default_image

1 month ago

January 22, 2024

नेपालले न्युजिल्यान्डसँग हार्नुका ५ कारण

काठमाडौं (हाम्रो खेलकुद) – दक्षिण अफ्रिका जारी आइसीसी यू-१९ विश्वकप अन्तर्गत आइतबार नेपालले पहिलो खेलमा न्युजिल्यान्डसँग ६४ रनको हार बेहोर्यो । न्युजिल्यान्डले प्रस्तुत गरेको ३ सय ३ को लक्ष्य पछ्याउने क्रममा नेपालले पूरा ५० ओभर खेल्दै ९ विकेटको क्षतिमा २ सय ३८ रन जोड्यो । नेपालका लागि ओपनर अर्जुन कुमालले ९० रनको योगदान दिए । […]

5734 views

0 Bookmark

काठमाडौं (हाम्रो खेलकुद) – दक्षिण अफ्रिका जारी आइसीसी यू-१९ विश्वकप अन्तर्गत आइतबार नेपालले पहिलो खेलमा न्युजिल्यान्डसँग ६४ रनको हार बेहोर्यो । न्युजिल्यान्डले प्रस्तुत गरेको ३ सय ३ को लक्ष्य पछ्याउने क्रममा नेपालले पूरा ५० ओभर खेल्दै ९ विकेटको क्षतिमा २ सय ३८ रन जोड्यो ।

नेपालका लागि ओपनर अर्जुन कुमालले ९० रनको योगदान दिए । उता न्युजिल्यान्डका स्नेहिथ रेड्डीले १ सय ४७ रनको आक्रामक इनिङ खेलेपछि नेपालको हातबाट खेल फुत्किएको थियो । कप्तान ओस्कार ज्याक्सन र रेड्डीबीच चौथो विकेटका लागि भएको साझेदारी नै खेलमा टर्निङ पोइन्ट बन्न पुग्यो ।

खेलका ५ कारण जसले खेल न्युजिल्यान्डको पक्षमा मोडियो :

अनुभवी खेलाडीबाट सोचेजस्तो प्रदर्शन नहुनु

गुलशन झा हालको यू-१९ टोलीमा सबैभन्दा अनुभवी खेलाडी हुन् । बलिङमा गुलशनले पावर प्लेमा विपक्षीलाई दबाबमा राखेपनि विकेट निकाल्न सकेनन् । पहिल पावरप्लेमा विकेट नआउँदा न्युजिल्यान्डको मनस्थिति बलियो बनेको थियो । गुलशनले डेथ ओभरमा पनि सोचेजस्तो बलिङ गर्न सकेनन् । ४४ औं ओभरमा लगातार बलमा क्याच आउट गराउनु बाहेक गुलशनले संघर्ष नै गरे ।

अर्कोतर्फ सिनियर टोलीका लागि समेत उत्कृष्ट इनिङ खेल्दै आएका उनीसँग न्युजिल्यान्डविरुद्ध ब्याटिङमार्फत नेपाललाई खेलमा टिकाउने राम्रो अवसर थियो । तर उनी लामो सट खेल्ने धुनमा आउट भए । अर्कोतर्फ अर्जुन ले सम्हालिएको इनिङ खेल्दै रन जोडिरहेको अवस्थामा गुलशनले विकेट जोगाएर उनलाई साथ दिनुपर्ने थियो ।

त्यसो त कप्तान देव खनाल पनि त्यस्तै अवस्थामा आउट भए । विपक्षी कप्तानको ओभरमा बाउन्ड्री लगाइसकेको अवस्थामा उनी अर्को ठूलो सट खेल्न खोज्दा क्याच आउट भए । फ्रन्ट फुटमा राम्रो चौका प्रहार गरेका उनी ब्याक फुटमा भने ब्याट ढिलो चलाउँदा मिड अनमा क्याच भए ।

शीर्षक्रम चल्न नसक्नु

दीपक बोहोरा र अर्जुन लामो समयदेखि इनिङ सुरुवात गर्दै आएका छन् । दीपकले खाता नखोली पेभेलियन फर्केपछि आकाश पनि लामो समय क्रिजमा टिक्न सकेनन् । न्युजिल्यान्डका ब्याटरले पावर प्लेमा विकेट जोगाएर पछि आउने ब्याटरलाई आक्रमण गर्न ठाउँ छोडेका थिए । तर दीपकको विकेटपछि आकाश पनि ठूलो सट खेल्ने धुनमै क्याच आउट हुन पुगे ।

अर्जुनले १४ रनमा खेल्दा क्याच छुटेर जीवनदान पाएपछि कुनै जोखिम नलिई खेलिरहे । मध्यक्रममा उत्तम रंगु इनिङ बचाउने छविका खेलाडी भएपनि उनी लामो समय क्रिजमा टिकेनन् ।

डेथ ओभरमा कमजोर बलिङ

नेपालको सिनियर टोलीले भोगिरहेको डेथ ओभर बलिङ समस्या युवा टोलीमा पनि देखियो । नेपालले अन्तिम १० ओभरमा ९९ रन खर्चेको थियो । अन्तिम १० मध्ये ६ ओभरमा नेपालले १० भन्दा माथि रन दियो ।

