default_image

7 months ago

December 19, 2023

आइपिएलमा अष्ट्रेलिया दुई बलरको मूल्य ७२ करोड रुपैयाँ

1966 views

0 Bookmark

एजेन्सी – अष्ट्रेलियाका दुई तीव्र गतिका बलर प्याट कमिन्स र मिचेल स्टार्कले इन्डियन प्रिमियर लिग(आइपिएल) २०२४ मा ७२ करोड नेपाली रुपैयाँ पाउने भएका छन् । विश्वकप विजेता अष्ट्रेलिया बलरमाथि अक्सनमा धनको वर्षा भएपछि दुई खेलाडीले एक सिजनमा कीर्तिमानी ७२ करोड नेपाली रुपैयाँ पाउने भएका हुन् ।

स्टार्कलाई कोलकाता नाइट राइडर्सले २४ करोड ७५ लाख र प्याट कमिन्सलाई सनराइजर्स हैदराबादले २० करोड ५० लाख भारुमा किनेको हो । यी दुई खेलाडीको मूल्य ४५ करोड २५ करोड (७२ करोड २४ लाख नेपाली रुपैयाँ) पाउने भएका छन् ।

स्टार्क आइपिएल इतिहासकै सर्वाधिक मूल्य पाउने खेलाडी हुन् । उनले प्याट कमिन्सको कीर्तिमान तोडेका हुन् । प्याट कमिन्सले २०२३ मा इंग्ल्यान्डका अलराउन्डर साम करनको पन्जाब किंग्सले खर्चिएको १८ करोड ५० लाख रुपैयाँको कीर्तिमान तोडेका थिए । तर कमिन्सको कीर्तिमान केहि घण्टामै स्टार्कले तोडे ।

कमिन्स तीव्र गतिसँगै तल्लोक्रममा आक्रामक ब्याटिङको क्षमता राख्छन् । अघिल्लो महिना अष्ट्रेलियालाई विश्वकप उपाधि जिताउन सानदार कप्तानी गरेका थिए । त्यसैको कारण हैदराबादले महँगो मूल्य खर्चिएको हो । उता स्टार्क २०१५ पछि आइपिएल खेलेका छैनन् । पछिल्लो केहि वर्षयता परिवार र अष्ट्रेलियालाई महत्वमा राख्दै अक्सनमा आफ्नो नाम नै दिएका थिएनन् ।

स्टार्क योर्कर, इन स्वींग, गति र बाउन्सरको लागि चिनिन्छन् । स्टार्कले प्रतिघण्टा १६०.४ किलोमिटरको गतिमा बलिङ गर्ने गर्दछन् । वर्तमान समयमा सबैभन्दा उत्कृष्ट गतीमा बलिङ गर्ने स्टार्कलाई किन्न अक्सनमा धनको वर्षा भएको थियो ।

स्टार्क र कमिन्स दुबैले अन्तर्राष्ट्रिय क्रिकेटमा उत्कृष्ट बलिङ गर्दै आएका छन् । अष्ट्रेलियालाई विश्वकप उपाधि जिताउन सानदार प्रदर्शन गरेपछि अक्सनमा झनै बढी मूल्य पाएका हुन् ।

स्टार्कले अक्सनमा न्यूनतम २ करोड भारु राखेका थिए । सुरुवातमा दिल्ली र मुम्बईबीच प्रतिस्पर्धा भएको थियो । ९ करोड ६० लाखपछि दिल्लीले मूल्य लगाउन छाडेको थियो । त्यसपछि कोलकाताले मूल्य लगाएको थियो । त्यसपछि गुजरात पनि थएिको थियो । ९ करोड ६० लाखपछि दिल्ली र मुम्बई दुबै पछि हटेका थिए ।

त्यसपछि गुजरात र कोलकाताबीच अक्सनमा प्रतिस्पर्धा भएको थियो । त्यसपछि लगातार प्रतिस्पर्धा हुँदा २४ करोड कटेको थियो । २४ करोड ५० लाख सम्म गुजरातले मूल्य लगाएको थियो । तर त्यसपछि गुजरात पछि हटेको थियो ।

प्याट कमिन्सले न्यूनतम २ करोड भारु राखेका थिए । उनलाई किन्न चेन्नई र मुम्बईबीच प्रतिस्पर्धा भएको थियो । ५ करोडमा आएर बेंगलोरले पनि मूल्य लगाएको थियो । चेन्नईले ६ करोड ८० लाखमा पुगेर प्याट कमिन्सलाई छाडेको थियो ।

तर हैदराबाद त्यसपछि अक्सनमा आएको थियो । हैदराबाद र बेंगलोरबीच कडा प्रतिस्पर्धा भएको थियो । तर बेंगलोरले २० करोड २५ लाखपछि मूल्य लगाएन । हैदराबादले २० करोड ५० लाख रुपैयाँमा किनेको हो ।

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.