एजेन्सी – अष्ट्रेलिया ओपनर ट्रविस हेड आइसिसी उपाधिमा भारतको पुन टाउको दुखाइ बन्दै बाधक बनेका छन् ।

अष्ट्रेलियाले आइतबार राती घरेलुु टोली भरतलाई ६ विकेटले हराउदै छैटौं पटक विश्वकपको उपाधी जितेकोछ ।

लिगमा एक खेल नहारे पनि भारतले फाइनलमा पुगेर हारेको हो । अष्ट्रेलियाले भने सुरुवाती दुई खेलमा भारत र दक्षिण अफ्रिकासँग हारेपछी सानदार पुनरागमन गर्दै उपाधी जित्यो ।

भारतलाई हराउन हेड ब्याटिङ र फिल्डिङ दुबैमा नायक बने । जितको लागि २ सय ४१ रनको विजयी लक्ष्य पछ्याएको अष्ट्रेलियाले ४३ ओभरमा ४ विकेट गुमाउँदै पूरा गर्यो ।

अष्ट्रेलियालाई जिताउन हेडले १ सय २० बलमा १५ चौका र ४ छक्कासहित १ सय ३७ रनको सानदार शतकिय इनिङ खेले ।

मध्यम लक्ष्य पछ्याएको अष्ट्रेलिया सुरुवात भने कमजोर रह्यो । एक समय ७ ओभरमा ४७-३ को अवस्थामा पुगेपनी हेडले मार्नस लाबुसेनसँग चौथो विकेटका लागि १ सय ९२ रनको सानदार शतकीय साझेदारी गर्दै जित पक्का गराए ।

उता भारतले टस हारेर पहिला ब्याटिङ गर्दा विस्फोटक सुरुवात गरेको थियो । कप्तान रोहित शर्माले उत्कृष्ट सुरुवात दिलाएका थिए ।

स्पिनर ग्लेन म्याक्सवेलको दशौं ओभरको चौथो बलमा ठुलो शर्ट खेल्ने धुनमा कभरमा रोहित ४७ रनमा क्याच आउट भए । हेडले लामो दौडका साथ ड्राइभ हान्दै उत्कृष्ट क्याच लिए ।

त्यो नै खेलको प्रमुख टनिङ प्वाइन्ट थियो । रोहितले ३१ बलमा ४ चौका र ३ छक्का हाने ।

हेड यो वर्ष दुई ठुला फाइनल खेलमा भारतविरुद्द प्लेयर अफ द म्याच चुनिएका छन् । पाँच महिना अघिअष्ट्रेलियाले आइसिसी विश्व टेस्ट च्याम्पियनसिप २०२३ को फाइनलमा भारतमाथि २ सय ९ रनको सानदार जितका साथ उपाधि जितेको थियो ।

मध्यक्रममा ब्याटिङ गर्दै पहिलो इनिङमा ट्रविस हेडले १ सय ७४ बलमा २५ चौका र १ छक्कासहित सर्वाधिक १ सय ६३ रनको सानदार शतकीय इनिङ खेल्दै प्लेयर अफ द फाइनल चुनिएका थिए ।