5 months ago
December 12, 2023
काठमाडौं (हाम्रो खेलकुद) – आक्रामक ब्याटर किरण ठगुन्ना र लेग स्पिनर युवराज खत्रीको उत्कृष्ट प्रदर्शनमा लिटल फ्लावर प्रिमियर लिग (एलपिएल) को मंगलबार शुक्लाफांटा ब्ल्याकबक्स फाउन्डेसन र धनगढी क्रिकेट एकेडेमी विजयी भएका छन् । शुक्लाफाँटाले कैलाली जिल्ला क्रिकेट क्लबलाई तथा धनगढीले शारदा सेकेण्डरी स्कुललाई पराजित गर्यो ।
शुक्लाफांटा ब्ल्याकबक्स फाउन्डेसनले कैलाली जिल्ला क्रिकेट क्लबलाई ९० रनले पराजित गर्यो । शुक्लाफाँटाले दिएको १ सय ८४ रनको विशाल विजयी लक्ष्य पछ्याएको कैलालीले १८.४ ओभरमा ९३ रन अल आउट भयो । कैलालीका नरेन साउदले १७ रन बनाउनु बाहेक अन्य ब्याटरले दोहोरो अंकमा रन बनाउन सकेनन् ।
शुक्लाफाँटाको बलिङमा बसन्त खत्री, भारत चन्द र निरञ्जन गौतमले २र२ विकेट लिए । भारत चन्द, कैलाश ऐर, सुशील रावल र विकास ऐरले १र१ विकेट लिए।
यसअघि टस जितेर ब्याटिङ गरेको शुक्लाफाँटा ब्ल्याकबक्स फाउन्डेसनले २० ओभरमा ५ विकेट गुमाएर १ सय ८३ रन बनाएको थियो । शुक्लाफाँटाको लागि दुई ब्याटरले अर्धशतकीय योगदान दिए । प्लेयर अफ द म्याच घोषित किरण ठगुन्नाले ४२ बलमा १० चौका र १ छक्कासहित ७० रन बनाए । बिशाल ऐरले ४३ बलमा ६ चौका र २ छक्का मद्दतले ५४ रन बनाए । लोकेश जोशीले ३७ रन बनाए । कैलाली क्रिकेट क्लबको लागि बिनोद बोहराले ३ विकेट तथा धर्मराज जोशीले २ विकेट लिए।
समुह चरणमा सबै ३ खेल खेल्दा २ जित र १ हार बेहोरेको शुक्लाफांटाले समुह ुएु बाट सेमीफाइनल सम्भावना जिवितै राखेको छ। दुवै खेल जितेको धनगढी स्पोर्ट्स क्लब अन्तिम खेलमा खप्तड इन्डोरसंग पराजित भएको खण्डमा शुक्लाफांटा र धनगढी मध्ये नेट रन रेटमा अघि हुने टिम सेमीफाइनल पुग्नेछ।
आजको दोश्रो खेलमा धनगढी क्रिकेट एकेडेमीले शारदा सेकेण्डरी स्कुललाई ८१ रनले पराजित गर्यो। जितको लागि १ सय ७१ रनको लक्ष्य पछ्याउने क्रममा शारदाले १५.५ ओभरमा ८९ रन मात्र बनायो। धनगढी र शारदा दुवै टिम सेमिफाइनल दौडबाट बाहिरिएका छन् ।
शारदाका लागि अभिषेक मल्लले ४१ र जीवन चन्दले ११ रन बनाउनु बाहेक अन्य ब्याटरले दोहोरो अंकमा रन बनाउन सकेनन्। प्लेयर अफ द म्याच घोषित धनगढी क्रिकेट एकेडेमीका लेग स्पिनर युवराज खत्रीले ३.५ ओभरमा १६ रन खर्चिए ४ विकेट लिए। विजय रानाले २ तथा हिक्मत महरा, मान साउद र निरज ऐरले १र१ विकेट लिए।
यस अघि टस जितेर ब्याटिङ गरेको धनगढी क्रिकेट एकेडेमीले २० ओभरमा ७ विकेट गुमाएर १७० रन बनायो। धनगढीको ब्याटिङ मान साउदले सर्वाधिक ३७ रन बनाए । यस्तै सचिन साउदले ३५, यूवराज खत्रीले २९ तथा विजय रानाले २३ रन बनाए ।
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]
May 6, 2024
काठमाडौं (हाम्रो खेलकुद)- राष्ट्रिय गौरवको आयोजनामा परेको मुलपानी क्रिकेट मैदानको डिजाइन आज युवा तथा खेलकुद मन्त्रालयमा प्रस्तुत गरिएको छ। युवा तथा खेलकुद मन्त्री बिराजभक्त श्रेष्ठ, राष्ट्रिय खेलकुद परिषदका सदस्य सचिव टंक लाल घिसिङ, मन्त्रालयका सचिव सुमनराज अर्याल लगायतको उपस्थितिमा मुलपानी मैदानको डिजाइन र संरचनाको बारेमा पुल्चोक इन्जिनियरिङ कलेजले डिजाइन प्रस्तुत गरेको हो। डिजाइन अनुसार हालको […]
May 6, 2024
काठमाडौं (हाम्रो खेलकुद)– जयकुमारनाथ स्मृति यु १६ अन्तर स्कुल क्रिकेट प्रतियोगितामा सोमबार डिएभी स्कुबलले ग्यालेक्सीलाई ५५ रनले हारएको छ । १ सय १८ रनको विजय लक्ष्य पछ्याएको ग्यालेक्सीले १७.२ ओभरमा सबै विकेट गुमाउँदै ६२ रन मात्र बनाउन सक्यो । ग्यालेक्सका लागि दीपेश गुप्ताले सबैभन्दा बढी ३० रन बनाए । अभय मगरले ७ र अतिफ खानले […]
