default_image

7 months ago

October 18, 2023

युएईविरुद्ध नेपालको सम्भावित प्लेइङ–११

4477 views

0 Bookmark

काठमाडौं (हाम्रो खेलकुद) – नेपालले त्रिकोणात्मक टि२० आई सिरिजमा आज युएईसँग खेल्दैछ । खेल दिउँसो १ बजे माथिल्लो मुलपानी क्रिकेट मैदानमा सुरु हुनेछ । नेपालले पछिल्लो पटक तीन साताअघि १९ औं एसियाली खेलकुद (एसियाड) मा भारतसँग खेलेको थियो ।

जितको लागि २ सय ३ रनको विशाल विजयी लक्ष्य पछ्याएको नेपालले २० ओभरमा ९ विकेट गुमाउँदै १ सय ७९ रन बनाएको थियो ।

यो विश्वकप छनोट अघि सिरिज हुँदा आफ्नो उत्कृष्ट प्लेइङ–११ खोज्ने प्रयास गर्नेछ । भारतसँगको खेलबाट नेपाली टोलीमा कम्तिमा एक परिवर्तन गर्ने पक्काछ । स्पिनर सन्दीप लामिछाने टोलीमा छैनन् । त्यसैको कारण नेपालले उनको स्थानमा एक स्पिनरलाई खेलाउनेछ ।

मुलपानी क्रिकेट मैदान स्पिनर सहयोगी हुँदा चार मध्य एक खेलाडीले टोलीमा मौका पाउनेछन् । नेपालको टोलीमा ललितनारायण राजवंशी, सूर्य तामाङ, सागर ढकाल र श्याम ढकाल स्पिनर छन् । ललित अघिल्लो महिना घाइते हुँदा ब्यूटीबोनको शल्यक्रिया गर्नुपरेको थियो । उनलाई ठिक हुन ६ देखी १० हप्ता लाग्ने बताइएको थियो ।

ललितले आजको खेल खेल्ने सम्भावना कम छ । विश्वकप छनोटलाई तयार पार्न उनलाई टोलीमा समेटेको हुनसक्ने अनुमान गरिएको छ । ललित फिट नहुँदा सागर ढकाल र श्याम ढकाल मध्य एकले मौका पाउनेछन् ।

यदि ललित पूर्ण रुपमा फिट नभएको अवस्थामा श्यामले मौका पाउन सक्छन् । सन्दीप टोलीमा नहुँदा लेग स्पिनरलाई मौका दिनसक्छ । स्पिन आक्रामणमा अफस्पिनर दीपेन्द्रले साथ दिनेछन् ।

सन्दीप र ललित नहुँदा नेपालको बलिङ आक्रामणमा असर पर्ने देखिन्छ । नेपालको टोलीमा अन्य परिवर्तनको सम्भावना कम छ । ओपनरमा कुशल भुर्तेल र आसिफ शेख छन् । कुशल आक्रामक र आसिफ संयमित सुरुवात गर्न खोज्नेछन् ।

मंगोलियाविरुद्ध ३४ बलमै शतक हानेका कुशल मल्ल तेस्रो नम्बरमा खेल्नेछन् । कुशलबाट नेपाल विष्फोटक ब्याटिङ चाहन्छ । कप्तान रोहित पौडेल चौथो र दीपेन्द्रसिंह ऐरी पाँचौं नम्बरमा खेल्नेछन् । दीपेन्द्र नेपालका प्रमुख अलराउन्डर हुन् । मंगोलियाविरुद्ध ९ बलमै अर्धशतक हानेका दीपेन्द्रबाट नेपाल उत्कृष्ट अन्त्य चाहन्छ ।

भारतविरुद्ध राम्रो प्रदर्शन गरेको हुँदा सन्दीप जोराले निरन्तरता पाउनेछन् । सन्दीप जोराले भारतीय प्रमुख बलर अर्शदीपलाई १६औं ओभरमा दुई छक्का हानेका थिए । जोराको मनोबल पनि उच्चछ । उनी छैटौं नम्बरमा खेल्नेछन् ।

सोमपाल कामी, गुलशन झा र करण केसीले सातौं, आठौं र नवौं स्थान सम्हाल्नेछन् । कुन खेलाडी कति नम्बरमा खेल्ने टोलीको प्रदर्शनमा निर्भर हुनेछ । खराब प्रदर्शन गर्दा सोमपाल माथि खेल्नेछन् । तर राम्रो अवस्थामा हुँदा करणले माथि खेल्दै विष्फोटक अन्त्य गर्नेछन् । १० औं र ११ औं नम्बरमा अभिनाश बोहरा र एक स्पिनर हुनेछन् ।

नेपालसँग तीव्र गतिका बलरमा गुलशन पार्टटाइम विकल्प हुनेछन् । करण र सोमपालले नयाँ बलका साथ सुरुवात गर्नेछन् । डेथ ओभरमा अभिनाश बोहरा हुनेछन् । स्पिनरमा दीपेन्द्रलाई श्यामले साथ दिने सम्भावना छ । पार्टटाइममा रोहित पौडेल र कुशल भुर्तेल पनि हुनेछन् ।

नेपालको सम्भावित प्लेइङ-११ः

कुशल भुर्तेल, आसिफ शेख (विकेटकिपर), कुशल मल्ल, रोहित पौडेल (कप्तान), दीपेन्द्रसिंह ऐरी, सन्दीप जोरा, सोमपाल कामी, करण केसी, गुलशन झा, अभिनाश बोहरा, श्याम ढकाल ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.