default_image

2 months ago

January 13, 2024

अनिलको उत्कृष्ट ब्याटिङमा मधेशको विजयी सुरुवात

काठमाडौं (हाम्रो खेलकुद) – विकेटकिपर अनिल कुमार शाहको उत्कृष्ट ब्याटिङमा मधेश प्रदेशले प्रधानमन्त्री कप एकदिवसीय राष्ट्रिय प्रतियोगितामा कोशी प्रदेशलाई ७ विकेटले हराउँदै विजयी सुरुवात गरेको छ । जितको लागि १ सय २८ रनको सामान्य लक्ष्य पछ्याएको मधेशले २०.१ ओभरमा ३ विकेट गुमाउँदै पूरा गर्यो । मधेशको जितमा अनिल कुमार शाहले ५४ बलमा १४ चौका र […]

1542 views

0 Bookmark

काठमाडौं (हाम्रो खेलकुद) – विकेटकिपर अनिल कुमार शाहको उत्कृष्ट ब्याटिङमा मधेश प्रदेशले प्रधानमन्त्री कप एकदिवसीय राष्ट्रिय प्रतियोगितामा कोशी प्रदेशलाई ७ विकेटले हराउँदै विजयी सुरुवात गरेको छ ।

जितको लागि १ सय २८ रनको सामान्य लक्ष्य पछ्याएको मधेशले २०.१ ओभरमा ३ विकेट गुमाउँदै पूरा गर्यो । मधेशको जितमा अनिल कुमार शाहले ५४ बलमा १४ चौका र ३ छक्कासहित ८८ रनको आक्रामक इनिङ खेले ।

हरिशंकर शाह ३३ बलमा ४ चौकासहित २४, मयन यादव १, पवन सरार्फ २ र निरज यादवले ९ रन बनाए । कोशीका सोनु मण्डलले २ र सुजन थपालियाले १ विकेट लिए ।

त्यसअघि मुलपानी क्रिकेट मैदानमा टस हारेर पहिला ब्याटिङको निम्तो पाएको कोशी ४१ ओभरमा १ सय २७ रनमा अल आउट भएको थियो ।

कोशीका लागि ओपनर तथा कप्तान अंकित सुवेदीले ५० बलमा ७ चौकासहित ४० रनको योगदान दिए । फिर्दोस अन्सारीले ७१ बलमा २ चौका र १ छक्कासहित ४१ रन बनाए । कोशीका अन्य कुनैपनि ब्याटरले दोहोरो अंकमा रन बनाउन सकेनन् ।

सोनु अन्सारी डक, मिनाश थापा १, आशिष भट्टराई २, सुजन थपालिया ३, सुभन गहतराजले ९ र सोनु मण्डलले ६ रन बनाए । मधेशका प्रदीप पासपानले ७ ओभरमा १ मेडनसहित १५ रन खर्चेर ३ विकेट लिए । पवन सरार्फ, राजेश यादव र रन्जित कुमारले २-२ विकेट लिए ।

१० टोली सहभागी प्रतियोगिता राउन्ड रोविनको आधारमा हुनेछ । शीर्ष दुई टोलीले फाइनल खेल्नेछन् । शीर्ष चार टोलीले इलिट टर्फी खेल्न पाउनेछन् । खेलहरु टियु, मुलपानी र भैरहवामा हुनेछन् । मधेशले सोमबार आर्मीसँग खेल्नेछ । कोशीले मुलपानीमा एपीएफसँग खेल्नेछ ।

February 29, 2024

लेभिटको शतकमा नेदरल्यान्ड्सको कीर्तिमानी योगफल

काठमाडौं (हाम्रो खेलकुद) – युवा ओपनर माइकल लेभिटको शतकमा नेदरल्यान्ड्सले त्रिकोणात्मक टि२० सिरिजको तेस्रो खेलमा नामिबियाविरुद्ध कीर्तिमानी योगफल खडा गरेको छ । टस जितेर ब्याटिङ रोजेको नेदरल्यान्ड्सले निर्धारित २० ओभरमा ५ विकेट गुमाएर २ सय ४७ रन जोड्यो । लेभिटले ६२ बलमा ११ चौका र १० छक्कासहित १ सय ३५ रन जोड्यो । त्यस्तै साइब्रान्ड […]

February 29, 2024

‘सो क्लोज एट सो फार’

काठमाडौं (हाम्रो खेलकुद) – नेपाल र नेदरल्यान्ड्सबीच त्रिकोणात्मक सिरिजको दोस्रो खेलमा विहीबार नेपाललाई एक समय जितको लागि १८ बलम ४८ रन आवश्यक थियो । प्रति ओभर १६ रन चाहिएको अवस्थाबाट दीपेन्द्रसिंह ऐरीले खेल ४ बलमा ५ रन आवश्यकको स्थितिमा ल्याए । तर अन्त्यमा नेपाल २ रनले खेल हार्न पुग्यो । लिग-२ अन्तर्गतको ओडीआई सिरिजमा ३ […]

February 28, 2024

वाल्मीकि र अर्डिक एक्सपर्ट भरतपुर मेयर्स कपको फाइनलमा

चितवन (हाम्रो खेलकुद) – वाल्मीकि शिक्षा सदन र अर्किड स्कुल एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको उपाधिका लागि भिड्ने भएका छन् । भरतपुरस्थित गौतमबुद्ध अन्तर्राष्ट्रिय क्रिकेट रंगशालाको नमुना मैदानमा आज (बुधबार) भएका सेमिफाइनलका खेलहरुमा सहज जित निकाल्दै वाल्मीकि र अर्किड फाइनलमा पुगेका हुन् । पहिलो सेमिफाइनलमा वाल्मीकिले सनराइज इङलिस स्कुललाई १८ रनले पराजित ग¥यो […]

Success

Thank you for your time.