default_image

8 months ago

November 4, 2023

‘ओमानसँग हारेर आएपछि दिप्पी दाइले भन्नुभयो म खेल्छु’- रोहित

15409 views

0 Bookmark

काठमाडौं (हाम्रो खेलकुद) – नेपालका प्रमुख अलराउन्डर दीपेन्द्रसिंह ऐरी घाइतेका बाबजुद आइसिसी टि२० विश्वकप एसिया क्षेत्र फाइनल छनोटको सेमिफाइनल खेल युएईविरुद्ध खेल्ने निर्णय लिए । सोमबार सिंगापुरविरुद्ध खेल्नुअघि उनको एंकलमा चोट लागेको थियो । उनी वैशाखीको सहयोगमा मैदान फर्किएका थिए ।

बिहीबार ओमानसँगको खेलको क्रममा उनले नेटमा अभ्यास गरेका थिए । जितको लागि १ सय ४६ रनको विजयी लक्ष्य पछ्याएको नेपाल ओमानसँग ५ रनले पराजित भएको थियो ।

त्यसैको कारण नेपालले सेमिफाइनल खेलमा युएईसँग खेल्नु परेको थियो । दीपेन्द्रले खेल्ने सम्भावना निकै कम थियो । तर शुक्रबार नेपालले सन्दीप जोरालाई बेन्चमा राख्दै दीपेन्द्रसिंह ऐरीलाई खेलाउने निर्णय लियो ।

मैदानमा पनि दीपेन्द्र फिल्डिङमा सहज देखिएका थिए । ब्याटिङमा भने उनी आउन पर्ने आवश्यकता नै परेन । नेपालले १ सय ३५ रनको मध्यम लक्ष्य १७.१ ओभरमा २ विकेट गुमाउँदै पूरा गर्यो । १० वर्षपछि नेपालले पुन टि२० विश्वकपमा स्थान बनायो ।
दीपेन्द्र एक महिना भन्दा बढी बाहिर हुने बताइएको थियो । तर ओमानसँगको हारपछि भने दीपेन्द्रले खेल्ने निर्णय लिएको कप्तान रोहित पौडेल बताउँछन् ।

‘ओमानसँग खेल हारेर आएपछि दिप्पीदाइले भन्नुभयो म खेल्छु खेल्छु भनेर भनि राख्नु भएको थियो । त्यो कन्फिडेन्स हेर्दा एकदमै खुसी लाग्छ । खेलाडी घाइते भएपछि पनि खेल्न खोजि राख्नु भएको थियो । कसरी जिताउन भने त्यो योगदान दिन खोज्नु भएको थियो । त्यो हेर्दा एकदमै खुसी लागि राखेको थियो । दिप्पी दाई खेल्दा युएई डराएको हुनपनि सक्छ’, विश्वकपमा पुगेपछि रोहितले भने ।

दीपेन्द्र खेल्ने भएपछि युएईका खेलाडी केहि दबाबमा परेको थिए । ‘रोहित त्यो हुनपनि सक्ने बताउँछन् । दीपेन्द्र खेल्दा युएई डराएको पनि हुनसक्छ । दिप्पी दाई मैदानमा भएपछि अर्को टोलीको मनोबल तल झर्न सक्छ’, उनले ।

दीपेन्द्रले फाइनल भने नखेल्ने पक्का छ । विश्वकपमा स्थान बनाउन निर्णायक खेल हुँदा दीपेन्द्रले आफ्नो करिअरनै दाउमा लगाएर खेलेका थिए । फाइनलमा भने उनले विश्राम गर्नेछन् । नेपालले उपाधिको लागि आइतबार ओमानसँग टियु क्रिकेट मैदानमा प्रतिस्पर्धा गर्नेछ ।

नेपाल र ओमानबीचको खेल आइतबार बिहान ११ बजे सुरु हुनेछ । ओमानले अर्को सेमिफाइनल खेलमा बहराइनलाई १० विकेटले हराउँदै विश्वकपमा स्थान बनाएको थियो । नेपाल र ओमानले २०२४ मा हुने टि२० विश्वकप खेल्न पाउनेछन् ।
रोहितको पूरा भिडियो :

June 25, 2024

अफगानिस्तान टि-ट्वान्टी विश्वकपको सेमिफाइनलमा

एजेन्सी – बंगलादेशलाई हराउँदै अफगानिस्तान पहिलो पटक आइसिसी टि-ट्वान्टी विश्वकपको सेमिफाइनलमा प्रवेश गरेको छ । वर्षाले प्रभावित भएको सोमबारको खेलमा अफगानिस्तानलाई डकवर्थ लुइसका आधारमा ८ रनले हराएको हो । अफगानिस्तान सेमिफाइनलमा पुग्दा अष्ट्रेलिया भने प्रतियोगिताबाट बाहिरिएको छ । अफगानिस्तान र भारतसँग पराजित अष्ट्रेलिया सुपर एट चरण बाट नै बाहिरिएको हो । समूह १ मा भारत […]

June 25, 2024

भारत सेमिफाइनलमा, अष्ट्रेलियाले अफगानिस्तानको नतिजा कुर्नुपर्ने

एजेन्सी – अष्ट्रेलिया माथि जित हात पर्दै भारत आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा भारतले २४ रनको जित दर्ता गर्दै सेमिफाइनलमा स्थान पक्का गरेको हो । उता अष्ट्रेलियाले भने सेमिफाइनलमा पुग्नका लागि अफगानिस्तान र बंगलादेशबीचको खेलको नतिजामा भर पर्नुपर्ने भएको छ । समूह १ मा […]

June 24, 2024

वेस्ट इन्डिजलाई हराउँदै दक्षिण अफ्रिका सेमिफाइनलमा

एजेन्सी – वेस्ट इन्डिज माथि जित दर्ता गर्दै दक्षिण अफ्रिका आइसिसी टि-ट्वान्टी विश्वकप २०२४ को सेमिफाइनलमा प्रवेश गरेको छ । सुपर एट चरणको आफ्नो अन्तिम खेलमा सोमबार ३ विकेटको जित निकालेको दक्षिण अफ्रिका समूह विजेता बन्दै सेमिफाइनलमा प्रवेश गरेको हो । डकवर्थ लुइसका आधारमा १७ ओभरमा १ सय २३ रनको लक्ष्य दक्षिण अफ्रिकाले ५ बल […]

Success

Thank you for your time.