6 months ago
February 12, 2024
काठमाडौं (हाम्रो खेलकुद) – तेस्रो मनमोहन मेमोरियल यू–१६ राष्ट्रिय क्रिकेट प्रतियोगितामा गण्डकी र कोशी प्रदेशले विजयी सुरुवात गरेका छन् ।
प्रतियोगिताको पहिलो दिन आइतबार पोखरा रंगशालामा समूह ए अन्तर्गत गण्डकीले कर्णालीलाई सुपर ओभरमा हराएको थियो । सोही समूहको अर्को खेलमा कोशीले बागमतीलाई हरायो । दुवै विजयी टोलीले अंक तालिकामा २-२ अंक जोडेका छन् ।
पहिलो ब्याटिङ गरेको गण्डकीले २३.५ ओभरमा अलआउट हुँदै १ सय २० रन जोडेको थियो । रुपेश थापाले ३५ र सरोज खत्रीले ३२ रन जोडेका थिए ।
जवाफमा कर्णालीले निर्धारित २५ ओभरमा ९ विकेट गुमाएर १ सय २० रन नै जोड्यो । दिपेन्द्र भण्डारीले ४ विकेट लिँदा कर्णालीका विर्जन न्यौपानेले ३७ रन जोडे ।
सुपर ओभरमा कर्णालीले १० रन जोड्दा गण्डकीले ५ बलमा ११ रन जोड्दै जित दर्ता गर्यो ।
दोस्रो खेलमा कोशीले बागमतीलाई ११ रनले हरायो । कोशीले ३५ ओभरमा ९ विकेट गुमाएर १ सय ४४ रन जोडेको थियो । दिपु भुजेलले सर्वाधिक ४४ रन जोडे । बागमतीका दिपेश शाहले ४ विकेट लिए ।
बागमतीले २५ ओभरमा ८ विकेटको क्षतिमा १ सय ३३ रनमात्र बनाउन सक्यो । प्लेयर अफ द म्याच घोषित कोशीका दिव्यांश बास्तोलाले ५ ओभरमा १३ रन खर्चेर ४ विकेट लिए । बागमतीका बुद्धिमान श्रेष्ठले २६ बलमा नटआउट ३४ रन जोड्ने क्रममा १ चौका मात्र प्रहार गरे ।
प्रतियोगिताको समूह ए मा कोशी, बागमती, गण्डकी र कर्णाली छन् । समूह बी मा आयोजकसँगै मधेश, लुम्बिनी र सुदूरपश्चिम छन् । समूहको शीर्ष २ टोलीले सेमिफाइनलमा प्रतिस्पर्धा गर्नेछन् । फाइनल फागुन ७ गते हुनेछ ।
July 26, 2024
एजेन्सी – आयोजक श्रीलंका एसिसी महिला एसिया कपको उपाधि नजिक पुगेको छ । शुक्रबार भएको दोस्रो सेमिफाइनलमा पाकिस्तानलाई ३ विकेटले पराजित गर्दै घरेलु टोली फाइनलमा पुगेको हो । पाकिस्तानले दिएको १ सय ४१ रनको लक्ष्य श्रीलंकाले ७ विकेट गुमाइ १९.५ ओभरमा पूरा गर्यो । कप्तान चमारी अथापथ्थुले ४८ बलमा ९ चौका र २ छक्काको सहयोगमा […]
July 26, 2024
एजेन्सी – भारत एसिसी महिला एसिया कपको उपाधि नजिक पुगेको छ। श्रीलंकामा जारी एसिया कपको शुक्रबार भएको पहिलो सेमिफाइनलमा बंगालदेशलाई १० विकेटले पराजित गर्दै भारत फाइनलमा पुगेको हो। ८१ रनको लक्ष्य भारतले कुनै विकेट नगुमाइ ११ ओभरमा पूरा गर्यो। स्मृति मन्धनाले नटआउट ५५ रन र शफली बर्माले नटआउट २६ रन बनाइन् । स्मृतिले ३९ बलमा […]
July 26, 2024
एजेन्सी – नेपाली लेग स्पिनर सन्दीप लामिछाने सम्मिलित भ्यानकुभर नाइट्स टि ट्वान्टी क्यान्डा क्रिकेट लिगमा पराजित भएको छ । टोरन्टो नेसनल्ससँग भ्यानकुभर नाइट्स ८ विकेटले पराजित भएको हो। भ्यानकुभरले दिएको १ सय ११ रनको लक्ष्य टोरन्टोले १४.४ ओभरमा २ विकेट गुमाउँदै पूरा गर्यो। टोरन्टोका कप्तान कोलिन मुनरोले ३९ बलमा ३ छक्का र त्यत्तिनै चौकाको मद्दतमा सर्वाधिक […]