7 months ago
December 27, 2023
एजेन्सी – घरेलु टोली न्युजिल्यान्ड पहिलो टि२० आई खेलमा बंगलादेशसँग ५ विकेटले पराजित भएको छ । योसँगै तीन टि२० आई खेलको सिरिजमा बंगलादेशले १–० को अग्रता लिएको छ ।
जितको लागि १ सय ३५ रनको विजयी लक्ष्य पछ्याएको बंगलादेशले १८.४ ओभरमा ५ विकेट गुमाउँदै पूरा गर्यो । बंगलादेशको जितमा ओपनर लिटन दास ३६ बलमा २ चौका र १ छक्कासहित सर्वाधिक ४२ रनमा अविजित रहे ।
सौम्य सरकार २२, नाज्मुल हसन सान्टो १९, रोनी तलुकदार १०, मेहेदी हसन र तौहिद हृदोय १९–१९ रन बनाए । न्युजिल्यान्डका टिम साउथी, एडम मिल्ने, जेम्श निसम, बेन सियर्स र मिचेल सान्टनारले समान १–१ विकेट लिए ।
त्यसअघि टस हारेर पहिला ब्याटिङको निम्तो पाएको न्युजिल्यान्डले निर्धारित २० ओभरमा ९ विकेट गुमाउँदै १ सय ३४ रन बनायो । न्युजिल्यान्डका जेम्श निसमले २९ बलमा ४ चौका र ३ छक्कासहित सर्वाधिक ४८ रन बनाए ।
फिन एलेन १, टिम सिफर्ट शून्य, डर्याल मिचेल १४, ग्लेन फिलिप्स शून्य, मार्क च्यापम्यान १९, कप्तान मिचेल सान्टनार २३ र एडम मिल्नेले १६ रन बनाए ।
बंगलादेशका शोरिफुल इस्लामले ४ ओभरमा २६ रन खर्चेर ३ विकेट लिए । मेहेदी हसनले ४ ओभरमा १४ रन खर्चेर २ विकेट लिए । मुश्ताफिजुर रहमानले दुई, तान्जिम हसन सकिब र रिशाद हसनले १–१ विकेट लिए । दोस्रो खेल शुक्रबार र तेस्रो तथा अन्तिम खेल आइतबार हुनेछ ।
July 27, 2024
काठमाडौं (हाम्रो खेलकुद) – क्यानडामा जारी ग्लोबल टि ट्वान्टी लिगमा नेपाली क्रिकेट टोलीका अलराउन्डर दीपेन्द्रसिंह ऐरी र लेग स्पिनर सन्दीप लामिछानेआबद्ध टोलीले दोस्रो खेल खेल्नेछ । दीपेन्द्र र सन्दीपआबद्ध भेनकुवर नाईट्सले दोस्रो खेल आज खेल्दैछ । भेनकुवरले दोस्रो खेलमा बंगाल टाईगर्सको सामना गर्दैछ । भेनकुवर र बंगालबीचको खेल क्यानडाको सिएए सेन्टर, ब्राम्पटनमा नेपाली समय अनुसार […]
July 27, 2024
एजेन्सी – स्कटल्यान्डले विश्वकप लिग टु सिरिज अन्तर्गतको खेलमा नामिबियामाथि सहज जित हात पारेको छ । आइसीसी क्रिकेट विश्वकप लिग टु सिरिज अन्तर्गत स्कटल्यान्डमा जारी ओमान, नामिबिया र घरेलु टोलीबीचको त्रिकोणात्मक सिरिजको छैटौं खेलमा स्कटल्यान्डले १ सय ३८ रनको फराकिलो जित हात पारेको हो । स्कटल्यान्डले दिएको ३ सय २ रनको लक्ष्य पछ्याएको नामिबिया ४०.१ […]
July 27, 2024
एजेन्सी – वेस्ट इन्डिज र इंग्ल्याण्डबीचको तेस्रो तथा अन्तिम टेस्टको पहिलो दिन शुक्रबार १३ विकेट खसेको छ । पहिलो दिन टस जितेर ब्याटिङ गरेको वेस्ट इण्डिज अलआउट हुँदै २ सय ८२ रन मात्र जोड्न सक्यो । वेस्ट इण्डिजका लागि ओपनर तथा कप्तान क्रेग ब्रेथवेटले ८६ बलमा सर्वाधिक ६१ रन बनाउँदा ८ चौका प्रहार गरे । […]