default_image

2 months ago

February 16, 2024

न्यूजिल्यान्डद्वारा टेस्ट सिरिज क्लिन स्विप

एजेन्सी – न्यूजिल्यान्डले दक्षिण अफ्रिका विरुद्धको घरेलु टेस्ट शृंखला क्लिन स्विप गरेको छ । दक्षिण अफ्रिकाले दिएको २६७ रनको लक्ष्य न्यूजिल्यान्डले चौथो दिनमा ३ विकेट गुमाएर पूरा गर्यो । न्यूजिल्यान्डका लागि केन विलियमसनले १३३ रनको अविजित इनिङ खेले । यस्तै विल यंग ६० रनमा नटआउट रहे । ओपनर टम ल्याथमले ३०, रचिन रभिन्द्रले २० तथा […]

452 views

0 Bookmark

एजेन्सी – न्यूजिल्यान्डले दक्षिण अफ्रिका विरुद्धको घरेलु टेस्ट शृंखला क्लिन स्विप गरेको छ । दक्षिण अफ्रिकाले दिएको २६७ रनको लक्ष्य न्यूजिल्यान्डले चौथो दिनमा ३ विकेट गुमाएर पूरा गर्यो ।

न्यूजिल्यान्डका लागि केन विलियमसनले १३३ रनको अविजित इनिङ खेले । यस्तै विल यंग ६० रनमा नटआउट रहे । ओपनर टम ल्याथमले ३०, रचिन रभिन्द्रले २० तथा डेभोन कन्वेले १७ रन बनाए । दक्षिण अफ्रिकाका लागि डेन पिइड्टले तीन विकेट लिएका थिए ।

त्यसअघि पहिलो इनिङमा टस जितेर ब्याटिङ गरेको दक्षिण अफ्रिका २ सय ४२ रनमा सिमित भएको थियो । दक्षिण अफ्रिकाका लागि रुआन डे स्वार्डटले सर्वाधिक ६४ रन बनाएका थिए । यस्तै डेविड बेडीनगमले ३९ र सन भोन बर्गले ३८ रन बनाएका थिए । न्यूजिल्यान्डका लागि पहिलो इनिङमा विलियम ओरोउर्कले ४ तथा रचिन रविन्द्रले ३ विकेट लिएका थिए ।

त्यसपछि पहिलो इनिङमा ब्याटिङ गरेको न्यूजिल्यान्ड २ सय ११ रनमा समेटियो ।

न्यूजिल्यान्डलाई सस्तैमा समेट्न डेन पिइड्टले ५ विकेट लिएका थिए । यस्तै डेन पिटरसनले ३ विकेट लिए ।न्यूजिल्यान्डका लागि केन विलियमसनले सर्वाधिक ४३ रन बनाएका थिए । यस्तै टम ल्याथमले ४० तथा विल यङले ३६ रन बनाए ।

३१ रनको अग्रता साथ दोस्रो इनिङमा ब्याटिङ सुरु गरेको दक्षिण अफ्रिका २३५ रन मात्र बनाउन सक्यो । बेडिनगमले ११० रनको शतकीय इनिङ खेल्दा किगन पिटरसनले ४३ रनको योगदान गरे । विलियम ओरोउर्कले दोस्रो इनिङमा भने ५ विकेट लिन सफल भए ।

दुई टेस्ट शृंखलाको पहिलो टेस्ट न्यूजिल्यान्डले २८१ रनको फराकिलो अन्तरले जितेको थियो । घरेलु टि-२० एसए-२० चलिरहेको अवस्थामा दक्षिण अफ्रिकाले कमजोर टोली न्यूजिल्यान्ड भ्रमणका लागि पठाएको छ ।

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

April 14, 2024

टि ट्वान्टी विश्वकप– अमेरिकामा जर्सी प्रि अर्डर गर्न सकिने

टेक्सस (हाम्रो खेलकुद) – अमेरिका र वेष्ट इन्डिजमा संयुक्त रुपमा हुने आइसीसी टि ट्वान्टी विश्वकपका लागि नेपाल क्रिकेट संघ (क्यान) ले केहि दिन गत साता काठमाडौंमा नेपाली टोलीले लगाउने जर्सी सार्वजनिक गरेको थियो । जुनको १ देखि २९ सम्म हुने टि ट्वान्टीमा नेपाली टोलीले लगाउने जर्सीको अमेरिकी विक्रि अधिकार केल्मी नेपालले एक्जोबी यूएसएलाई दिएको छ […]

Success

Thank you for your time.