8 months ago
December 1, 2023
सुशिल पन्त क्षेत्री चितवन
बागमती प्रदेश प्रधानमन्त्री कप क्रिकेट महिला छनोट प्रतियोगितामा काठमाडौं र ललितपुरले विजयी सुरुवात गरेका छन् । भरतपुरको गौतमवुद्ध अन्तर्राष्ट्रिय क्रिकेट रंगशालाको नमूना मैदानमा आजबाट सुरु भएको प्रतियोगिताको पहिलो खेलमा काठमाडौंले भक्तपुरलाई ९४ रनको फराकिलो अन्तरले पराजित गर्यो ।
जितको लागि १ सय ३७ रनको बलियो लक्ष्य पछ्याएको भक्तपुर १४.५ ओभरमा ४२ रनमा अल आउट भयो । भक्तपुरका कुनै पनि ब्याटरले दोहोरो अंकको रन बनाउन सकेनन् ।
श्रीजा घिमिरे ८, एलिशा खड्का ७ तथा पूजा साउद् ३ रना आउट भईन् । भक्तपुरलाई सस्तैमा समेट्ने क्रममा खुशी डंगोल, बिपाशा शाही र यसोदा बिष्टले समान २–२ विकेट हात पारिन् ।
त्यसअघि टस जितेर पहिलो ब्याटिङ गरेको काठमाडौंले निर्धारित २० ओभरमा ४ विकेट गुमाउदै १ सय ३६ रन बनाएको थियो । काठमाडौंकी अस्मिता खरेलले सर्वाधिक २८ रन बनाईन् । यस्तै कञ्चन श्रेष्ठले २६ तथा यसोदा बिष्टले २० रन बनाईन् । भक्तपुरकी सोइछ्या खड्का र अनुशा रोकाले समान १-१ विकेट हात पारिन् । २० रन र २ विकेट लिएकी यसोदा प्लेयर अफ दि म्याच भईन् ।
दोस्रो खेलमा ललितपुरले चितवनलाई १ विकेटले हरायो । चितवनले दिएको ८३ रनको लक्ष्य ललितपुरले ८ बल बाँकी हुँदा ९ विकेट गुमाएर भेट्टायो । ललितपुरका लागि सानिया गिरीले ९, मनिषा उपाध्यायले ७ तथा यशु पाण्डेले ४ रन बनाईन् । चितवनकी सन्ध्या थापा र सबिता बिकले २(२ विकेट हात पारिन् ।
त्यस अघि पहिलो ब्याटिङ गरेको चितवनले २० ओभरमा ६ विकेटको नोक्सानीमा ८२ रन बनाएको थियो । चितवनका लागि सलिना सिलवालले सर्वाधिक ३१ रन बनाईन् । हेलिशा गुरुङले १८ तथा अनिशा मजाकोटीले ५ रन बनाईन् । ललिपुरकी मनिषा उपाध्याय एक्लैले ४ विकेट लिईन् । मनिषा नै प्लेयर अफ दि म्याच भईन् । उनले खेलमा ह्याट्रिक गरेकी थिइन् ।
बागमती प्रदेश खेलकुद परिषद् र नेपाल क्रिकेट संघ बागमती प्रदेशको आयोजनामा सुरु भएको प्रतियोगितामा चार टोली सहभागी छन् ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]