default_image

5 months ago

January 24, 2024

पुलिसको लगातार पाँचौ जित

1371 views

0 Bookmark

काठमाडौं (हाम्रो खेलकुद) – नेपाल पुलिस क्लबले प्रधानमन्त्री कप २०२४ मा लगातार पाँचौ जित दर्ता गर्ने क्रममा मधेश प्रदेशलाई हराएको छ ।

मुलपानी क्रिकेट मैदानमा मधेशमाथि ६ विकेटको जित निकाल्दै पुलिसले शत प्रतिशत जितको नतिजालाई कायम राख्यो । मधेशले प्रस्तुत गरेको ९७ रनको लक्ष्य पुलिसले १९ औं ओभरमा ४ विकेट गुमाउँदै पूरा गर्यो । पुलिस ५ खेलमा १० अंक लिएर शीर्षस्थानमा अग्रता फराक पार्दा मधेश भने ७ खेलमा ८ अंक जोड्दै तेस्रो स्थानमा छ ।

बायाँ हाते स्पिनरद्वय सागर ढकाल र ललित नारायण राजवंशीले ९ विकेट लिएपछि मधेश २४ ओभरमा मात्र ९६ रन जोड्दै अलआउट भएको थियो । दोस्रो ओभरमा अनिल शाह १ रनमा आउट भएपछि मधेशको विकेट पतन सुरु भएको थियो । अरनिको यादवले २३ र कप्तान हरिशंकर शाहले २२ रन जोड्नुबाहेक अन्य खेलाडीले खासै योगदान दिन सकेनन् ।

सागरले ९ ओभरमा ४१ रन खर्चेर ५ विकेट लिंदा ललितले ५ ओभरमा मात्र १२ रन दिएर ४ विकेट हात पारे । अर्को विकेट रशिद खानको नाममा रह्यो ।

जवाफी ब्याटिङमा पुलिसका लागि सुनिल धमला र कुशल भुर्तेलले ५२ रनको साझेदारी गरे । कुशल २३ बलमा २ चौका र १ छक्का जोड्दै १९ रनमा आउट भए । रंजित कुमारले आठौं ओभरमा कुशललाई बोल्ड गरेका थिए । त्यसपछि सुनिल ११ औं ओभरमा २८ रन जोड्दै आउट भए । उनले २७ बलमा ३ चौका र २ छक्का जोडे ।

अर्जुन साउद ७ र दिलिप नाथ ४ रनमा आउट हुँदा पुलिस केहि समस्यामा थियो । तर अमित श्रेष्ठ नटआउट १५ तथा आरिफ शेखले १ चौका र १ छक्कासहित नटआउट १६ रन जोडेर जित पक्का गरे ।

June 14, 2024

सन्दीपसहित नेपाली क्रिकेट टोलीले अभ्यास गर्यो

प्रकाश तिमल्सिना, सेन्ट भिन्सेन्ट आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार सेन्ट भिन्सेन्ट आइपुगेको नेपाली टोली स्पिनर सन्दीप लामिछाने सहित अभ्यास गरेको छ। दक्षिण अफ्रिकासँग शुक्रबार स्थानीय समय अनुसार साँझ ७:३० बजे (नेपाली समय अनुसार शनिबार बिहान ५:१५ बजे) खेल‌ हुने मैदान आर्नस भेलमा बिहीबार साँझ ६:१५ बजेबाट अभ्यास सुरु […]

June 14, 2024

नेपाली क्रिकेट टोली सेन्ट भिन्सेन्ट आइपुग्यो

सेन्ट भिन्सेन्ट (हाम्रो खेलकुद)- आइसिसी टि ट्वान्टी विश्वकपको समूह चरणको‌ आफ्ना अन्तिम २ का लागि बिहीबार स्थानिय समय अनुसार दिउँसो ३:३० बजे सेन्ट भिन्सेन्ट आइपुगेको छ। नेपाली राष्ट्रिय क्रिकेट टोली अमेरिकाको‌ फ्लोरिडाको खराब मौसमका कारण बुधबार रोकिएको थियो।फ्लोरिडाबाट नेपाली‌ टोली बुधबार साँझ सेन्ट भिन्सेन्ट आउने तालिका रहेपनि लगातारको वर्षाका कारण उडान रद्द भएको थियो। लगातारको‌‌ […]

June 14, 2024

बंगलादेशको नेदरल्याण्ड्सविरुद्ध जित

एजेन्सी – आईसिसी टि-२० विश्वकपमा नेपाल रहेको समूह डी मा बंगलादेशले नेदरल्याण्ड्स माथि जित दर्ता गरेको छ । बंगलादेशले नेदरल्याण्ड्सलाई २५ रनले पराजित गरेको हो । बंगलादेशले दिएको १६० रनको लक्ष्य पछ्याएको नेदरल्याण्ड्सले निर्धारित २० ओभरमा ८ विकेटको क्षतिमा १३४ मात्र बनाउन सक्यो । राम्रो सुरुवात गरेको नेदरल्याण्ड्स जिततर्फ उन्मुख रहेको थियो । तर १५औं […]

Success

Thank you for your time.