default_image

8 months ago

October 16, 2023

पाँच पटकको च्याम्पियन अष्ट्रेलिया पुछारमा

1111 views

0 Bookmark

एजेन्सी – सर्वाधिक पाँच पटकको च्याम्पियन अष्ट्रेलिया आइसिसी विश्वकप २०२३ को अंक तालिकामा सुरुवातमा पुछारमा परेको छ । १० टोली सहभागी विश्वकपमा अष्ट्रेलिया २ खेलमा जित विहीन हुँदै पुछारमा भएको हो ।

अष्ट्रेलयालाई जित विहीन नेदरल्यान्ड्स र श्रीलंकाले नेटरनरेटका कारण पछि छाडेका छन् । अष्ट्रेलिया पहिलो खेलमा भारतसँग ६ विकेट र दोस्रो खेलमा दक्षिण अफ्रिकासँग १ सय ३४ रनले पराजित भएको थियो । अष्ट्रेलयाले आज श्रीलंकासँग खेल्दैछ । समान दुई खेल खेलेका श्रीलंका र नेदरल्यान्ड्स जित विहीन हुँदै आठौं र नवौं स्थानमा छन् ।

भारत अंक तालिकाको शीर्ष स्थानमा छ । भारतको ३ खेलमा ६ अंक छ । न्युजिल्यान्ड ३ खेलमा ६ अंक भएपनि नेटरनरेटका कारण दोस्रो स्थानमा छन् । भारत र न्युजिल्यान्डले सुरुवाती तीनै खेल जितेका छन् । दक्षिण अफ्रिका २ खेलमा ४ अंकका साथ तेस्रो स्थानमा छ ।

जारी विश्वकपमा भारत, न्युजिल्यान्ड र दक्षिण अफ्रिका मात्रै अपराजित टोली हुन् । पाकिस्तान ३ खेलमा २ मा जित र १ मा हारसहित ४ अंकका साथ चौथो स्थानमा छ । इंग्ल्यान्ड ३ खेलमा १ मा जित र २ मा हारसहित २ अंकका साथ पाँचौं स्थानमा छ । इंग्ल्यान्ड अफगानिस्तानसँग ६९ रनले पराजित भएको थियो ।

अफगानिस्तानसँगको हार इंग्ल्यान्डलाई सेमिफाइनल यात्रामा भारी पर्नसक्छ । अफगानिस्तान ३ खेलमा १ मा जित र २ मा हारसहित छैटौं स्थानमा छ । बंगलादेश ३ खेलमा १ मा जित र २ मा हारका साथ २ अंकका साथ सातौं स्थानमा छ ।

प्रतियोगिता शीर्ष चार टोली सेमिफाइनल खेल्नेछन् । सेमिफाइनलमा शीर्षस्थान र चौथो स्थानमा रहने टोलीले खेल्नेछन् । दोस्रो सेमिफाइनलमा दोस्रो र तेस्रो स्थानमा रहने टोली भिड्नेछन् ।

सेमिफाइनल पहिलो १५ नोभेम्बर र दोस्रो सेमिफाइनल १६ नोभेम्बरमा हुनेछ । पहिलो सेमिफाइनल मुम्बई र दोस्रो कोलकातामा हुनेछ । फाइनल नरेन्द्र मोदी स्टेडियम अहमदाबादमा १९ नोभेम्बरमा हुनेछ ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.