default_image

2 months ago

December 24, 2023

निरजको उत्कृष्ट प्रदर्शनमा डडेल्धुराको विजयी सुरुवात

विनोद सिंह विष्ट, बैतडी युवा बलर निरज ऐरको उत्कृष्ट बलिङमा डडेल्धुराले प्रधानमन्त्री कप एकदिवसीय राष्ट्रिय क्रिकेट प्रतियोगिता अन्तर्गत सुदूरपश्चिम प्रदेशस्तरीय छनौटमा विजयी सुरुवात गरेको छ । बैतडीमा आइतबार देखी दशरथचन्द क्रिकेट मैदान सुन्दरखालीमा सम्पन्न उद्घाटन खेलमा डडेल्धुराले दार्चुलामाथि २ विकेटको संघर्षपूर्ण जित निकालेको थियो । जितका लागि पाएको ७९ रनको सामान्य लक्ष्य डडेलधुराले १८.२ ओभरमा […]

269 views

0 Bookmark

विनोद सिंह विष्ट, बैतडी

युवा बलर निरज ऐरको उत्कृष्ट बलिङमा डडेल्धुराले प्रधानमन्त्री कप एकदिवसीय राष्ट्रिय क्रिकेट प्रतियोगिता अन्तर्गत सुदूरपश्चिम प्रदेशस्तरीय छनौटमा विजयी सुरुवात गरेको छ ।

बैतडीमा आइतबार देखी दशरथचन्द क्रिकेट मैदान सुन्दरखालीमा सम्पन्न उद्घाटन खेलमा डडेल्धुराले दार्चुलामाथि २ विकेटको संघर्षपूर्ण जित निकालेको थियो ।

जितका लागि पाएको ७९ रनको सामान्य लक्ष्य डडेलधुराले १८.२ ओभरमा ८ विकेटको क्षतिमा भेट्टायो । विशाल ऐरले सर्वाधिक २३ रनको योगदान दिँदै जिताए । दार्चुलाका विरेन बम र दिनेश कार्कीले ३र३ विकेट लिएपनि जितको लागि पर्याप्त भएन ।

त्यसअघि पहिला ब्याटिङ गरेको दार्चुला २१.५ ओभरमा ७८ रनमा अल आउट भयो । उसका दिनेश कार्कीले २४ रनको योगदान गरे। डडेल्धुराका निरज ऐरले ४ विकेट हात पारे। निरज खेलका म्यान अफ द म्याच चुनिए । प्रतियोगिता अन्तर्गत सोमबार दार्चुला र डोटीबीच प्रतिस्पर्धा हुनेछ।

उद्घाटन समारोहमा नेपाल क्रिकेट संघ क्यानका अध्यक्ष चतुरबहादुर चन्द,बैतडीका प्रमुख जिल्ला अधिकारी भीमकान्त शर्मा,सुदूरपश्चिम प्रादेशिक क्रिकेट संघका अध्यक्ष बाशुदेव जोशी लगायतको उपस्थिति रहेको थियोे ।

सुदूरपश्चिम प्रादेशिक क्रिकेट संघको आयोजना तथा बैतडी जिल्ला क्रिकेट संघको सहआयोजनामा प्रतियोगिता सञ्चालन भएको हो। प्रादेशिक क्रिकेट संघले यसवर्षदेखि दुई चरणमा प्रदेश छनौट गरिररहेको छ।

पहिलो चरणमा बैतडीमा प्लेट च्याम्पियनसिप र दोस्रो चरणमा कैलालीमा ईलिट च्याम्पियनसिपका खेलहरू हुनेछन्। प्लेट च्याम्पियनसिपमा दार्चुला,बझाङ,डडेल्धुरा,डोटी तथा ईलिट च्याम्पियनसिपमा बैतडी,कैलाली,कञ्चनपुर र अछाम सहभागी छन् ।

गतवर्षको प्रदेश छनौटमा सेमिफाइनल पुगेका टोलीले सोझै ईलिट च्याम्पियनसिप र सेमिफाइनलमा नपुगेका टोलीले प्लेट च्याम्पियनसिप खेल्न लागेका हुन्।

प्लेट च्याम्पियनसिपको विजेता टोलीले ईलिट च्याम्पियनसिपमा सहभागी हुने सुदूरपश्चिम प्रादेशिक क्रिकेट संघका उपाध्यक्ष रमेश बोहराले बताए ।
ईलिट च्याम्पियनसिपको उद्घाटन खेलमा पुस १४ गते बैतडी र प्लेट च्याम्पियनसिपको विजेता टोलीबीच खेल हुनेछ।

खेलाडीहरूको क्षमता अभिबृद्धिका प्लेट र ईलिट च्याम्पियनसिपको आयोजना गरिएको नेपाल क्रिकेट संघ क्यानका अध्यक्ष चतुरबहादुर चन्दले बताए ।

March 2, 2024

करणलाई पहिलो ओभरमै दुई विकेट

काठमाडौं (हाम्रो खेलकुद) – तीव्र गतिका बलर करण केसीले नेदरल्यान्ड्सविरुद्ध खेलको पहिलो ओभरमै दुई विकेट लिएका छन् । टस जितेर पहिलो ब्याटिङ रोजेको नेदरल्यान्ड्सले पहिलो ओभरमा ४ रन जोडेर २ विकेट गुमायो । करणले चौथो बलमा माइकल लेभिटलाई दिपेन्द्र सिंह ऐरीको बलमा मिड अफमा क्याच गराए । लेभिटले दोस्रो बलमा चौका प्रहार गरेका थिए । […]

March 2, 2024

कुशल प्लेइङ-११ मा फर्किए

काठमाडौं (हाम्रो खेलकुद) – ओपनर कुशल भुर्तेल त्रिकोणात्मक टि२०आई सिरिजअन्तर्गत नेदरल्यान्ड्सविरुद्ध पाँचौ खेलमा नेपालको प्लेइङ-११ मा फर्केका छन् । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

March 2, 2024

नेपालले टस हार्यो

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२० सिरिजको पाँचौ खेलमा नेदरल्यान्ड्सविरुद्ध टस हारेको छ । नेदरल्यान्ड्सका कप्तान स्कट एडवार्ड्सले टस जितेर पहिलो ब्याटिङ गर्ने निर्णय लिएका छन् । नेपालले पहिलो फिल्डीङ गर्नेछ । नेपालले आजको खेलमा १ परिवर्तन गरेको छ । अनिल शाहको स्थानमा कुशल भुर्तेल टोलीमा आएका छन् । आजको […]

Success

Thank you for your time.