default_image

7 months ago

October 31, 2023

लगातार दोस्रो जितसँगै ओमान सेमिफाइनल नजिक

959 views

0 Bookmark

काठमाडौ (हाम्रो खेलकुद) – ओमानले आइसिसी टि२० विश्वकप एसिया क्षेत्र फाइनल छनोटमा सिंगापुरलाई २२ रनले हराउँदै सेमिफाइनल नजिक पुगेको छ । अर्को खेलमा नेपालले सिंगापुरलाई हराए ओमान एक खेल अगावै सेमिफाइनल पुग्नेछ ।

जितको लागि १ सय ७५ रनको विजयी लक्ष्य पछ्याएको सिंगापुर २० ओभरमा ८ विकेट गुमाउँदै १ सय ५२ रन बनाएको थियो । सिंगापुरका सुरेन्द्रन चन्द्रमोहनले ३१ बलमा ४ चौका र ३ छक्कासहित सर्वाधिक ४१ रन बनाए ।

मनप्रीत सिंहले २० बलमा २ छक्कासहित ३१, अरित्र दत्त १३, अनिश परामले २६ र रोहन रंगराजनले १२ रन बनाए ।
ओमानका बिलाल खान र फयाज बटले समान दुई विकेट लिए । सकिल अहमद, जिशान मकसुद, अकिब इलियास र मोहम्मद नदिमले एक एक विकेट लिए ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको ओमानले निर्धारित २० ओभरमा ६ विकेट गुमाउँदै १ सय ७४ रन बनाएको थियो । ओमानको जितमा अकिब इलियास ३५ बलमा ४ चौका र ४ छक्कासहित सर्वाधिक ६३ रनको योगदान दिएका थिए ।

तेस्रो विकेटका लागि जिशान मकसुद र अकिब इलियासले ३२ बलमा ६९ रनको उत्कृष्ट साझेदारी गरेका थिए । जिशान १७ बलमा ३ चौका र १ छक्कासहित २६ रनमा आउट भए ।

ओपनर प्रतीक अथवले ३२ बलमा ७ चौकासहित ४२ तथा कश्याप प्रजापति १९ बलमा २ चौकासहित १२ रनमा आउट भएका थिए । दोस्रो विकेटका लागि अकिबले प्रतीकसँग मिलेर ३५ बलमा ५० रनको साझेदारी गरेका थिए ।

सिंगापुरका तीव्र गतिका बलर जनक प्रकाशले ४ ओभरमा २२ रन खर्चेर २ विकेट लिए । अनिश परामले ४ ओभरमा ४५ रन खर्चेर २ विकेट लिए । रमेश कलिमुथुले ४ ओभरमा २५ रन खर्चेर २ विकेट लिए । ओमानले पहिलो खेलमा सिंगापुरलाई ३२ रनले हराएको थियो । बिहीबार नेपालसँग ओमानले खेल्नेछ ।

उक्त खेलले समूह ए को विजेता र उपविजेता निर्धारण गर्नेछ । सिंगापुर पहिलो खेलमा नेपालसँग ८ विकेटले पराजित भएको थियो । सिंगापुर बाहिरिएको छ । सिंगापुरले अन्तिम खेल बिहीबार मलेसियासँग खेल्नेछ । नेपाल र मलेसियाबीच अव केहि समयमा खेल हुँदैछ । उता मुलपानीमा पहिलो खेलमा बहराइनले हङकङलाई २० रनले हराएको थियो । मुलपानीमा दोस्रो खेलमा कुवेत र युएई भिड्दैछन् ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.