7 months ago
January 3, 2024
काठमाडौं (हाम्रो खेलकुद) – मध्यक्रमका ब्याटर रोविन जोशीको उत्कृष्ट प्रदर्शनमा काठमाडौंले बागमती प्रदेश छनोटमा भक्तपुरलाई १ सय ९१ रनको विशाल अन्तरले हराएको छ । त्यस्तै अर्को खेलमा चितवनले मकवानपुरलाई ७ विकेटले हराउँदै सेमिफाइनलमा पुगेको छ ।
जितको लागि ३ सय ५ रनको विशाल विजयी लक्ष्य पछ्याएको भक्तपुर २८ ओभरमा १ सय १३ रनमा अल आउट भयो । भक्तपुरका लागि अभिनाश बश्याल ३६ बलमा ४ चौकासहित सर्वाधिक २५ रनमा नट आउट रहे । काठमाडौंका सोनु देवकोटाले चार, मनोज यादवले तीन, प्रतिश जि.सीले दुई र राकेश कर्णले १ विकेट लिए ।
त्यसअघि तल्लोमुलपानी क्रिकेट मैदानमा टस हारेर पहिला ब्याटिङको निम्तो पाएको काठमाडौंले ४० ओभरमा ३ सय ४ रनमा सबै विकेट गुमाएको थियो । रोविन जोशीले ७५ बलमा १२ चौका र २ छक्कासहित सर्वाधिक ९५ रन बनाए ।
हरि चौहानले ५५ बलमा ८ चौका र १ छक्कासहित ६०, इशान पाण्डे २८, रित गौतम २३, राकेश कुमार कर्ण २९, शरद भेषावकर ४ र सोनु देवकाटाले ३१ रन बनाए । सोनुले १२ बलमा ४ छक्का हानेका थिए ।
भक्तपुरका धिरेन्द्र कुमार बस्नेतले तीन, कृष कार्कीले दुई, विज्ञान गौतम, सुवास खत्री, अभिनाश बश्याल र केशव साउदले १–१ विकेट लिए ।
उता चितवनको भरतपुरमा जारी समूह बी को खेलमा चितवनले ६२ रनको सामान्य लक्ष्य १४.५ ओभरमा ३ विकेट गुमाउँदै पूरा गर्यो । चितवनको जितमा सुर्यांशु कोइराला १६, रोशन झा १३ र गौतम केसीले १८ रन बनाए । मकवानपुरका पियुश शर्मा र साकार गजुरेलले १–१ विकेट लिए ।
त्यसअघि गौतम बुद्ध रंगशालाको नमुना मैदानमा टस हारेर पहिला ब्याटिङको निम्तो पाएको मकवानपुर २४.५ ओभरमा ६१ रनमा अल आउट भयो । उसका लागि शुभ कंस्कार र सुमन सुनारले ११–११ रन बनाए । बागमतीका कृर्जन गुरुङले ४, नरेश र डानिस इकबालले २–२ विकेट लिए ।
July 27, 2024
एजेन्सी – स्कटल्यान्डले विश्वकप लिग टु सिरिज अन्तर्गतको खेलमा नामिबियामाथि सहज जित हात पारेको छ । आइसीसी क्रिकेट विश्वकप लिग टु सिरिज अन्तर्गत स्कटल्यान्डमा जारी ओमान, नामिबिया र घरेलु टोलीबीचको त्रिकोणात्मक सिरिजको छैटौं खेलमा स्कटल्यान्डले १ सय ३८ रनको फराकिलो जित हात पारेको हो । स्कटल्यान्डले दिएको ३ सय २ रनको लक्ष्य पछ्याएको नामिबिया ४०.१ […]
July 27, 2024
एजेन्सी – वेस्ट इन्डिज र इंग्ल्याण्डबीचको तेस्रो तथा अन्तिम टेस्टको पहिलो दिन शुक्रबार १३ विकेट खसेको छ । पहिलो दिन टस जितेर ब्याटिङ गरेको वेस्ट इण्डिज अलआउट हुँदै २ सय ८२ रन मात्र जोड्न सक्यो । वेस्ट इण्डिजका लागि ओपनर तथा कप्तान क्रेग ब्रेथवेटले ८६ बलमा सर्वाधिक ६१ रन बनाउँदा ८ चौका प्रहार गरे । […]
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]