5 months ago
November 28, 2023
काठमाडौं (हाम्रो खेलकुद) – युवा ब्याटर भीम सार्कीको उत्कृष्ट ब्याटिङमा त्रिभुवन आर्मी क्लबले केपी ओली कप टि२० प्रतियोगितामा कोशी प्रदेशलाई १ सय ८७ रनको विशाल लक्ष्य दिएको छ ।
पोखरा रंगशालामा टस जितेर पहिला ब्याटिङ रोजेको आर्मीले निर्धारित २० ओभरमा ७ विकेट गुमाउँदै १ सय ८६ रन बनायो । आर्मीका भीम सार्कीले २४ बलमा ३ चौका र ५ छक्कासहित सर्वाधिक ५३ रनको योगदान दिए ।
आर्मीलाई युवा ओपनर सन्तोष कार्कीले ४१ बलमा ५ चौका र २ छक्कासहित ५० रन जोड्दै राम्रो सुरुवात दिलाएका थिए । अर्का ओपनर तथा कप्तान विनोद भण्डारी १६ बलमा १ चौका र २ छक्कासहित १७ तथा रोहित पौडेल १५ बलमा ३ चौकासहित २३ रनमा आउट भए ।
विवेक यादव १, सन्दीप रजाली र कुशल मल्ल ७-७ रनमा आउट भए । साहब आलम ८ र सोमपाल कामी ३ रनमा नट आउट रहे ।
कोशी प्रदेशका श्रवण यादवले ४ ओभरमा ३२ रन खर्चेर ३ विकेट लिए । कमल खत्रीले ४ ओभरमा ३३ रन खर्चेर २ विकेट लिए । प्रकाश कार्की र सोनु मण्डलले एक एक विकेट लिए । यस खेलको आर्मी विजयी भएमा सेमिफाइनलमा पुग्नेछ ।
May 10, 2024
एजेन्सी – रोयल च्यालेनजर्स बेंगलूरु (आरसिबि) ले पञ्जाब किंग्स विरुद्ध जित दर्ता गर्दै इंडियन प्रिमियर लिग (आईपिएल) मा प्लेअफ सम्भावना कायम राखेको छ । धर्मशालामा भएको खेलमा आरसिबिले ६० रनको जित दर्ता गरेको हो । टस हारेर पहिले ब्याटिङ गरेको आरसिबिले निर्धारित २० ओभरमा ७ विकेटको क्षतिमा २४१ रनको विशाल योगफल खडा गरेको थियो । […]
May 9, 2024
सुमन अधिकारी,बुटवल न्यु होराइजन बोर्डिङ स्कुलले जेट नेपाल यु १४ टि ट्वान्टी क्रिकेट च्याम्पियनसिपको उपाधि जितेको छ । बुटवल उपमहानगरपालिकाको सहयोग तथा वेष्ट्रन क्रिकेट क्लबको आयोजनामा रुपन्देहीमा भएको प्रतियोगिताको फाइनलमा पूर्व राष्ट्रिय खेलाडी शक्ति गौचनले प्रशिक्षण गरेको न्यु होराइजनले बुद्ध पब्लिक स्कुल, देवदहलाई ३ विकेटले हराउँदै उपाधि जितेको हो । जितका लागि ७९ रनको लक्ष्य […]
May 9, 2024
काठमाडौं (हाम्रो खेलकुद)- मन्त्री परिषद्ले विभिन्न खेलमा सफलता प्राप्त गरेका खेलाडीलाई २ करोड ९७ लाख १० हजार रुपैयाँ पुरस्कार दिने निर्णय गरेको छ। युवा तथा खेलकुद मन्त्रालयले पेश गरेको प्रस्तावलाई मन्त्री परिषदको आज बसेको बैठकले निर्णय गरेसँगै एसियन गेम्समा पदक विजेता, क्रिकेट टिम र पारा तेक्वान्दो खेलाडी तथा प्रशिक्षकले नगद पुरस्कार पाउने भएका हुन्। आइसिसी […]