एजेन्सी – हङकङले आइसिसी टि२० विश्वकप एसिया क्षेत्र छनोट खेल्न नेपाल आउने टोली घोषणा गरेकोछ । अनुभवी ब्याटर अंशुमन रथ टोलीमा फर्किदा मार्टिक कोट्जी पहिलो पटक टोलीमा परेका छन् ।

निजातक खानको कप्तानीमा घोषणा टोलीमा अंशुमन रथ, बाबर हायत र जिशान अली जस्ता ब्याटर छन् । काउन्टीमा अनुभवी स्कट म्याकेन्जी पनि टोलीमा फर्किएका छन् । उनले ८ ओडिआई र २९ टि२० आई खेल खेलेका छन् ।

दक्षिण अफ्रिकामा घरेलु क्रिकेट खेलेका ब्याटर मार्टिन कोट्जी पनि टोलीमा छन् । उनले दक्षिण अफ्रिका आमन्त्रिण ११ बाट घरेलु क्रिकेट खेलेका थिए । साउथ वेस्टर्नबाट घरेलु क्रिकेट खेल्ने गर्दथे।

हङकङले विश्वकप छनोटअघि नेपाल र युएईसँग त्रिकोणात्मक सिरिज पनि खेल्नेछ । विश्वकप छनोटको समूह बी मा हङकङ, युएई, बहराइन र कुवेत छन् ।

समूह ए मा नेपाल, सिंगापुर, मलेसिया र ओमान छन् । फाइनलमा पुग्ने दुई टोलीले २०२४ मा अमेरिका र वेस्टइन्डिजमा हुने विश्वकप खेल्न पाउनेछन् । हरेक समूहका शीर्ष दुई टोलीले सेमिफाइनलमा स्थान बनाउनेछन् ।

हङकङको टोली

निजाकत खान(कप्तान), अदित गोरावारा, अजिज खान, आयुश शुक्ला, अंशुमन रथ, बाबर हायत, एहसान खान, मोहम्मद गजानफार, हरुन अर्शद, नसरुल्लाह राना, मार्टिन कोट्जी, राग कपुर, स्कट म्याकेन्जी, यासिम मुर्तजा, जिशान अली ।

त्रिकोणात्मक सिरिजमा हङकङको खेल तालिका

१९ अक्टोबर – नेपाल

२१ अक्टोबर – नेपाल

२२ अक्टोबर – युएई

२५ अक्टोबर – युएई

२७ अक्टोबर – फाइनल

विश्वकप छनोटमा हङकङको खेल तालिका

३० अक्टोबर – कुवेत

३१ अक्टोबर – बहराइन

२ नोभेम्बर – युएई

३ नोभेम्बर – सेमिफइनल

५ नोभेम्बर – फाइनल