default_image

6 months ago

January 18, 2024

कुशल र साहबको उत्कृष्ट प्रदर्शनमा आर्मीको सहज जित

1245 views

0 Bookmark

काठमाडौं (हाम्रो खेलकुद) – स्पिनर साहब आलम र कुशल मल्लको उत्कृष्ट प्रदर्शनमा त्रिभुवन आर्मी क्लबले प्रधानमन्त्री कप एकदिवसीय राष्ट्रिय प्रतियोगितामा कोशी प्रदेशलाई ९ विकेटले हराएको छ । जितको लागि ८९ रनको सामान्य लक्ष्य पछ्याएको आर्मीले ९.५ ओभरमा १ विकेट गुमाउँदै पूरा गर्यो ।

आर्मीको जितमा कुशल मल्ल ७ बलमा ४ चौका र १ छक्कासहित २२ रनमा नट आउट रहे । त्यस्तै सन्तोष कार्की २७ बलमा ६ चौका र १ छक्कासहित ३२ रनमा नट आउट रहे । ओपनर इमरान शेख २५ बलमा ५ चौका र १ छक्कासहित ३२ रन बनाए । कोशीका सुजन थपलियाले एक विकेट लिए ।

त्यसअघि मुलपानी क्रिकेट मैदानमा टस हारेर पहिला ब्याटिङको निम्तो पाएको कोशी २४.४ ओभरमा ८८ रनमा अल आउट भएको थियो ।

कोशीका कप्तान अंकित सुवेदीले ३७ बलमा ९ चौकासहित सर्वाधिक ४१ रन बनाए । कोशीका १० खेलाडीले दोहोरो अंकमा रन बनाउन सकेनन् । पाँच खेलाडीले खाता खोल्न सकेनन् ।

ओपनर फिर्दोस अन्सारी तेस्रो बलमै सोमपाल कामीको बलमा क्याच आउट भए । समिर कार्कीलाई विवेक यादवले ६ रनमा बोल्ड गरेपछि २४–२ को अवस्थामा पुगेको थियो । तेस्रो विकेटका लागि अंकित र सुजन थपलियाले ४६ रनरको साझेदारी गरेपछि कोशी एक समय १२।१ ओभरमा ७०–२ को अवस्थामा थियो ।

बाँकी १८ रन जोड्न ८ विकेट गुमाएपछि कोशी ८८ रनमा अल आउट भयो । आर्मीका साहब आलमले ६.४ ओभरमा ३ मेडनसहित १४ रन खर्चेर ६ विकेट लिए । कुशल मल्लले ५ ओभरमा ३ मेडनसहित २ रन खर्चेर २ विकेट लिए । सोमपाल कामी र विवेक यादवले १–१ विकेट लिए ।

आर्मी अघिल्लो दिन मुलपानीमा बागमतीसँग तीन विकेटले स्तब्ध भएको थियो । आर्मीले पहिलो खेलमा मधेश प्रदेशलाई १ सय २६ रनले हराएको थियो । कोशीको यो लगातार चौथो हार हो ।

July 12, 2024

क्रिकेटर आसिफ इलाइट मुभर्सको ब्रान्ड एम्बासडर

काठमाडौं (हाम्रो खेलकुद)- नेपाली क्रिकेट टोलीका विकेटकिपर तथा ओपनर ब्याटर आसिफ सेख इलाइट मुभर्स एजुकेसन कन्सल्टेन्सीको ब्राण्ड एम्बासडरमा अनुबन्धित भएका छन्। इलाइटले शुक्रबार पत्रकार सम्मेलन आयोजना गर्दै आसिफसँग आफ्नो सद्भावना दुतको रुपमा सम्झौता गरेको हो । आसिफले इलाइटको ब्रान्ड एम्बासडर बनेकोमा खुसी व्यक्त गरे। उनले खेलाडीको मनोबल बढाउनको लागि इलाइटले चालेको कदम प्रति आभारी रहेको […]

July 12, 2024

एन्डरसनको अन्तिम टेस्टमा इङ्ल्यान्डको जित

एजेन्सी – टेस्ट क्रिकेटमा सर्वाधिक विकेट लिने तेस्रा बलर जेम्स एन्डरसनको बिदाइ खेलका रुपमा रहेको वेस्ट इन्डिज विरुद्धको टेस्ट इङ्ल्यान्डले एक इनिङ १ सय १४ रनको जित निकालेको छ । दोस्रो इनिङमा वेस्ट इण्डिज १ सय ३६ रनमा अल आउट भएपछि इल्यान्डले शुक्रबार फराकिलो जित हासिल गरेको थियो। पहिलो इनिङमा वेस्ट इन्डिजले १ सय २१ […]

July 10, 2024

दोस्रो अभ्यास खेलमा पनि नेपाली टोली पराजित

काठमाडौं (हाम्रो खेलकुद) – एसिसि महिला एशिया कपका लागि श्रीलंका पुगेको नेपाली राष्ट्रिय महिला क्रिकेट टोली दोस्रो अभ्यास खेलमा पनि पराजित भएको छ । बुधवार भएको खेलमा नेपाल श्रीलंका बोर्ड महिला विकास टोली विरुद्ध ४ विकेटले पराजित भएको हो । नेपालले दिएको १०७ रनको लक्ष्य घरेलु टोलीले १ बल बाँकी छँदा ६ विकेट गुमाएर भेटायो […]

Success

Thank you for your time.