एजेन्सी – पूर्वकप्तान विराट कोहलीको शतकमा भारतले दोस्रो टेस्ट खेलमा घरेलु टोली वेस्टइन्डिजविरुद्ध बलियो योगफल बनाएको छ । टस हारेर पहिला ब्याटिङको निम्तो पाएको भारत दोस्रो दिन ४ सय ३८ रनमा अल आउट भयो ।

भारतका विराट कोहलीले २ सय ६ बलमा ११ चौकासहित १ सय २१ रनको शतकीय इनिङ खेले । उनको यो टेस्ट करिअरको २९ औं शतक हो । उनी रन आउट हुन पुगेका थिए । ओपनर यशस्वी जैसवाल र रोहित शर्माले पहिलो विकेटका लागि १ सय ३९ रनको साझेदारी गरेका थिए ।

जैसवाल ७४ बलमा ९ चौका र १ छक्कासहित ५७ रनमा क्याच आउट भए । रोहित शर्मा १ सय ४३ बलमा ९ चौका र २ छक्कासहित ८० रनमा बोल्ड आउट भए । शुभमन गिल १० र अजिंक्या रहाणे ८ रनमा आउट भए । स्पिन अलराउन्डर रविन्द्र जडेजा १ सय ५२ बलमा ५ चौकासहित ६१ तथा रविचन्द्रन आश्विन ७८ बलमा ८ चौकासहित ५६ रनमा आउट भए ।

वेस्टइन्डिजका केमार रोच र जोमेल वारिकनले समान तीन विकेट लिए । दोस्रो दिनको खेल सकिदा वेस्टइन्डिज ४१ ओभरमा ८६(१ को अवस्थामा छ । वेस्टइन्डिजका कप्तान क्रेग ब्रेथवेट ३७ र किर्क म्याककेन्जे १४ रनमा अविजित छन् ।

त्यसअघि ओपनर तेजनारायण चन्द्रपाउल ९५ बलमा ४ चौकासहित ३३ रनमा रविन्द जडेजाको बलमा आश्विनबाट क्याच आउट भए । दुई टेस्ट खेलको सिरिजमा भारत १–० ले अघि छ ।