गुलशनले नै ४७ औं ओभरमा १७ र २९ औं ओभरमा १० रन खर्चन पुगे । ४६ औं ओभरमा आकाश चन्दले वाइड र नो बल फ्याँकेपछि कप्तान देवले अन्तिम दुई ओभर स्पिनर सुभाषलाई गर्न लगाए । अन्त्यतिर कमजोर फिल्डिङका कारण पनि नेपाल पकड जमाउन असमर्थ रह्यो ।

ठूलो साझेदारी तोड्न नसक्नु

न्युजिल्यान्डको इनिङ बलियो योगफलतर्फ पुग्दा ३ साझेदारी निकै महत्त्वपूर्ण रहे । पहिलो विकेटका लागि ५३ रनको साझेदारी बनेपछि नेपाल लगातार ३ विकेट लिंदै खेलमा फर्किएको थियो । तर त्यसपछि अर्को विकेटका लागि भने नेपालले २७ ओभर बिना विकेट बलिङ गर्यो ।

रेड्डी र ज्याकसनले विकेट मात्र बचाएनन्, झन्डै प्रति बल रनको गतिमा खेल्दै नेपालबाट खेल लगे । १ सय ६४ बलमा १ सय ५७ रन जोडेपछि नेपाल दबाबमा थियो । कप्तान देवले यसक्रममा ७ बलर प्रयोग गरे । र पार्ट टाइम बलर आकाश त्रिपाठीले नेपाललाई विकेट पनि दिलाए ।

पुन: लगातार ३ विकेट लिँदै खेलमा पुनरागमन गर्ने अवसर नेपालसँग थियो । तर त्यसमा पनि नेपाल चुक्यो । डेथ ओभरमा रेड्डीले आक्रमण गर्दै थोम्प्सनसँग ३१ बलमा ४९ रनको साझेदारी गरे । जमेको साझेदारी तोड्न नसक्नु नेपालको लागि तगारो बन्यो ।

कमजोर फिल्डिङ

नेपालको फिल्डिङ न्युजिल्यान्डविरुद्ध खेलको सबैभन्दा बिर्सनलायक पक्ष थियो । क्याच त ड्रप भए नै, नेपालले ओभर थ्रोमा रन खर्चेर पनि राम्रो माहोल बनाउन सकेन । खेलको सुरुवाती समयमा नै ओभर थ्रोमार्फत ५ रन गएपछि नेपालको फिल्डमा बडी ल्यांग्वेज राम्रो भएन ।

आकाश त्रिपाठीले पावरप्लेमै पाएको क्याचको ५०-५० अवसर सदुपयोग गर्न सकेनन् । कप्तानले क्याच छोडेपछि दिएको भावले पनि नेपालको संघर्ष प्रष्ट देख्न सकिन्थ्यो । ओभर थ्रोमा रन खर्चनु, क्याच समाउन नसक्नु र ३० यार्ड भित्र छरितो देखिने नेपाल त्यसमा खरो उत्रन नसक्दा नेपालले मोमेन्टम गुमाउन पुग्यो ।

February 22, 2024

नेपाल ‘ए’ लाई हराउँदै क्यानडा-११ ले जित्यो सिरिज

काठमाडौं (हाम्रो खेलकुद) – क्यानडा-११ ले नेपाल ‘ए’ विरुद्ध जारी एकदिवसीय सिरिज जितेको छ । तेस्रो खेलमा ४ विकेटको जितका साथ क्यानडा-११ ले सिरिज आफ्नो पक्षमा पारेको हो । मुलपानी क्रिकेट मैदानमा नेपालले प्रस्तुत गरेको १ सय ८२ रनको लक्ष्य क्यानडाले ३९ औं ओभरमा ६ विकेट गुमाएर पूरा गर्यो । क्यानडाका लागि निकोलस किर्तनले अर्धशतक […]

February 22, 2024

क्यानडा-११ लाई नेपाल ए को सामान्य लक्ष्य

काठमाडौं (हाम्रो खेलकुद) – एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको सामान्य योगफल खडा गरेको छ । मुलपानी क्रिकेट मैदानमा पहिलो ब्याटिङको निम्तो पाएको नेपालले ४७ औं ओभरमा अलआउट हुँदै १ सय ८१ रन जोड्यो । नेपालका ७ ब्याटरले १९ रनभन्दा माथि जोडेपनि कसैले ३० […]

February 22, 2024

आशुतोष र सुजनसहित नेपाल ‘ए’ को ४ परिवर्तन

काठमाडौं (हाम्रो खेलकुद) – नेपाल ‘ए’ ले क्यानडा-११ विरुद्ध जारी एकदिवसीय सिरिजको तेस्रो तथा निर्णायक खेलमा ४ परिवर्तन गरेको छ । क्यानडा-११ का कप्तान साद बिन जफरले टस जितेर फिल्ड गर्ने निर्णय लिँदा नेपाल पहिलो ब्याटिङ गर्दैछ । मुलपानी क्रिकेट मैदानमा नेपाल ‘ए’ आज पनि सन्दीप जोराकै कप्तानीमा छ । नियमित कप्तान विनोद भण्डारी बिरामी […]

Success

Thank you for your time.