1 year ago
July 14, 2023
एजेन्सी – घरेलु टोली बंगलादेशले पहिलो टि२० आई खेलमा अफगानिस्तानमाथि दुई विकेटको रोमान्चक जित हात पारेको छ । योसँगै दुई टि२० आई खेलको सिरिजमा घरेलु टोली बंगलादेशले १–० को अग्रता लिएको छ ।
जितको लागि १ सय ५५ रनको विजयी लक्ष्य पछ्याएको बंगलादेशले १९.५ ओभरमा ८ विकेट गुमाउँदै पूरा गर्यो । अन्तिम ओभरमा बंगलादेशलाई जितको लागि मात्रै ६ रन चाहिएको थियो । मेहेदी हसन मिराजले पहिलो बलमै करिम जन्नतलाई एक्स्ट्रा कभरमा चौका प्रहार गरेपछि बाँकी ५ बलमा दुई रन चाहिँएको थियो ।
तर नाटकीय रुपमा करिम जन्नतले ह्याट्रिक लिन पुगेपछि खेल रोचक बनेको थियो । दोस्रो बलमा हसन ८ रनमा मोहम्मद नाबी, तेस्रो बलमा तस्किन अहमद एज लागेर विकेटकिपर रहमानउल्लाह गुरबाज र चौथौं बलमा एज लागेर नासुम अहमदबाट क्याच आउट हुन पुगेका थिए । पाँचौं बलमा शोरिफुल इस्लामले चौका प्रहार गर्दै खेल सकाएका थिए ।
बंगलादेशको जितमा तोहिद हृदोय ३२ बलमा ३ चौका र २ छक्कासहित ४७ रनमा नट आउट रहे । शमिम हसैन २५ बलमा ४ चौकासहित ३३, सकिब अल हसन १९, लिटन दास १८ र नाज्मुल हसन सान्टो १४ रनमा आउट भए ।
अफगानिस्तानका करिम जन्नतले १.५ ओभरमा १५ रन खर्चेर ३ विकेट लिएपनि जिताउन सकेनन् । फजलहक फारुकी, मुजिब उर रहमान, आजमतुल्लाह ओमरजाई, राशिद खान र फरिद मलिकले समान एक विकेट लिए ।
त्यसअघि टस हारेर पहिला ब्याटिङको निम्तो पाएको अफगानिस्तानले निर्धारित २० ओभरमा ७ विकेट गुमाउँदै १ सय ५४ रन बनाउन सक्यो । अफगानिस्तानका मोहम्मद नाबीले ४० बलमा ६ चौका र १ छक्कासहित सर्वाििधक ५४ रनमा नट आउट रहे । आजमतुल्लाह ओमरजाईले १८ बलमा ४ छक्कासहित ३३, गुरबाजद १६ र नाजिबउल्लाह जद्रानले ३३ रन बनाए ।
बंगलादेशका सकिब अल हसनले ४ ओभरमा २७ रन खर्चेर २ विकेट लिए । नासुम अहमद, तस्किन अहमद, शोरिफुल इस्लाम, मुश्ताफिजुर रहमान र मेहेदी हसन मिराजले समान एक विकेट लिए । दोस्रो खेल आइतबार हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]