default_image

7 months ago

November 9, 2023

भारतले सेमिफाइनलमा न्युजिल्यान्डसँग खेल्ने !

11547 views

0 Bookmark

एजेन्सी – घरेलु टोली भारतले आइसिसी विश्वकप २०२३ को पहिलो सेमिफाइनल खेलमा न्युजिल्यान्डसँग भिड्ने पक्कापक्की जस्तै भएको छ । न्युजिल्यान्डले श्रीलंकालाई पाँच विकेटले हराएपछि सेमिफाइनलमा भारतसँगको भेट पक्का जस्तै भएको हो । यद्यपी न्युजिल्यान्ड सेमिफाइनलमा पुग्न औपचारिकता भने बाँकी छ ।

भारत ८ खेलमा १६ अंकका साथ शीर्ष स्थानमा छ । दक्षिण अफ्रिका ८ खेलमा ६ मा जित र २ मा हारसहित १२ अंकका साथ दोस्रो स्थानमा छ । अष्ट्रेलिया ८ खेलमा ६ मा जित र २ मा हारसहित १२ अंकका साथ तेस्रो स्थानमा छ ।

न्युजिल्यान्ड ९ खेलमा ५ मा जित र ४ मा हारसहित १० अंकका साथ चौथो स्थानमा छ । पाकिस्तान ८ खेलमा ४ मा जित र ४ मा हारसहित ८ अंकका साथ पाँचौं स्थानमा छ । न्युजिल्यान्डको नेटरनरेट प्लस ०.७४३ र पाकिस्तानको ०.०३६ छ ।

पाकिस्तानले न्युजिल्यान्डलाई नेटरनरेटमा पछि पार्न अन्तिम खेलमा शनिबार इंग्ल्यान्डलाई कम्तिमा २ सय ८७ रनले हराउनु पर्ने हुन्छ । यदि इंग्ल्यान्डलाई १ सय ५० भन्दा कम रनमा रोके पाकिस्तानले उक्त लक्ष्य ३.४ ओभरमा पूरा गर्नुपर्ने हुन्छ ।

पाकिस्तानले २ सय माथिको योगफल ७ ओभरमा पूरा गर्नुपर्ने हुन्छ । त्यसैले पाकिस्तान सेमिफाइनल दौडबाट बाहिरिन औपचारिकता बाँकी देखिन्छ ।

उता अफगानिस्तान सेमिफाइनल खेल्न अन्तिम खेलमा शुक्रबार दक्षिण अफ्रिकालाई ४ सय ३८ भन्दा बढी रनले हराउनु पर्ने हुन्छ । पाकिस्तान र अफगानिस्तान दुबैको सेमिफाइनल समिकरण असम्भव देखिन्छ ।

त्यसैको कारण पहिलो सेमिफाइनल खेलमा वानखडे स्टेडिम मुम्बईमा १५ नोभेम्बरमा भारत र न्युजिल्यान्ड भिड्ने पक्का छ । १६ नोभेम्बरमा इर्डेन गार्डेन कोलकातामा दक्षिण अफ्रिका र अष्ट्रेलियाबीच प्रतिस्पर्धा हुनेछ । फाइनल १९ नोभेम्बरमा अहमदाबादमा हुनेछ ।

२०१९ को विश्वकपमा पनि न्युजिल्यान्डले पाकिस्तानलाई नेटरनरेटमा पछि पारेको थियो । दुबै टोलीको समान ११ अंक भएपनि नेटरनरेटको कारण न्युजिल्यान्डले सेमिफाइनल खेलेको थियो ।

न्युजिल्यान्डले २०१९ को विश्वकपमा भारतलाई १८ रनले हराउँदै फाइनलमा स्थान बनाएको थियो । जितको लागि २ सय ४० रनको मध्यम विजयी लक्ष्य पछ्याएको भारत २ सय २१ रनमै अल आउट भएको थियो । सन् २००० यता न्युजिल्यान्डले भारतलाई सबै नक आउट खेलमा हराउँदै आएको छ ।

May 26, 2024

कोलकातालाई तेस्रो आइपिएल उपाधि

काठमाडौं (हाम्रो खेलकुद) – कोलकाता नाइट राइडर्सले तेस्रो पटक इन्डियन प्रिमियर लिग (आइपिएल) को उपाधि जितेको छ । आइतबार भएको फाइनलमा सनराइजर्स हैदरावादलाई ८ विकेटले हराउँदै कोलकाता च्याम्पियन बनेको हो । कोलकाताले यसअघि सन् २०१२ र २०१४ मा उपाधि जितेको थियो । सन् २०१६ मा उपाधि जितेको हैदरावाद भने सन् २०१८ पछि दोस्रो पटक फाइनलमा […]

May 26, 2024

ह्युस्टनमाथि नेपालको जित

ह्युस्टन (हाम्रो खेलकुद) – टि ट्वान्टी विश्वकपको तयारीमा रहेको नेपाली क्रिकेट टोलीले दोस्रो अभ्यास खेलमा ह्युस्टन हरिकेन्सलाई २७ रनले पराजित गरेको छ । शनिबार जितका लागि १ सय २४ रनको लक्ष्य पछ्याएको ह्युस्टन हरिकेन्स १८.३ ओभरमा ९६ रनमा अल आउट भएको थियो । ह्युस्टन जिआ शाहजादले २९ बलमा १ चौका र २ छक्कासहित सर्वाधिक ३५ […]

May 26, 2024

ह्युस्टनसँग चलेन नेपालको ब्याटिङ

ह्युस्टन (हाम्रो खेलकुद)- नेपाली क्रिकेट टोलीले दोस्रो टि ट्वान्टी अभ्यास खेलमा ह्युस्टन हरिकेन्सलाई १ सय २४ रनको मध्यम लक्ष्य दिएको छ । प्रेरी भ्यू कम्प्लेक्स ह्युस्टनमा टस जितेर पहिला ब्याटिङ रोजेको नेपालले २० ओभरमा ६ विकेट गुमाउँदै १ सय २३ रन बनाएको थियो । नेपालका कप्तान रोहित पौडेलले ४० बलमा १ चौकासहित सर्वाधिक ३७ रन […]

Success

Thank you for your time.