default_image

3 months ago

December 7, 2023

नेपालविरुद्ध खेल्ने पाकिस्तानको यू–१९ टोलीमा एक सिनियर टोलीबाट खेलेका खेलाडी

काठमाडौं (हाम्रो खेलकुद) – नेपालले एसिसी यू१९ एसिया कपको पहिलो खेलमा शुक्रबार पाकिस्तानसँग खेल्दैछ । खेल नेपाली समय अनुसार बिहान ११ : १५ मा दुबईमा रहेको आइसिसी एकेडेमी ओभल-२ मा सुरु हुनेछ । नेपाल पाकिस्तानलाई हराउँदै सेमिफाइनल सम्भावना बलियो बनाउन चाहन्छ । नेपालको टोलीमा कप्तान देव खनाल र गुलशन झाले सिनियर टोलीबाट खेलेका छन् । […]

7546 views

0 Bookmark

काठमाडौं (हाम्रो खेलकुद) – नेपालले एसिसी यू१९ एसिया कपको पहिलो खेलमा शुक्रबार पाकिस्तानसँग खेल्दैछ । खेल नेपाली समय अनुसार बिहान ११ : १५ मा दुबईमा रहेको आइसिसी एकेडेमी ओभल-२ मा सुरु हुनेछ । नेपाल पाकिस्तानलाई हराउँदै सेमिफाइनल सम्भावना बलियो बनाउन चाहन्छ ।

नेपालको टोलीमा कप्तान देव खनाल र गुलशन झाले सिनियर टोलीबाट खेलेका छन् । पाकिस्तानको टोलीमा पनि एक खेलाडीले सिनियर टोलीबाट खेली सकेका छन् । १८ वर्षीय युवा स्पिन अलराउन्डर अरफत मिन्हासले पाकिस्तानबाट तीन टि२० आई खेल खेलेका छन् ।

दुई महिला अघि १९ औं एसियाली खेलकुदको क्रममा पाकिस्तानले दोस्रो रोजाईको टोली चीन पठाउँदा उनले खेल्ने मौका पाएका थिए । डेब्यू खेलमा हङकङविरुद्ध १६ बलमा २ चौका र २ छक्कासहित २५ रन बनाउनुको साथै २ विकेट लिएका थिए । अफगानिस्तानविरुद्ध १३ रन बनाउँदा २ विकेट लिएका थिए ।

पाकिस्तानबाट उनले १० लिष्ट ए पनि खेली सकेका छन् । पाकिस्तानले श्रीलंकासँग पाँच यू१९ एकदिवसीय खेल खेलेको थियो । उक्त सिरिजमा अरफतले ८४, ९५, ३४, २ र ५७ रन बनाउनुको साथै ५ विकेट लिएका थिए । उनले तल्लोक्रममा ब्याटिङ गर्ने गर्दछन् ।

घरेलु क्रिकेटमा राम्रो छाप छाडेका छन् । आगामी दिनमा पाकिस्तानको स्पिन अलराउन्डरको रुपमा उनलाई हेरिएको छ ।
स्पिनर अली अस्फान्द र मोहम्मद जिशानले सिनियर घरेलु क्रिकेट खेलेका छन् । अलीले २ प्रथम श्रेणी, ११ लिष्ट ए र १० टि२० क्रिकेट खेलेका छन् । जिशान पाकिस्तानमा ठूलो सम्भावना बोकेका तीव्र गतिका बलर हुन् ।

अन्य कुनैपनि पाकिस्तानी यू१९ खेलाडीले सिनियर स्तरको क्रिकेट खेलेका छैनन् । पाकिस्तानले श्रीलंकासँग सिरिजको खेलसँगै नेशनल क्रिकेट एकेडेमी कराँची र ट्यालेन्ट हन्ट गरेर खेलाडी लिएर आएको छ । अफरत र जिशान पाकिस्तानको टेस्ट टोलीमा परि सकेका छन् । गत वर्ष तत्कालिन मुख्य छनोटकर्ता शाहिद अफ्रिदीले उनलाई टेस्ट टोलीमा मौका दिएका थिए ।

