default_image

9 months ago

November 11, 2023

कास्कीलाई बागलुङ कप टि२० क्रिकेट उपाधि

578 views

0 Bookmark

अर्जुन कार्की, बागलुङ

कास्की जिल्लाले गण्डकी प्रदेशस्तरीय ‘बागलुङ कप’ टि २० क्रिकेट प्रतियोगिताको उपाधि  जितेको छ ।
नवलपुरलाई  शनिबार भएको फाइनलमा ८ विकेटले पराजित गर्दै कास्कीले उपाधि जितेको हो ।

९१ रनको सामान्य विजयी लक्ष्य पछ्याएको कास्कीले १५.५ ओभरमा २ विकेट गुमाएर पूरा गर्यो । कास्कीका मुस्कान थापाले २४ र अभिषेक थापा १७ रनमा नटआउट रहे।

किरण पौडेलले २३ र सिभरिन श्रेष्ठले २२ रन बनाए । नवलपुरका  कप्तान कमल परियार र शिशिर भुसालले समान १ विकेट लिए ।

त्यसअघि टस जितेर पहिले ब्याटिङ गरेको नवलपुर १८.४ ओभरमा सबै विकेट गुमाउँदै ९० रनमा बनाएको थियो । नवलपुरको लागि अनिष गुरुङले १७ , दिपक डुम्रेले १४ रन, अप्राजित पौडेलले १२ रन बनाए ।

कास्कीका  कप्तान विपिन खत्रीले ४ ओभरमा १५ रन खर्चेर ३ विकेट लिए । सुवास भण्डारी र किरण पौडेलले समान २ र नितेश गिरी र अभिषेक थापाले समान १ विकेट लिए । कास्कीले उपाधि सहित १ लाख १ हजार १ सय ११ र पनवलपुरले ५० हजार ५ सय ५५ रुपैयाँ प्राप्त गर्यो ।
कास्कीका कप्तान विपिन म्यान अफ दि सिरिज र उत्कृष्ट बलर चुनिए  । उनले ४ खेलमा  १३ विकेट लिनुका  ५० रन बनाएका थिए । उनले म्यान अफदी सिरिजको १० र उत्कृष्ट बलरको ५ हजार रुपैयाँ प्राप्त गरे ।

तनहुँका दिनेश बुढा मगर उत्कृष्ट व्याट्सम्यान बन्दै ५ हजार रुपैयाँ प्राप्त गरे । बुढाले प्रतियोगितामा १ सय १३ रन बनाएका थिए ।

बागलुङ जिल्ला क्रिकेट संघले आयोजना गरेको प्रतियोगितामा नेपाल क्रिकेट संघमा आवद्ध रहेका गण्डकी प्रदेशका ६ जिल्लाको सहभागिता थियो ।

बागलुङ नगरपालिकाका नगरप्रमुख बसन्तकुमार श्रेष्ठ, उपप्रमुख राजु खड्का, नगर खेलकुद समितिका संयोजक सुरज बोसेल, गण्डकी प्रदेश क्रिकेट संघका अध्यक्ष संजयकान्त सिग्देल, बागलुङ जिल्ला क्रिकेट संघका अध्यक्ष विष्णुप्रसाद अचार्यले विजेता, उपविजेता टोलीका खेलाडीलाई पुरस्कार वितरण गरेका थिए ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.