default_image

6 months ago

February 3, 2024

खराब सुरुवात गरेको आर्मी पुलिस विरुद्ध सम्हालिँदै 

798 views

0 Bookmark

काठमाडौँ (हाम्रो खेलकुद) – प्रधानमन्त्री कप पुरुष क्रिकेट २०८० को फाइनल खेलमा खराब सुरुवात गरेको त्रिभुवन आर्मी क्लब नेपाल पुलिस क्लब विरुद्ध इनिङ सम्हालिरहेको छ । टस हारेर पहिले ब्याटिङको निम्तो पाएको आर्मीले ३४ ओभरको समाप्तिमा ७ विकेट गुमाएर १०९ रन बनाएको छ ।

सोम्पाल कामी र विवेक यादब क्रमश: २६ र १७ रन बनाएर खेलिरहेका छन् । ६९ रनमा ७ विकेट गएको अवस्था देखि यी दुई ब्याटरले ४० रनको साझेदारी गरेका छन् । 

आर्मीले सुरुवातबाट नै पुलिसको स्पिन अट्याक विरुद्ध संघर्ष गर्नु पर्यो । ओपनर सन्तोष कार्कीलाई चौथो ओभरको आफ्नो स्पेलको पहिलो बलमा ललित राजबंशीले ६ रनमा रहेको अवस्थामा बोल्ड आउट गरे । भिम शार्की पनि ललितकै बलमा छैठौ ओभरको पहिलो बलमा ५ रनमा आउट भए ।

सोहि ओभरको अन्तिम बलमा सन्दिप रजालीलाई ललितले शुन्यमा बोल्ड गरे । राम्रो लयमा रहेका कप्तान बिनोद भण्डारी २ रनमा करन केसीको बलमा करन द्वारा नै क्याच हुन पुगे ।

राम्रो सुरुवात गरेका कुशल मल्ल सागर ढकालको बलमा २०औ ओभरमा ३२ बलमा १७ रन बनाएर पेभेलियन फर्किए । बसिर अहमदलाई २१औ ओभरमा दिपेन्द्र सिंह ऐरीले १ रनमा आफ्नो शिकार बनाए ।

त्यसपछि आउट हुने ओपनर इमरान शेख थिए । अर्को तर्फ लगातार विकेट झरिरहँदा क्रिजमा डटेर रहेका उनी ६६ बलमा २८ रन बनाउँदै २५औ ओभरमा दिपेन्द्रकै बलमा क्याच आउट भए ।          

पुलिसका लागि ललित राजबंशीले ३ विकेट लिएका छन् भने दिपेन्द्र सिंह ऐरीले २ तथा सागर ढकाल र करन केसीले समान १-१ विकेट लिएका छन् ।  

पुलिस लिग चरणको सबै खेलमा जित निकाल्दै पहिलो स्थानमा रहेर फाइनल प्रवेश गरेको थियो । आर्मीले भने ९ खेलमा ७ जितसहित दोस्रो स्थानमा रहँदै पुलिस विरुद्धको उपाधि भिडन्त पक्का गरेको हो ।  

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

July 23, 2024

नेपाललाई भारतविरुद्ध विशाल लक्ष्य

काठमाडौं (हाम्रो खेलकुद) – एसिसि महिला एशिया कप २०२४ अन्तर्गत समूह चरणको अन्तिम खेलमा नेपालले भारत विरुद्ध विशाल लक्ष्य पाएको छ । नेपालले भारत विरुद्ध १ सय ७९ रनको लक्ष्य पाएको हो । दाम्बुलामा टस जितेर पहिला ब्याटिङ गरेको भारतले निर्धारित २० ओभरमा ३ विकेट गुमाउँदै १ सय ७८ रन बनाएको हो । भारतका लागि […]

July 23, 2024

नेपालले भारत विरुद्ध पहिला बलिङ गर्ने

काठमाडौं (हाम्रो खेलकुद) – एसिसी महिला एशिया २०२४ अन्तर्गत समूह चरणको अन्तिम खेलमा नेपालले भारत विरुद्ध पहिला बलिङ गर्ने भएको छ । श्रीलंका स्थित दाम्बुला स्टेडियममा भारतका लागि आज कप्तानी गरिरहेकी स्मृति मान्धनाले टस जितेर ब्याटिङ गर्ने निर्णय गरेको हुन् । नेपालले पाकिस्तान विरुद्ध हार बेहोरेको टोलीमा दुई परिवर्तन गरेको छ । रोमा थापा र […]

Success

Thank you for your time.