9 months ago
December 24, 2023
काठमाडौं (हाम्रो खेलकुद) – नेपाल पुलिस क्लबका युवा स्पिनर शेर मल्लको घातक बलिङमा प्रो क्लब टि२० च्याम्पियनसिपमा नेपाल एपिएफ क्लब ५१ रनमा अल आउट भएको छ । पुलिसले ८९ रनको फराकिलो जित हात पारेको छ ।
जितको लागि १ सय ४१ रनको बलियो विजयी लक्ष्य पछ्याएको एपिएफ १३.२ ओभरमा ५१ रनमा अल आउट भयो । एपिएफका प्रदीप ऐरीले २३ बलमा १ चौका र १ छक्कासहित सर्वाधिक २२ रन बनाए ।
एपिएफका १० खेलाडीले दोहोरो अंकमा रन बनाउन सकेनन् । आसिफ शेख ८, हरिशंकर शाह ८, लोकेश बम शून्य, सुमित महर्जन ९, सन्दीप जोरा र अमर सिंह राउटेला १–१ रनमा आउट भए । विपिन खत्री, अभिनाश बोहरा, कमल खत्री र रमेश कुर्मीले खाता खोल्न सकेनन् ।
पुलिसका शेर मल्लले २.२ ओभरमा ३ रन खर्चेर ५ विकेट लिए । ललित राजवंशीले ३ ओभरमा १४ रन खर्चेर २ विकेट लिए । सागर ढकाल र आरिफ शेखले १–१ विकेट लिए ।
त्यसअघि नारायणी क्रिकेट ग्राउन्ड बिरगंजमा टस हारेर पहिला ब्याटिङको निम्तो पाएको पुलिसले निर्धारित २० ओभरमा ६ विकेट गुमाउँदै १ सय ४० रन बनाएको थियो । पुलिसका ओपनर दीलिप नाथले ३८ बलमा ५ चौका र ४ छक्कासहित सर्वाधिक ५६ रन बनाए । सुनिल धमलाले ४३ बलमा ३ चौकासति ३५ तथा शंकर रानाले १७ बलमा २ छक्कासहित २२ रन बनाए ।
अभिनाश बोहराले ४ ओभरमा १२ रन खर्चेर ३ विकेट लिए । रमेश कुर्मीले ४ ओभरमा ३९ रन खर्चेर २ विकेट लिए । कमल खत्रीले ४ ओभरमा १७ रन खर्चेर १ विकेट लिए ।
September 19, 2024
काठमाडौं(हाम्रो खेलकुद) – गुलशन झाको अलराउन्ड प्रदर्शनको बाबजुत नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि ओमानले १ विकेटको जित हात पारेको हो । मंगलबार भएको पहिलो ओडिआईमा पनि नेपाल घरेलु टोलीसँग पराजित भएको थियो । नेपालले दिएको २ सय २१ रनको लक्ष्य […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा नेपालविरुद्ध ब्याटिङ गरिरहेको ओमानको आधा टिम पेभिलियन फर्किएको छ । ओमानका लागि पाँचौ विकेटका रुपमा प्रतिक अथाभाले आउट भएसँगै आधा टिम पेभिलियन फर्किएको हो । अथाभाले करण केसीको बलमा आउट भएका हुन् । उनले ३६ बलमा २६ रन बनाएका थिए । त्यसअघि चौथो विकेटका रुपमा आयान […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा ओमानविरुद्ध नेपालले तेस्रो विकेट लिएको छ । ओमानका कप्तान अकिब इल्यासलाई गुमाएको हो २५औं ओभरको तेस्रो बलमा इल्यास गुलसन झाको बलमा करण केसीबाट समातिएका हुन् । इल्यास ३३ बलमा २९ रन बनाउदै आउट भएका हुन् । त्यसअघि ओमानका ओपनर कश्यप प्रजापतीलाई आरिफ शेखले भाई आसिफ शेखको […]