पाकिस्तानको यू१९ टोलीको मुख्य प्रशिक्षकमा पूर्व कप्तान तथा सफल ब्याटर मोहम्मद युसुफ छन् । पाकिस्तानका एक सर्वाधिक सफल ब्याटर युसुफले ९० टेस्ट र २ सय ८८ ओडिआई खेल खेलेका थिए । टेस्टमा २४ शतकका साथ ७ हजार ५ सय ३० रन बनाएका थिए । ओडिआईमा १५ शतकका साथ ९ हजार ७ सय २० रन बनाएका थिए ।

पाकिस्तानको कप्तानी साद बेगले गर्नेछन् । नेपालसँग खेल्नुअघि पाकिस्तान र दुबईको कन्डिसन धेरै मिल्ने उनी बताउँछन् ।

‘हामी खेलेर आएको र यहाँ कन्डिसन धेरै मिल्छ । धेरै मिहिनेतका साथ आएका छौं । त्यसलाई निरन्तरता दिने छौं । राम्रो नतिजा आउनेमा आशा छ । हरेक खेल महत्वपूर्ण छन् । आक्रामक क्रिकेट खेल्ने सोच हुनेछ । युसुफको नाम विश्वलाई थाहा छ । उनी हाम्रो ड्रेसिङ रुममा हुनु गर्वको कुरा हो’, नेपालसँग खेल्नुअघि पाकिस्तानी युवा कप्तान बेगले भनेका छन् ।

पाकिस्तानको टोली :

साद बेग (कप्तान), अहमद हुसेन, अली अस्फन्द, अमिर हसन, अरफत मिन्हास (उपकप्तान), आजन अविस, खुबैब खलिल, नजिब खान, नविद अहमद खान, मोहम्मद हियाजउल्लाह, मोहम्मद तयाब आरिफ, मोहम्मद जिशान, शाहजैब खान, उबैद शाह र शामिल हुसेन ।

February 25, 2024

नेपालको औसत सुरुवात

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत नेदरल्यान्ड्स विरुद्ध जारी अन्तिम खेलमा नेपालले औसत सुरुवात गरेको छ । नेपालले १३ ओभरमा ३ विकेट गुमाएर ५४ रन जोडेको छ । क्रिजमा कुशल भुर्तेल २५ रन जोडेर खेलिरेहका छन् । राम्रो सुरुवात पाएको नेपालले ५ ओभरको अन्तरमा ओपनर आसिफ शेख, अनिल शाह र कुशल मल्लको […]

February 25, 2024

नेपालले टस हार्यो, टोलीमा २ परिवर्तन

काठमाडौं (हाम्रो खेलकुद) – आइसीसी क्रिकेट विश्वकप लिग-२ अन्तर्गत त्रिकोणात्मक सिरिजको अन्तिम खेलमा नेपालले नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो फिल्ड गर्ने निर्णय लिएसँगै नेपालले पहिलो ब्याटिङ गर्ने भएको हो । आज नेपाली टोलीमा दुई परिवर्तन भएको छ । देव खनाल र सोमपाल कामीले विश्राम पाउँदा गुलशन झा र […]

February 24, 2024

एक्सपर्ट भरतपुर मेयर्स कप- अर्किड समूह विजेता

चितवन (हाम्रो खेलकुद)– एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिगमा चरणमा लगातार जितसंगै अर्किड सेकेण्डरी स्कुल सेमिफाइनल प्रवेश गरेको छ । लक्ष्मी माविले सान्त्वना जित निकाल्दै प्रतियोगिताको सुखद अन्त्य गरेको छ । आफ्नो लिग चरणको अन्तिम खेलमा शनिबार इडेन गार्डेन स्कुललाई १ सय ८ रनले पराजित गर्दै समूह ‘बी’को विजेताको रुपमा सेमिफाइनल स्थान सुरक्षित […]

Success

Thank you for your time.