिङको निम्तो पाएको श्रीलंका २ सय ३३ रनमा अल आउट भयो । श्रीलंकाका सेहान अर्चाचिगेले ७१ बलमा ४ चौकासहित सर्वाधिक ५७ रनको योगदान दिए ।

कुशल मेन्डिस ५२ बलमा ५ चौका र १ छक्कासहित ४३, पाथुम निसांका २३, सदिरा समाराविक्रमा १९, चरिथ असलंका ३६ र दासुन शानका १ रनमा आउट भए ।

नेदरल्यान्ड्सका लोगन भान बिंक, रायन केलिन, विक्रमजित सिंह र सकिब जुलफिकरले समान दुई विकेट लिए ।