default_image

3 weeks ago

February 9, 2024

नेपाली टोलीमा परिवर्तनको सम्भावना

काठमाडौं (हाम्रो खेलकुद) – नेपाली राष्ट्रिय क्रिकेट टोलीले शनिबार क्यानडाविरुद्ध ओडीआई सिरिजको दोस्रो खेल खेल्दैछ । पहिलो खेलमा ७ रनको रोमान्चक जित दर्ता गरेको नेपालले दोस्रो खेलमा टोलीमा केही परिवर्तन गर्ने बलियो सम्भावना छ । पहिलो खेलमा सूर्य तामाङ र रिजन ढकाललाई डेब्यु दिँदा दुवैले औसत प्रदर्शन गरेका थिए । रिजनले टोलीलाई पहिलो सफलता दिलाउँदा […]

2305 views

0 Bookmark

काठमाडौं (हाम्रो खेलकुद) – नेपाली राष्ट्रिय क्रिकेट टोलीले शनिबार क्यानडाविरुद्ध ओडीआई सिरिजको दोस्रो खेल खेल्दैछ । पहिलो खेलमा ७ रनको रोमान्चक जित दर्ता गरेको नेपालले दोस्रो खेलमा टोलीमा केही परिवर्तन गर्ने बलियो सम्भावना छ ।

पहिलो खेलमा सूर्य तामाङ र रिजन ढकाललाई डेब्यु दिँदा दुवैले औसत प्रदर्शन गरेका थिए । रिजनले टोलीलाई पहिलो सफलता दिलाउँदा सूर्य भने विकेटविहिन रहेका थिए । त्यसबाहेक पवन सर्राफले पनि टोलीमा पुनरागमन गरे । दोस्रो खेलमा पनि प्रशिक्षक मोन्टी देशाइले एक डेब्युसँगै टोलीमा परिवर्तन गर्ने सम्भावना छ ।

नेपाल यू१९ टोलीका तीव्र गतिका बलर आकाश चन्द र हेमन्त धामी सिनियर टोलीबाट ओडीआई डेब्यु गर्न प्रतीक्षारत छन् । त्यस्तै यू१९ कप्तान देव खनाल पनि पुनरागमनपछि मैदान उत्रन आतुर छन् । विकेटकिपर अनिल शाह पनि पहिलो खेलमा बेन्चमा रहेका थिए ।

नेपालले क्यानडा सिरिजलाई लिग-२ को तयारीसँगै आफ्नो बेन्च स्ट्रेन्थ मापन गर्ने योजनाका साथ लिएको छ । त्यसैले शनिबारको खेलमा टोलीमा २-३ परिवर्तन हुने सम्भावना छ । प्रशिक्षक देशाइले देव र अनिललाई अवसर दिने सम्भावना देखिन्छ ।

ज्ञानेन्द्र मल्लको प्रस्थानपछि नेपालको तेस्रो नम्बर ब्याटिङमा अझै स्थायी खेलाडी आइसकेका छैनन् । त्यसका लागि देव पक्का खेलाडीको रुपमा हेरिएको छ । त्यसैले दोस्रो खेलमा देवले अवसर पाउन सक्छन् । त्यस्तै आसिफ शेखलाई विश्राम दिएर लयमा रहेका अनिल पनि टोलीमा आउन सक्छन् ।

पहिलो खेलमा नेपालले क्यानडाका ३ बायाँ हाते ब्याटर हुँदा सूर्यलाई खासै प्रयोग गर्न सकेको थिएन । यसैपनि ललित नारायण राजवंशी र रिजन ढकाल हुँदा कुशल मल्लले पनि बायाँ हाते बलिङ गर्न सक्छन् । त्यसैले ललित र सूर्यमध्य एकको स्थानमा आकाश वा हेमन्त खेल्न सक्छन् । दुवैले एकसाथ डेब्यु गर्ने सम्भावना पनि कायम छ ।

February 27, 2024

पुछारका दुवै ब्याटरको सानदार शतक

एजेन्सी – भारतको शीर्ष श्रेणी क्रिकेट प्रतियोगिता रणजी ट्रफी अन्तर्गत मुम्बईबाट पुछारका दुई ब्याटरले शतक बनाएका छन् । नेपालले अर्को महिना मैत्रीपूर्ण सिरिज खेल्न लागेको बरोडाविरुद्ध दुर्लभ उपलब्धि हासिल गरेका हुन् । मंगलबार सम्पन्न दोस्रो क्वाटरफाइनल अन्तर्गत बरोडाविरुद्ध खेलको पाँचौ दिन दशौं नम्बरमा ब्याटिङ गरेका तनुश कोटिया र एघारौं नम्बरमा आएका तुषार देशपाण्डेले शतक प्रहार […]

February 27, 2024

दुर्गेशको शतकमा भोटेचौरको लगातार जित

काठमाडौं (हाम्रो खेलकुद) – ओपनर दुर्गेश थापाको नटआउट शतकमा भोटेचौर स्पोर्ट्स क्लबले पाँचपोखरी जिल्लास्तरीय टि२० क्रिकेट प्रतियोगितामा लगातार दोस्रो जित हासिल गरेको छ । यस्तै दिनको अर्को खेलमा इन्द्रावती गाउँपालिकाले पनि पहिलो जित दर्ता गर्यो । मुलपानी क्रिकेट मैदानमा भोटेचौरले टस जितेर पाँचपोखरी हिमालयन क्रिकेट क्लबलाई ब्याटिङको निम्तो दिएको थियो । हिमालयनले निर्धारित २० ओभर […]

February 27, 2024

नेपाल नामिबियासँग टि२०आईमा पनि पराजित

काठमाडौं (हाम्रो खेलकुद) – नेपाली राष्ट्रिय पुरुष क्रिकेट टोलीले त्रिकोणात्मक टि२०आई सिरिजको पहिलो खेलमा नामिबियासँग २० रनको हार बेहोरेको छ । यसअघि लिग-२ अन्तर्गत दुवै ओडीआईमा हार बेहोरेको नेपाल नामिबियासँग लगातार तेस्रो खेलमा पराजित भएको हो । नामिबियाले प्रस्तुत गरेको २ सय ७ रनको विशाल लक्ष्य पछ्याउने क्रममा नेपालले १८.५ ओभरमा अलआउट हुँदै १ सय […]

Success

Thank you for your time.