default_image

12 months ago

July 25, 2023

टेस्ट टोलीसँग टियुमा सिरिज खेल्ने नेपालको तयारी

432 views

0 Bookmark

काठमाडौं (हाम्रो खेलकुद) – नेपाल क्रिकेट संघ (क्यान) ले आगमी नोभेम्बरमा नेपालमा हुने आइसिसी टि२० विश्वकप एसिया क्षेत्र छनोट अघि टेस्ट टोलीसँग सिरिज खेल्ने तयारी गरेको छ ।

क्यानका कार्यवाहक सचिव दुर्गाराज पाठकले विश्वकप छनोट अघि टियुमा नेपालले सिरिज खेल्ने तयारी गरेको हाम्रो खेलकुदलाई जानकारी दिएका छन् ।

‘हामीले टि२० विश्वकपको लागि मैदानको तयारी गरेका छौं । आइसिसीले मैदानको फोटो पठाउन भनेको छ । हामीले मुलपानी माथिल्लो मैदानमा काम गरेका छौं । अहिले पानीले गर्दा धेरै काम गर्न सकिने अवस्था छैन’, पाठकले विश्वकप छनोटको तयारी बारे हाम्रो खेलकुदसँग भने ।

नेपालले पछिल्लो एक वर्षदेखी लगातार ओडिआई खेल खेल्दै आएको छ । त्यसैले टि२० शैलीमा आउन कठिन पर्नसक्छ । त्यसैले क्यानले एउटा सिरिज गर्ने तयारी गरेको बताउँछन् ।

‘हामी एउटा सिरिज गर्दै छौं । एउटा कुनै टेस्ट टोली बोलाएर नै टियुमा सिरिज खेल्छौं । त्यसको लागि जिम्बावे र वेस्टइन्डिजसँग कुरा भएको छ । श्रीलंका, बंगलादेश, पाकिस्तानसँग कुरा गरेका छौं । जिम्बावेले सिनियर टोली नै पठाउने हामीलाई बताएको छ’, पाठकले हाम्रो खेलकुदसँग भने ।

पाठक उनीहरुको पनि तालिका मिलेपछि कुन टोली आउने बताउँछन् । ‘जिम्बावे र वेस्टइन्डिज नेपाल आउन तयार छन् । तर कहिले आउने भन्ने उनीहरुको पनि तालिका मिल्नुपर्यो । तत्काल हामी भ्याउदैनौं । हाम्रो टोली ब्यस्त छ’, उनले भने ।

नेपालले भदौंपछि मात्रै सिरिज खेल्नेछ । भदौंसम्म वर्षाको कारण खेल्न कठिन पर्दछ । विश्वकप छनोट नेपालमा हुँदा विदेशी भूमिमा खेलेर काम पनि हुँदैन । नेपालले विश्वकप छनोट नोभेम्बरमा आयोजना गर्नेछ ।

विश्वकप एसिया क्षेत्र छनोटमा नेपाल, हङकङ, युएई, ओमान, सिंगापुर, बहराइन र क्वालिफायर ए र बी बाट आउने दुई टोली हुनेछन् । एसिया छनोट ए मा कुवेत, माल्दिभ्स, कतार र साउदी अरेविया छन् । एसिया छनोट बी मा भुटान, चीन, मलेसिया, म्यानमार र थाईल्यान्डछन् । क्वालिफायर ए र बी का विजेता टोली एसिया क्षेत्रमा नेपालसहित ६ टोलीसँग खेल्नेछन् ।

८ टोली सहभागी प्रतियोगिताबाट शीर्ष दुई टोलीले आगमी वर्ष अमेरिका र वेस्टइन्डिजमा हुने टि२० विश्वकप खेल्न पाउनेछन् । सम्भव त ८ टोलीलाई आइसिसीले दुई समूहमा विभाजन गर्दै सेमिफाइनल हुँदै फाइनल खेलाउनेछ । युरोप छनोटमा ७ टोली सिंगल राउन्ड रोविनमा खेलाएको छ । त्यसैले सिंगल राउन्ड रोविनमा पनि हुनसक्ने सम्भावना रहन्छ ।

नेपालले टि२० विश्वकप छनोटलाई ध्यानमा राख्दै विकेटकिपर विनोद भण्डारी, अलराउन्डर विवेक यादव र तीव्र गतिका बलर कमलसिंह ऐरीलाई भारतका एकेडेमीमा अभ्यास गर्न यसै साता पठाउने तयारी समेत गरेको छ ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.