default_image

2 months ago

December 24, 2023

कुशलको अलराउन्ड प्रदर्शनमा आर्मी विजयी

काठमाडौं (हाम्रो खेलकुद) – अलराउन्डर कुशल मल्लको अलराउन्ड प्रदर्शनमा त्रिभुवन आर्मी क्लबले प्रो क्लब टि२० च्याम्पियनसिपमा पर्सा क्लब ११ लाई ६६ रनले हराएको छ । जितको लागि १ सय ६० रनको विजयी लक्ष्य पछ्याएको पर्साले निर्धारित २० ओभरमा ८ विकेट गुमाउँदै ९३ रन बनायो । पर्साको लागि कप्तान सन्दीप लामिछानेले ३४ बलमा १ चौका र […]

5579 views

0 Bookmark

काठमाडौं (हाम्रो खेलकुद) – अलराउन्डर कुशल मल्लको अलराउन्ड प्रदर्शनमा त्रिभुवन आर्मी क्लबले प्रो क्लब टि२० च्याम्पियनसिपमा पर्सा क्लब ११ लाई ६६ रनले हराएको छ ।

जितको लागि १ सय ६० रनको विजयी लक्ष्य पछ्याएको पर्साले निर्धारित २० ओभरमा ८ विकेट गुमाउँदै ९३ रन बनायो । पर्साको लागि कप्तान सन्दीप लामिछानेले ३४ बलमा १ चौका र १ छक्कासहित सर्वाधिक ३२ रन बनाए । ओपनर इमरान शेख १८, अनिल शाह शून्य र हसिम हन्सारी १३ रनमा आउट भए ।

आर्मीका कुशल मल्लले ४ ओभरमा १ मेडनसहित १५ रन खर्चेर २ विकेट लिए । साहब आलमले ४ ओभरमा १६ रन खर्चेर ३ विकेट लिए । बसिर अहमदले ४ ओभरमा ११ रन खर्चेर ३ विकेट लिए । राजेश पुलामीले १ विकेट लिए ।

त्यसअघि नारायणी क्रिकेट ग्राउन्ड बिरगंजमा टस हारेर पहिला ब्याटिङको निम्तो पाएको आर्मीले निर्धारित २० ओभरमा ७ विकेट गुमाउँदै १ सय ५९ रन बनाएको थियो ।

आर्मीको जितमा कुशल मल्लले ३९ बलमा ५ चौका र ४ छक्कासहित सर्वाधिक ६३ रनको योगदान दिए । कप्तान विनोद भण्डारी १६ बलमा ३ चौका र १ छक्कासहित २६ र सन्तोष कार्की १६ रनमा आउट भए ।

नेपाली क्रिकेट टोलीका कप्तान रोहित पौडेल १४ बलमा २ चौकासहित १३, भीम सार्की ३, राजेश पुलामी ९, विवेक यादव १२ र सन्दीप रजालीले ७ रन बनाएका थिए ।

पर्साका कप्तान सन्दीप लामिछानेले ४ ओभरमा २५ रन खर्चेर १ विकेट लिए । पवन सरार्फ, नसारुदीन अन्सारी, रन्जित कुमार र रुपेश सिंहले १-१ विकेट लिए ।

प्रतियोगितामा नेपालका तीन विभागीय, पर्सासँगै दुई भारतीय क्लब नोएडा र उत्तर प्रदेश छन् । आर्मी ३ खेलमा ६ अंकका साथ शीर्ष स्थानमा छ । प्रतियोगिता राउन्ड रोविनको आधारमा हुनेछ ।

February 24, 2024

इङ्ल्यान्डविरुद्ध भारतका जैसवालको अर्धशतक

एजेन्सी – इङ्ल्यान्डविरुद्धको चौथो टेस्टको पहिलो इनिङमा भारत १ सय ३४ रनले पछाडि रहेको छ । दोस्रो दिनको खेल सकिदा भारतले पहिलो इनिङमा ७ विकेटको क्षेतिमा २ सय १९ रन बनाएको छ । टस जितेर पहिले ब्याटिङ गरेको इङ्ल्यान्डले पहिलो इनिङमा ३ सय ५३ रन बनाएको थियो । ७ विकेटको क्षेतिमा ३ सय २ रनबाट […]

February 24, 2024

पाँच पोखरी क्रिकेटमा ह्योल्मो र आयोजकको जित

काठमाडौं (हाम्रो खेलकुद) – पाँचपोखरी टी–२० जिल्लास्तरीय क्रिकेट प्रतियोगिताको छैटौँ संस्करण काठमाण्डौको मुलपानीमा शनिबार सुरु भएको छ । पहिलो खेलमा साविक विजेता ह्योल्मो ११ ले चौतारा साँगाचोकगढी नगरपालिकालाई १ सय २७ रनको विशाल रनले हरायो ।ह्योल्मो ११ का लागि खेलको म्यान अफ दी म्याच विनोद तामाङले ७२ रनको अर्धशतकीय पारी खेलेका थिए । दोश्रो खेलमा […]

February 24, 2024

क्यानद्वारा सहयोग रकम हस्तान्तरण

काठमाडौं (हाम्रो खेलकुद)- नेपाल क्रिकेट संघ (क्यान) ले प्रधानमन्त्री दैवी प्रकोप सहायता कोषमा २० लाख रुपैयाँ सहयोग गरेको छ। प्रधानमन्त्री पुष्पकमल दाहाल प्रचण्डलाई शनिबार क्यानका अध्यक्ष चतुरबहादुर चन्द, सचिव पारस खड्का र कोषाध्यक्ष पदम खड्काले रकम हस्तान्तरण गरेका थिए। गत कार्तिक १७ गते जाजरकोट केन्द्रबिन्दु बनाएर गएको भुकम्पले पुर्याएको भुकम्प पिडितको क्षतिको सहयोगार्थ क्यानले आसिसी […]

Success

Thank you for your time.