default_image

2 months ago

December 28, 2023

रुविना र काजोलको अर्धशतकमा कोशी प्लेअफमा

काठमाडौं (हाम्रो खेलकुद) – ओपनर तथा कप्तान रुविना क्षेत्री बेलबासे र विकेटकिपर काजोल श्रेष्ठको अर्धशतकमा कोशी प्रदेशले प्रधानमन्त्री कप महिला टि२० राष्ट्रिय प्रतियोगितामा सुदूरपश्चिम प्रदेशलाई ८ विकेटले हराएको छ । पाँचौं जितका साथ कोशीले प्लेअफ पक्का गरेको छ । त्यस्तै शीर्ष दुईमा रहँदै क्वालिफायर खेल्ने सम्भावना मजबुत बनाएको छ । जितको लागि १ सय १९ […]

512 views

0 Bookmark

काठमाडौं (हाम्रो खेलकुद) – ओपनर तथा कप्तान रुविना क्षेत्री बेलबासे र विकेटकिपर काजोल श्रेष्ठको अर्धशतकमा कोशी प्रदेशले प्रधानमन्त्री कप महिला टि२० राष्ट्रिय प्रतियोगितामा सुदूरपश्चिम प्रदेशलाई ८ विकेटले हराएको छ । पाँचौं जितका साथ कोशीले प्लेअफ पक्का गरेको छ । त्यस्तै शीर्ष दुईमा रहँदै क्वालिफायर खेल्ने सम्भावना मजबुत बनाएको छ ।

जितको लागि १ सय १९ रनको बलियो विजयी लक्ष्य पछ्याएको कोशीले १७.४ ओभरमा २ विकेट गुमाउँदै पूरा गर्यो । कोशीको जितमा रुविना ५५ बलमा ८ चौका र १ छक्कासहित ५१ रनमा अविजित रहिन् । काजोल श्रेष्ठ ४८ बलमा ८ चौकासहित ५४ रनमा आउट भइन् ।

पहिलो विकेटका लागि काजोल र रुविनाले १ सय १८ रनको शतकीय साझेदारी गरेका थिए । बिमला महला ४ रनमा अविजित रहिन् । सुदूरको लागि अनु कडायतले ३.४ ओभरमा १९ रन खर्चेर २ विकेट लिइन् ।

त्यसअघि टियु क्रिकेट मैदानमा टस हारेर पहिला ब्याटिङको निम्तो पाएको सुदूरले निर्धारित २० ओभरमा ३ विकेट गुमाउँदै १ सय १८ रन बनाएको थियो ।

सुदूरको लागि ओपनर विन्दु रावलले ३९ बलमा ५ चौकासहित सर्वाधिक ३३ रन बनाइन् । सम्झना खड्का ३१ बलमा ३ चौकासहित २७, रुवि पोदार २, कविता जोशी २६ र रेवती धामीले २० रन बनाइन् । कोशीकी सबनम राई र अप्सरी बेगमले समान एक विकेट लिइन् ।

एपिएफ ५ खेलमा १० अंकका साथ शीर्ष स्थानमा छ । कोशी ६ खेलमा ५ मा जित र १ मा हारसहित १० अंकका साथ दोस्रो स्थानमा छ । सुदूर ६ खेलमा ४ मा जित र २ मा हारसहित ८ अंकका साथ तेस्रो स्थानमा छ ।

बागमती ५ खेलमा ३ मा जित र २ मा हारसहित ६ अंकका साथ चौथो स्थानमा छ । ८ टोली सहभागी प्रतियोगिता शीर्ष चार टोली प्लेअफमा पुग्नेछन् । शीर्ष दुई टोलीले सोझै क्वालिफायर खेल्न पाउनेछन् । क्वालिफायरमा पराजित हुने टोलीले अर्को फाइनल खेल्ने अवसर पाउनेछ ।

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

February 22, 2024

क्यानडा-११ ले टस जित्यो

काठमाडौं (हाम्रो खेलकुद) – नेपाल ‘ए’ र क्यानडा-११ बीच जारी एकदिवसीय सिरिजको निर्णायक खेलमा क्यानडा-११ ले टस जितेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिएका छन् । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी भएका कारण उपस्थित नहुँदा […]

February 21, 2024

कचनकवल अन्तरपालिका क्रिकेटको फाइनलमा

हिमाल खरेल, बिर्तामोड कचनकवल गाउँपालिका प्रथम झापा जिल्ला अन्तरपालिका टि–२० पुरुष क्रिकेट प्रतियोगिताको फाइनल प्रवेश गरेको छ । बर्खा स्मृति प्रतिष्ठान बुद्धशान्तिको आयोजनामा बुधबार भएको प्रतियोगिताको पहिलो सेमिफाइनलमा मेचीनगर नगरपालिकालाई ५ विकेटले हराउँदै कचनकवल अन्तिम दुईमा पुगेको हो । पहिले ब्याटिङ राजेको मेचीनगर निर्धारित २० ओभरमा १३.२ ओभरमा अलआउट हुँदै ८९ रन बनाएको थियो । […]

Success

Thank you for your time.