default_image

6 months ago

February 9, 2024

एक्सपर्ट भरतपुर मेयर्स कप- नारायणी नमुनाको जित

253 views

0 Bookmark

राकेश तिमल्सिना, चितवन

एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको पहिलो दिन आज (शुक्रबार) नारायणी नमुना मा. वि र मा.वि गंगानगरले विजयी सुरुआत गरेका छन् ।

नारायणीले भानु मा.वि पहारिलोटारलाई १ सय ४५ रनको फराकिलो अन्तरमा तथा मा.वि गंगानगरले बालकुमारी मा.वि.लाई १० विकेटको फराकिलो अन्तरमा हराउँदै प्रतियोगितामा विजयी सुरुआत गरेका हुन् ।

पहिलो खेलमा भरतपुर १५ स्थित निर्माणाधिन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा टस हारेर पहिला ब्याटिङको निम्तो पाएको नारायणी नमुना मा. विले निर्धारित २० ओभरमा २ विकेट गुमाएर १ सय ८५ रनको विशाल योगफल तयार गर्यो ।

नारायणीका लागि ओपनर आयुष गिरी र मध्यक्रममा राहुल कुशवाहाले अर्धशतकीय इनिङस खेले । ५९ बल खेलेका राहुलले ७ चौका र १ छक्कासहित ६९ रनमा नटआउट रहे । ५१ बल खेल्दै आयुषले ७ चौकाको मद्धतमा ५८ रन बनाए ।

बलिङमा अंकित बिश्वकर्मा र गिरी बहादुर नेपालीले समान १ विकेट लिए । १ सय ८६ रनको विशाल लक्ष्य पछ्याएको भानु मा.वि पहारिलोटार ९.३ ओभरमा ४० रनमा अलआउट भयो ।

भानुका कुनैपनि ब्याटरले दोहोरो अंकमा रन बनाउन सकेनन् । भानु इनिङस ध्वस्त बनाउने क्रममा संजय यादवले ३, सन्देश खरेल, निखिल चौधरी र उमेश महतोले समान २ विकेट लिए । खेलको प्लेयर अफ द म्याच नारायणीका राहुल कुशवाहा भए ।

यस्तै अर्को खेलमा ३७ रनको झिनो लक्ष्य पछ्याएको मा. वि. गंगानगरले विना कुनै विकेटको क्षतिमा ४ ओभरमा पुरा गर्यो । गंगानगरका सुजन रानाभाट १६ र राज बिश्वकर्मा १३ रनमा नटआउट रहे ।

त्यसअघि टस हारेर पहिला ब्याटिङ गरेको बालकुमारी मा.वि. ९.५ ओभरमा ३६ रनमा अलआउट भयो । बालकुमारीका कुनै पनि ब्याटरले दोहोरो आँकाडामा रन छुन सकेनन् । बालकुमारीलाई सस्तैमा समेट्ने क्रममा गंगानगरका विश्वास तामाङले ४, सचिन महतोले ३ र अरुण राना मगरले २ विकेट निकाले ।

३.५ ओभर बलिङ गर्दै १५ रन खर्चिएर ४ विकेट लिएका गंगानगरका विश्वास तामाङ खेलको प्लेयर अफ द म्याच चुनिए । नारायणी नमुना मा. वि र मा.वि गंगानगर जारी एक्सपर्ट भरतपुर मेयर्स कप अन्तरविद्यालय क्रिकेट प्रतियोगिताको लिग चरणमा प्रवेश गरेका छन् ।

भरतपुर महानगरपालिकाको आयोजनामा संचालनमा भएको प्रतियोगितामा १० सामुदायिक र १० संस्थागत गरी कुल २० विद्यालयको सहभागीता रहेको छ । फागुन २२ गते सम्म चल्ने प्रतियोगिता नकआउट कम राउण्ड रोविन लिगका आधारमा खेलाइनेछ ।

राउण्ड रोबिन लिगका लागि छानिएका १० टोलीलाई २ समुहमा विभाजन गरी आफ्नै समुहमा लिग खेलाइनेछ । मुख्य प्रायोजक एक्सपर्ट एजुकेशन एण्ड भिजा सर्भिसेज प्रतियोगितामा प्राविधिक सहयोग चितवन जिल्ला क्रिकेट संघले गरेको छ ।

नकआउट चरणको उद्घाटन समारोहमा भरतपुर महानगरपालिका खेलकुद विकास समितिका संयोजक विकास श्रेष्ठ, समिति सदस्य दिप बहादुर पण्डित, भरतपुर महानगरपालिका शैक्षिक प्रशासन महाशाखाका अधिकृत अर्जुन कुमार मडै, चितवन जिल्ला क्रिकेट संघका पदाधिकारी लगायतको उपस्थिति थियो ।

July 25, 2024

एसिया कप खेलेर फर्कियो नेपाल

काठमाडौं (हाम्रो खेलकुद) – नेपाली राष्ट्रिय महिला क्रिकेट टोली एसीसी महिला एसिया कप खेलेर विहीबार स्वदेश फर्किएको छ । नेपालले प्रतियोगिताको समूह चरणमा यूएई, पाकिस्तान र भारतसँग प्रतिस्पर्धा गरेको थियो । पहिलो खेलमा यूएईलाई ६ विकेटले हराउँदै नेपालले प्रतियोगिताको इतिहासमा पहिलो जित समेत दर्ता गरेको थियो । त्यसपछि दोस्रो खेलमा पाकिस्तानसँग ९ विकेट र भारतसँग […]

July 24, 2024

दीपेन्द्र र रोहित ग्लोबल टि-२० खेल्न जाँदै

काठमाडौं (हाम्रो खेलकुद) – नेपाल राष्ट्रिय क्रिकेट टोलीका कप्तान रोहित पौडेल र अल-राउन्डर दीपेन्द्र सिंह ऐरी क्यानडियन फ्रेन्चाइज लिग ग्लोबल टि-२० का लागि आज राती प्रस्थान गर्ने भएका छन् । दुवै दिल्लीबाट क्यानडाका लागि प्रस्थान गर्दैछन् । भिसा आउन समय लागेका कारण दीपेन्द्र शुक्रवार देखि सुरु हुने लिगका लागि ढिलो प्रस्थान गर्दैछन् । उनी यसपटक […]

July 23, 2024

भारतविरुद्ध फराकिलो हारसँगै नेपाल एशिया कपबाट बाहिरियो

काठमाडौं (हाम्रो खेलकुद) – भारत विरुद्ध फराकिलो हार बेहोर्दै नेपाल एसिसि एशिया कप २०२४ बाट बाहिरिएको छ । भारत विरुद्ध ८२ रनले पराजित भएसँगै नेपाल एशिया कपबाट औपचारिक रूपमा बाहिरिएको हो । १ सय ७९ रनको विशाल लक्ष्य पछ्याएको नेपालले निर्धारित २० ओभरमा ९ विकेट गुमाउँदै ९६ रन मात्र बनाउन सक्यो । नेपालका लागि सिता […]

Success

Thank you for your time.