default_image

7 months ago

October 24, 2023

बंगलादेशमाथि सानदार जितसँगै दक्षिण अफ्रिका दोस्रो स्थानमा

1976 views

0 Bookmark

एजेन्सी – दक्षिण अफ्रिकाले सानदार ब्याटिङ र बलिङ प्रदर्शनको सहयोगमा आइसिसी विश्वकप २०२३ मा बंगलादेशलाई १ सय ४९ रनको फराकिलो अन्तरले हराएकोछ । पाँच खेलमा चौथो जितका साथ दक्षिण अफ्रिका अंक तालिकामा दोस्रो स्थानमा उक्लिदै सेमिफाइनल सम्भावना मजबुत बनाएको छ ।

जितको लागि ३ सय ८३ रनको विशाल विजयी लक्ष्य पछ्याएको बंगलादेश ४६.४ ओभरमा २ सय ३३ रनमा अल आउट भयो । बंगलादेशका महमूदुल्लाह रियादले १ सय ११ बलमा ११ चौका र ४ छक्कासहित सर्वाधिक १ सय ११ रनको शतकीय इनिङ खेले ।
उनको यो ओडिआई करिअरको चौथो र विश्वकपको तेस्रो शतक हो । । एक समय ८१(६ को दयनीय अवस्थामा पुगेको बंगलादेशलाई महमुदूल्लाहले शतक हाल्दै लज्जास्पदबाट जोगाएका थिए । महमुदूल्लाहको एकल प्रदर्शन जितको लागि पर्याप्त भने थिएन ।

दक्षिण अफ्रिका तीव्र गतिको बलिङ आक्रामण सामु अन्य कुनैपनि ब्याटरले राम्रो गर्न सकेनन् । ओपनर तानजिद हसन १२, लिटन दास २२, नाज्मुल हसन डक, सकिब अल हसन १, मुश्ताफिजुर रहमान ८, मेहेदी हसन मिराज ११, नासुम अहमद १९ र हसन मोहम्मद १५ रनमा आउट भए ।

दक्षिण अफ्रिकाका जेराल्ड कोट्जीले १० ओभरमा ६३ रन खर्चेर ३ विकेट लिए । कागिसो रबाडाले १० ओभरमा ४२ रन खर्चेर २ विकेट लिए । मार्को यानसन र लिजार्ड विलियम्सले समान दुई विकेट लिए । केशव महाराजले एक विकेट लिए ।

त्यसअघि वानखडे स्टेडियम मुम्बईमा टस जितेर पहिला ब्याटिङ रोजेको दक्षिण अफ्रिकाले निर्धारित ५० ओभरमा ५ विकेट गुमाउँदै ३ सय ८२ रन बनाएको थियो । यो विश्वकपमा दक्षिण अफ्रिकाले तेस्रो पटक ३५० रन भन्दा बढी बनाएको हो। यसअघि श्रीलंका विरुद्ध ४२८ रन बनाएको दक्षिण अफ्रिकाले इंगल्याण्ड विरुद्ध ३९९ रन खडा गरेको थियो।

दक्षिण अफ्रिकाको जितमा ओपनर क्विन्टन डिककले १ सय ५० बलमा १५ चौका र ७ छक्कासहित सर्वाधिक १सय ७४ रनको सानदार शतकीय इनिङ खेलेका थिए । जारी विश्वकपमा उनको तेस्रो शतक हो । डिककले पाँच नम्बरमा ब्याटिङ गर्न आएका हेनरिक क्लासनसँग मिलेर चौथो विकेटका लागि १ सय ४२ रनको साझेदारी गरेका थिए।

क्लासनले ५० बलमा २ चौका र ८ छक्कासहित ९० रनको विष्फोटक इनिङ खेले । ओपनर रिजा हेन्ड्रीक्स १२ रन बनाएर शोरीफुल इस्लामको बलमा बोल्ड भएका थिए। तेस्रो नम्बरमा आएका रास्सी भ्यान डर डुसेनले पनि १ रन मात्र बनाउँदै मेहिही हसन मिराजको सिकार बने।

त्यसपछि डीकक र कप्तान एइडन मारक्रम मिलेर तेस्रो विकेटका लागि १ सय ३१ रनको शतकीय साझेदारी गर्दै विशाल योगफलको आधार तय गरेका थिए । मारक्रम ६९ बलमा ७ चौकासहित ६० रनमा आउट भए ।

डेभिड मिलर १५ बलमा १ चौका र ४ छक्कासहित ३४ रनमा नट आउट रहे । बंगलादेशका लागि हसन महमूदले ६ ओभरमा ६७ रन खर्चिदै सर्वाधिक दुई विकेट लिए। मेहेदी हसन मिराज, शोरीफुल इस्लाम र कप्तान शकिब अल हसनले समान एक(एक विकेट लिए।

दक्षिण अफ्रिका ५ खेलमा ४ मा जित र १ मा हारसहित दोस्रो स्थानमा छ । भारत ५ खेलमा १० अंकका साथ शीर्षस्थानमा छ । न्युजिल्यान्ड ५ खेलमा ४ मा जित र १ मा हारसहित ८ अंकका साथ तेस्रो स्थानमा छ ।

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

Success

Thank you for your time.