default_image

6 months ago

January 30, 2024

सुदूरपश्चिमविरुद्ध जित सँगै एपिएफको फाइनल सम्भावना जीवितै 

1476 views

0 Bookmark

काठमाडौँ (हाम्रो खेलकुद) – मुलपानीमा सुदूरपश्चिम प्रदेश विरुद्ध तीन विकेटको जित हात पारेसँगै विभागीय टोली नेपाल एपिएफ क्लबले फाइनल सम्भावना कायम राखेको छ । सुदूरपश्चिमले दिएको ८८ रनको लक्ष्य पछ्याएको एपिएफले सो लक्ष्य ७ विकेट गुमाएर पुर्यायो ।

जितसँगै एपिएफको ८ खेलमा १० अंक पुगेको छ । दोस्रो स्थानमा रहेको आर्मीको ८ खेलमा १२ अंक छ । एपिएफले फाइनल पुग्नका लागि अन्तिम खेल जित्ने पर्ने हुन्छ । यसका साथै एपिएफका लागि आर्मीले आफ्नो अन्तिम खेलमा हार बेहोर्नु पर्ने छ । त्यसपछि चिनोफानो नेट रन रेटका आधारमा हुने छ । नेपाल पुलिस क्लब ७ खेलमा सबैमा जित हासिल गर्दै १४ अंक सहित फाइनलमा आफ्नो स्थान बनाइसकेको छ ।   

एपिएफका लागि सन्दिप जोराले १५ बलमा सर्वाधिक १८ रनको अविजित इनिङ खेले । यस्तै ओपनर आसिफ शेखले १५ रन बनाए भने भुवन कार्कीले १४ रन बनाए । लक्ष्य झिनो भएपनि सुदूरले लगातार दवाब राखेको थियो । ७ विकेट खसेपनि एपिएफले लक्ष्य १४.१ ओभरमा भेटाएको थियो ।    

सुदूरका लागि दिपक चन्दले ६ ओभरमा ३६ रन खर्चिंदै ४ विकेट लिए । यस्तै नरेन साउदले ६ ओभरमा ४४ रन खर्चेर ३ विकेट लिए ।  

त्यसअघि टस हारेर ब्याटिङको निम्तो पाएको सुदूर १६.२ ओभरमा ८७ रनमा समेटियो । सुदूरलाई सस्तैमा समेट्न आज पहिलो खेल खेलिरहेका चन्दन रामले ७ ओभरमा ५१ रन दिँदै ५ विकेट लिए । यस्तै भुवन कार्कीले ६.२ ओभरमा १ मेडन सहित ३ विकेट लिए । कप्तान रोहित पौडेलले २ विकेट लिए ।

सुदूरका लागि नारायण जोशी २५ बलमा ३१ रन बनाउँदै अविजित रहे । यस्तै ओपनर खडक बोहोराले ३३ बलमा २४ रन बनाए । अन्य ब्याटरले दोहोरो अंक पनि छुन सकेनन् ।       

July 16, 2024

अभ्यास खेलमा नेपाली टोलीको जित

काठमाडौं (हाम्रो खेलकुद) – श्रीलंकामा हुने वुमन्स एसिया कपको तयारीमा रहेको नेपाली महिला टोलीले मंगलबार अभ्यास खेल जितेको छ । तेस्रो अभ्यास खेलमा नेपाली टोलीले श्रीलंका वुमन्स डेभलप्मेन्टलाई २ रनले हराएको छ । यसअघिका सोही टोलीसँगको दुवै अभ्यास खेलमा नेपाल पराजित भएको थियो । १ सय १३ रनको लक्ष्य पछ्याएको श्रीलंका वुमन्स १९.५ ओभरमा सबै […]

July 14, 2024

भारतद्वारा जित सहित जिम्बाब्वे भ्रमण अन्त्य

एजेन्सी – लगातार चौथो जित सहित भारतले विश्वकप पछिको पहिलो भ्रमण अन्त्य गरेको छ । पाँच खेलको टि-ट्वान्टी शृंखलाको अन्तिम खेलमा ४२ रनले जिम्बाब्वेलाई हराउँदै ४-१ ले जितेको हो । आईतवार भारतले दिएको १६८ रनको लक्ष्य पछ्याएको जिम्बाब्वे १८.३ ओभरमा १२५ रनमा समेटियो । जिम्बाब्वेका लागि डिअन मायर्सले सर्वाधिक ३४ रन बनाए । मारुमानीले र […]

July 13, 2024

सिन्धुपाल्चोकमा क्रिकेट प्रशिक्षक प्रशिक्षण

सिन्धुपाल्चोक (हाम्रो खेलकुद)- सिन्धुपाल्चोकका सामुदायिक तथा संस्थागत विधालयका खेल शिक्षकका लागि विद्यालय क्रिकेट प्रशिक्षक प्रशिक्षण तथा अनुशिक्षण कार्यक्रम सम्पन्न भएको छ। सिन्धुपाल्चोक जिल्ला क्रिकेट संघको आयोजनामा तथा ग्रेट हिमालय क्रिकेट एकेडेमीको समन्वयमा प्रशिक्षण भएको थियो। ग्रस रुट क्रिकेट विकासको पहिलो खुड्किला विद्यालय बाट नै क्रिकेटको सुरूवात गर्नुपर्ने र शिक्षकले त्यसमा महत्वपूर्ण भुमिका रहने भएकोले प्रशिक्षण […]

Success

Thank you for your time.