default_image

11 months ago

August 19, 2023

मलिङ्गा मुम्बईको टोलीमा फर्किए

7003 views

0 Bookmark

एजेन्सी – इन्डियन प्रिमियर लिग (आइपिएल) का सर्वाधिक सफल तीव्र गतिका बलर लासिथ मलिङ्गा मुम्बई इन्डियन्समा फर्किएका छन् । श्रीलंकाका पूर्व बलर मलिङ्गा मुम्बईको तीव्र गतिका बलिङ प्रशिक्षकको रुपमा फर्किएका हुन् । मलिङ्गा विश्व टि२० क्रिकेटकै उत्कृष्ट बलर थिए ।

उनी योर्कर किंग थिए । उनको सटिक योर्कर खेल्न विश्वस्टार ब्याटरलाई निकै कठिन पर्ने गर्दथ्यो । उनले २०२१ मा आइपिएलबाट सन्न्यास लिएका थिए । २०२२ देखी राजस्थान रोयल्सको बलिङ प्रशिक्षकको रुपमा काम गरेका थिए । मुम्बईका शेन बोन्डको स्थानमा मलिङ्गा आएका हुन् ।

२०२४ देखी उनले बलिङ प्रशिक्षकको रुपमा काम गर्नेछन् । मुम्बईले पाँच मध्य चार उपाधि उनको सानदार प्रदर्शनमा जितेको थियो । मलिङ्गाले मुम्बईबाट २०१३, २०१५, २०१७ र २०१९ मा उपाधि जितेका थिए । उनले मुम्बईबाट १ सय २२ खेलमा १ सय ७० विकेट लिएका थिए ।

मुम्बईले २०२० को उपाधि जित्दा भने टोलीमा थिएनन् । कोरोना महामारीको कारण आइपिएलका खेलहरु दुबईमा हुँदा मलिङ्गाले ब्यक्तिगत कारण नखेल्ने जनाएका थिए । अघिल्लो महिना अमेरिकाको मुम्बईको सामित्वमा रहेको एमआई न्यूयोर्कले उपाधि जित्दा उनी बलिङ प्रशिक्षक थिए ।

मुम्बईमा जस्प्रित बुमराह र मलिङ्गाको जोडीले सानदार प्रदर्शन गरेका थिए । तीव्र गतिका बलरमा मुम्बईले आफ्नो पहिचान बनाएका थिए । मलिङ्गाले आइपिएल छाडेपछि र बुमराह घाइते भएपछि मुम्बईको बलिङ आक्रामण कमजोेर बनेको थियो । मलिङ्गाको आगमनले मुम्बईको बलिङ आइपिएलमा मजबुत हुने अनुमान गरिएको छ ।

मलिङ्गा विश्व क्रिकेटकै एक सर्वाधिक सफल बलर हुन् । उनले श्रीलंकाबाट ३० टेस्ट खेलमा १ सय १, २ सय २६ ओडिआई खेलमा ३ सय ३८ र ८४ टि२० आई खेलमा १ सय ७ विकेट लिएका थिए ।

२०१४ को टि२० विश्वकपको फाइनलमा भारतलाई हराउँदै श्रीलंकालाई उपाधि जिताउन मलिङ्गाले सानदार प्रदर्शन गरेका थिए । २०१९ को फाइनलमा चेन्नईलाई एक रनले हराउँदै मुम्बईलाई उपाधि जिताउन उनले अन्तिम ओभरमा ९ रन चाहिँदा जित दिलाएका थिए ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.