default_image

2 months ago

February 18, 2024

एक्सपर्ट भरतपुर मेयर्स कप- नारायणी समूहको शीर्षमा

राकेश तिमल्सिना, चितवन एक्सपर्ट भरतपुर मेयर्स कप अन्तरविद्यालय क्रिकेटमा आइतबार इडन गार्डेन स्कुल र नारायणी नमुना मावीले जित निकालेका छन् । समूह बीको इडन गार्डेनले प्रभात माविलाई ६ विकेटले तथा नारायणीले मावि गंगानगरलाई २३ रनले हराएको छ । भरतपुर १५ स्थित निर्माणाधीन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा भएको पहिलो खेलमा टस जितेर ब्याटिङ […]

261 views

0 Bookmark

राकेश तिमल्सिना, चितवन

एक्सपर्ट भरतपुर मेयर्स कप अन्तरविद्यालय क्रिकेटमा आइतबार इडन गार्डेन स्कुल र नारायणी नमुना मावीले जित निकालेका छन् । समूह बीको इडन गार्डेनले प्रभात माविलाई ६ विकेटले तथा नारायणीले मावि गंगानगरलाई २३ रनले हराएको छ ।

भरतपुर १५ स्थित निर्माणाधीन गौतम बुद्ध अन्तर्राष्ट्रिय क्रिकेट रंगशालाको नमुना मैदानमा भएको पहिलो खेलमा टस जितेर ब्याटिङ रोजेको प्रभात १७ ओभरमा अलआउट हुँदै ९४ रनमा समेटियो । २४ बल खेल्दै ३ छक्का र १ चौकासहित २६ रन बनाएका सन्देश श्रेष्ठ सचिन घतानीको बलमा बोल्ड हुँदै पेभेलियन फर्किए ।

त्यसबाहेक अन्य ब्याटरले दोहोरो आँकाडामा रन छुन सकेनन् । प्रभातको इनिङ्स ध्वस्त बनाउनेक्रममा सचिन घतानीले ४ तथा सौगात सापकोटा र सलिन सापकोटाले समान २ विकेट लिए ।

९५ रनको सामान्य लक्ष्य पछ्याएको इडन गार्डेनले १३ ओभरमा ४ विकेट गुमाउदै पूरा गर्यो । इडन गार्डेनलाई जिताउन अभि सिंहले नटआउट १६ रन बनाए । त्यसअघि प्रेम तामाङले ३२ र सौगात सापकोटाले २२ रन जोडे ।

बलिङमा नर्मल बिकले २ तथा मनिष भट्टराई र अभिषेक लामिछानेले समान १ विकेट लिए । ४ ओभरमा १९ रन खर्चदै ४ विकेट लिएका सचिन घतानी खेलको प्लेयर अफ द म्याच बने । समूह बीको पहिलो खेलबाट जित निकाल्दै २ अंक जोडेको इडन गार्डेन नेट रनरेटका आधारमा समान अंक भएको अर्किडभन्दा एक स्थान तल दोस्रो स्थानमा छ ।

यस्तै अर्को खेलमा १ सय ४६ रनको लक्ष्यसहित ब्याटिङ थालेको मावि गंगानगरले निर्धारित २० ओभरमा ९ विकेट गुमाएर १ सय २२ रनमात्र बनाउन सक्यो । २८ बलमा १ छक्का र ५ चौका प्रहार गर्दै ओपनर राज विश्वकर्माले सर्वाधिक ३१ रन बनाए ।

अर्का ओपनर सुजन रानाभाटले १८ रन जोडे । तल्लोक्रममा कप्तान विश्वास तामाङले १७ रन बनाएपनि टोलीको हार टार्न सकेनन् । बलिङमा उमेश महतोले ३ तथा सन्जय यादव र चन्दन कुमार यादवले समान २ विकेट लिए ।

त्यसअघि टस जितेर पहिला ब्याटिङ रोजेको नारायणीले निर्धारित २० ओभरमा ७ विकेट गुमाएर १ सय ४५ रनको योगफल तयार गर्यो । सन्जय यादवले सर्वाधिक २६ रन बनाए । ओपनर आयुष गिरीले २५ रन जोडे ।

बलिङमा विश्वास तामाङ र राज विश्वकर्माले समान ३ विकेट लिए । अलराउण्ड प्रदर्शन गर्दै २६ रन बनाएर बलिङमा २ विकेट लिएका सन्जय यादव खेलको प्लेयर अफ द म्याच भए ।

लिगमा लगातार दोस्रो जित निकालेको नारायणी २ खेलबाट ४ अंक जोड्दै समूह एको शिर्षस्थानमा उक्लिएको छ । प्रतियोगितामा सोमबार पहिलो खेलमा अर्किड स्कुल र सनराइज इङलिस स्कुल तथा अर्को खेलमा अंकुरम एकेडेमी र लक्ष्मी मावि प्रतिस्पर्धा हुनेछ ।

April 23, 2024

स्टोइन्सको शतकमा चेन्नईमाथि लखनउको जित

एजेन्सी – मार्कुस स्टोइन्सको सानदार शतकसहित लखनउ सुपर जाइन्ट्ले इन्डियन प्रिमियर लिग (आइपिएल) मा मंगलबार चेन्नई सुपर किंग्सलाई ६ विकेटले हराएको छ । २ सय ११ रनको लक्ष्य पछ्याएको लखनउले ३ बल बाँकी रहँदै २ सय १३ जोडेर जित निकालेको हो । स्टोइन्सले ६३ बल खेल्दै १३ चौका र ६ छक्काको मद्दतमा नटआउट १ सय […]

April 23, 2024

मधेशको जित, कोशीको लगातार चौथो हार

काठमाडौं (हाम्रो खेलकुद) – कम योगफलको खेलमा मधेश प्रदेशले कोशी प्रदेशलाई २ विकेटले हराउँदै वीर गणेशमान सिंह राष्ट्रिय टी-ट्वान्टी च्याम्पिनसीपमा तेस्रो जित हासिल गरेको छ। ९१ रनको सहज लक्ष्य मधेशले १७ .१ ओभरमा ८ विकेटको नोक्सानीमा पूरा गर्यो। लक्ष्य सहज थियो। तर मधेशले यो सामान्य लक्ष्य पुरा गर्न ८ विकेट गुमायो। ओपनर साहिल पटेल ११ […]

April 23, 2024

लगातार चौथो जितपछि बागमती शीर्षस्थानमा

काठमाडौं (हाम्रो खेलकुद) – गौतम केसीले सानदार बलिङ गर्दै ५ विकेट लिंदा बागमती प्रदेशले कर्णाली प्रदेशमाथि वीर गणेशमान सिंह राष्ट्रिय टी-ट्वान्टी च्याम्पिनसिपमा ७ विकेटको सहज जित निकालेको छ। बागमतीको जितमा गौतमको बलिङ नै प्रमुख बन्यो। बागमतीको यो लगातार चौथो जित हो र ८ अंक सहित शीषस्थानमा उक्लिएको छ। जितको लागि १ सय २१ रनको सहज […]

Success

Thank you for your time.